為何幼稚園及小學的課程設計這麼不切實際?

zngo

我非常同意幼稚園時期遊戲中學習，每升一級加一點功課慢慢上便可，親子可多一些時間到郊外遠足、科學館、太空館等等、、、、、會比較適合我們一家！
若親子功課沒有交，小朋友見到其他同學有交而自己冇交，會否影響心態，所以我不喜歡有太多親子功課，每學年不多於三次好了!

titanlow

這與個別學校有關吧！

我兩個女兒的學券幼稚園很正常啊！每年聖誕吊飾、新年吊飾而已，甚麼種萬壽菊或其他親子乜乜比賽還可選擇做與不做呢！孩子其實很喜歡跟爸媽一起做手工，雖然那手工有80%是爸媽做，她們很雀躍的，還很想幫手。假如不計較成品外觀，其實做親子手工很輕鬆，還有很多blogger 願意分享，抄考一下別人的作品便可以了！

至於其他親子功課如閱讀計劃、找圖片之類，用的時間很少，大人幫手分配一下，也不失是一個好o既親子時間。

MC1128

titanlow 發表於 13-2-20 16:33
這與個別學校有關吧！

我兩個女兒的學券幼稚園很正常啊！每年聖誕吊飾、新年吊飾而已，甚麼種萬壽菊或其他 ...

情況相同,我有時間便與女一同做,無時間便不做,學校從來無話有問題,有人話,咁個細路無獎喎,設計獎,環保獎,我女一個都無,都無問題

chanwendy

我小朋友讀的幼稚唔係好多親子功課, 一定要做的都只係閱書報告, 咁呢啲大部份家長平時都會花時間同小朋友睇書架啦.  係到 k3 有剪報, 我係同小朋友一齊睇, 問咗佢的 comment, 將佢寫成文字叫小朋友照抄返落去, 我覺得咁都 ok 的.  其他的甚麼親子設計比賽唔係一定要參加的, 所以我大部份都冇參加.  唯一最唔鍾意的親子活動就係一人一花.

skmibb

我個仔間學校，都冇乜功課，絕大部分都係學校完成。
K1帶返屋企就只有填色同連線。
K2就開始寫中文字，每星期寫三次。
K3就都一樣，每星期寫兩次字及一次句子寫作。
以上功課，阿仔都會自己完成，我放工返嚟睇一睇。
至於一定要家長協作的，必定是每週的閱讀報告。每星期睇一本英文，隔週一本中文。閱讀報告都係一個簡單工作，小朋友睇完就畫番自己對本書的感受。
其他每年的過年飾物呀！中秋節燈籠等等，我都放手俾小朋友自己整，雖然都唔係好靚，我就覺得無所謂喇！都只係學習過程的一種。今年K3有點意外，阿仔竟然親自插了一盤賀年花返嚟(老師沒有幫忙，只作少少示範)，我只係交了材料費用。

skmibb

原帖由 pancake5354 於 13-02-22 發表
回復 skmibb 的帖子

那你小朋友的學校仍算合理...起碼能安排一些合乎小朋友程度的功課, 真真正正做到自己 ...

嘻嘻，我係一個懶媽咪。我揾依間學校因為係咁樣，而我無好似我啲朋友已在幼稚園階段出去學公文，個個星期串十個生字，個個星期做數。起初我都好擔心阿仔跟唔上，而且小一面試都幾乎全軍覆沒。但因依間係國際幼稚園，阿仔英文都好得。基本上可以流跟外國人傾談，小一程度英文故事書都會讀。但串字方面就麻麻，因學校係教拼音，唔係死背生字。所以有好多日常用字一定識認讀，短句都可以。中文都一樣，開始認到好多生字啦!係我心目，讀唔到名小學已不重要，最重要係小朋友的學習態度非常正面，已能學以致用！

hkparent

Pancake5354, from what you said, I think international school fits you.

skmibb

過去幾年，的確有點擔心。不過我個仔細細個時，我已經知道佢係唔可以“迫”的小朋友。當佢還是好BB時，我啲朋友已經日日"閃卡"，認物件卡.......我個仔一於采你都傻，但見到實物又自然識講。歲幾學講嘢時，朋友話用海豚式訓練，我個仔都係唔得。的確，每個小朋友的發展藍圖是不盡相同。當我都幾擔心時，我個醫生朋友卻話：我個年代都係小學先開始學ABC,so what!這一藉話，給了我好大的信心。

judy

可能香港搵食艱難, 個個都想小朋友爭取多一點優勢, 將來好行一點。

對，個個都想小朋友爭取多一點優勢, 將來好行一點。但何謂優勢？

我認為小朋友四肢發達一點才是優勢。

nintendo

judy 發表於 13-2-23 09:58
對，個個都想小朋友爭取多一點優勢, 將來好行一點。但何謂優勢？

我認為小朋友四肢發達一點才是優勢。 ...

真係唔係講笑，我覺得男仔要夠高，叻仔出面大把，唔夠高，行埋行家或客度，都先輸氣勢

serinac

原帖由 nintendo 於 13-02-23 發表
真係唔係講笑，我覺得男仔要夠高，叻仔出面大把，唔夠高，行埋行家或客度，都先輸氣勢

哈哈！高度呢樣嘢係由genes 決定，後天可做不多。

judy

哈哈！高度呢樣嘢係由genes 決定，後天可做不多

唔係，要四肢發達，必要多做運動，做得運動多，自然高啲。另外，四肢發達嘅人，通常單純一點，單純啲，也會高的。

有樣你睇，你睇啲高官多矮子。王永評、曾任權企到我肩頭到。阿二有個好高嘅同學仔，父母係高官，佢两公婆都矮。

judy

真係唔係講笑，我覺得男仔要夠高，叻仔出面大把，唔夠高，行埋行家或客度，都先輸氣勢

女仔高都有着數，有個成語叫亭亭玉立，矮嘅人不會亭亭玉立。

skmibb

pancake5354 發表於 13-2-22 23:46
回復 skmibb 的帖子

哈哈！
當我一放假就成日去買餸....
阿仔問︰媽咪，點解你成日都要買餸架？
我答︰媽媽的工作就係買餸，如果唔係你地就無嘢食架啦！
阿仔答：我的工作就係「玩」，仲要玩成日！