校際音樂節報喜位

濤兒

濤兒 發表於 13-3-13 23:02
好開心, 今年終於得到一面獎旗, 細囡第一次參加長笛(小學初級組), 攞到第一, 89分! ...

補充： 係大囡幫佢做伴奏的, 全場得佢一人係小朋友做伴奏,其實首歌超容易伴, 評判亦有點名讚伴奏.

濤兒

tinyuichan,
佢今年小二.

(p.s.唔識點在點評中回應)

jandtfamily

評判是桃紅髪Sarah Baker？

濤兒

回復 jandtfamily 的帖子

不是呀, 是Professor Donald Oehler.  
佢好nice, 過後無論有獎冇獎同佢影相, 佢都會解析評語俾家長&小朋友知.

jandtfamily

小兒同一個評判，同樣獲冠，不過是senior！對！他好nice！解說得好清楚。：）

妤妤

原帖由 mw7183 於 13-03-08 發表
小兒GRADE 2 -105--86分但無名次,有家長覺得小兒彈得好過第一果個,所以評判準則真系唔知點評.好失望,下次唔 ...

就是自己覺得唔公平就決定不再參加！我想不是正確教導小朋友的方法。作為家長應該要小心處理，免得下一代自視過高而失去欣賞別人改善自己的能力。

rogerlam123

六國真係好吸音，我坐後面家長區，就算full size手做琴都細聲，小朋友要比平時加多少少力至得。

Candy925

見大家都得到好成績, 真替大家高興.

我女星期二都完成咗violin G.3, 表現ok架, 因為知佢水平唔高, 大家都預咗志在參與, 反而佢個伴奏(都有教小提琴), 賽前兩個星期跟佢夾咗幾堂, 喺亞女拉完之後同我講佢拉得好好, 佢都好滿意, 我都收貨.

點知... 分數實在好嚇人, 之前見大家曾經在此討論過分數可以點低, 當時我想像唔到, 但當我見到自己個女嘅分, 真係大吃一驚, 再見另一個小朋友, 佢都完成到隻歌, 未係表現最差嘅一個, 竟然得60, 真係好震驚. 亞女舊年同級有80幾, 今年分數對佢嚟講真係難接受, 平心而論我都唔覺佢表現差到咁. 其實之前都有朋友個女參加同級, 佢上年參加2級得第一有90分, 上月尾, 佢女3甲不入佢得70幾分, 個女幾乎當場喊, 亞媽都接受唔到. 加上早前大家嘅討論, 都知今年評判好狠, 不過當身在其中, 感覺完全唔同.

尋日學校好好, 因為亞女交分紙返學時樣子有異, 佢平時為人非常樂天, 呢日就唔開心, 晚上老師找我通電話,了解過比賽情況, 佢話之前在學校樂器評核聽過亞女拉琴, 都想像唔到結果會咁, 佢仲話睇完評語, 其實寫得唔錯, 如果拉得差得到呢個成績, 評語一定唔會係咁, 據佢經驗估計, 亞女拉隻歌嘅style應該唔啱評判心水, 佢話好多時評判對歌曲有自己的preference, 如果唔啱佢心水, 你表現如何都係唔啱聽, 佢問我其他參賽者的表現, 真係比佢一言驚醒, 當日大部分人tempo都輕快, 評判都有提及隻歌未去到allegreto但都未去到moderato, 亞女嘅tempo的確係比人慢, 經老師一番話, 我同亞女講返, 大家都好過返d. 而老師仲好好, 同我相量一d安排可以幫吓亞女.

最後, 好彩亞女都冇乜嘢, 佢EQ高, 仲話出年再參加.

rogerlam123

回復 Candy925 的帖子

我都覺得佢地5,6級以下啲評判都幾騎呢, 好多時出人意表, 有意想不到的結果. 5,6級以上就稍為正常啲.

bumblebee

回復 Candy925 的帖子

candy925,  評判係Mrs??

Candy925

totochu & woodst

Thanks!

bebebe12345

低處未算低、更低的還有的是。
誰的問題已不重耍,早一點習慣一下未嘗不是好事!
評語更不能盡信!

88violin

回復 bebebe12345 的帖子

認同!



年年都有特別眼光的評判,所以比賽都要有小小運氣ga.
睇到有家長在比賽偷偷錄影,事後仲PO喺Utb,真係無法認同D行為,就算拿獎又點?

cowmoon

回復 Candy925 的帖子

囡囡 EQ 高，叻叻！媽媽處理得好好，更加叻！
最緊要不要為了今次的分數對自己失出信心。因為，我真係見過有小朋友為左校際低分放棄學琴，我覺得好可惜啊。
我還聽聞，愈高級，分數或名次的爭議可能會更多，例如大家的基本技巧是不同伯仲的，但評判會偏愛某一位參賽者的演繹而給他高分。這也是無可口非，因為音樂是藝術，沒有 model answer的。。。Anyway, 對小朋友來說，這些“人生經驗”，都係好難得。
在準備比賽時，會比平時更加認真的去分析那一首歌怎樣演繹，怎樣才能做到那一個效果，再苦練去做到那一個效果，最終在人前表演。我覺得本身係一個好好的學習過程 ﹣ 腦到，心到，手到。平常讀書考試未必有這種 challenge。所以我始終贊成小朋友認真地玩一門興趣。

預祝你們小提琴考試順利！

marcuscyrus

My son got 86 in his xylophone class.  3rd place is 88.  He learnt a lot in preparing the piece and finally finished all events in the 65th hksmf.  Good luck to u all in the coming events!

tinyuichan

bebebe12345 發表於 13-3-14 12:11
低處未算低、更低的還有的是。
誰的問題已不重耍,早一點習慣一下未嘗不是好事!
評語更不能盡信! ...

兒子在學校讀書, 我始終是寧願考得深俾分緊好過考得淺俾分鬆的!

考得淺俾分鬆, 根本分唔到勝負, 派卷十六個一百分, 我漏個逗號扣一分就變成全班排第十七! 咁其實根本唔知自己好咩衰咩!

相反考得深俾分緊, 差距就自然大! 就算唔合格, 卻原來大半班攬住死, 反而可以從錯誤中學習!

比賽得分不能與另一個比賽的得分比較, 應該與同場同一評判的得分比較!

太多家長認為評判俾MERIT甚至DISTINCT太少了! 相反今時今日其實是太多了! 總之冇彈錯家長就期望MERIT! MERIT變得很濫!

當然差的評判/考官多的是! 但若仍拘泥於分數, 是浪費時間的!

得罪!

musickwong

回復 Candy925 的帖子

Candy925,

你嘅睇法我感同身受．我仔６歲，佢都係前天玩一級小提琴．

我哋準備咗半年，包括參加比賽班，預賽，　mock． 幾位老師都認為如果亞仔發揮正常，８０分以上係可以嘅！

當天亞仔表現正常，很流暢．　style亦都合乎評審要求．

我們訂立目標係逹８０分以上，不幸遇上”手緊”評審，　欠２分未能逹標．當日出勝者名單亦相對出人意表．　

孩子有點失望，　他不明白為什麼自己比預賽時表現好咁多，但分數郤還比之前少．

我都唔知點答佢．

事後，　我反覆思量，如參加比賽的效果適得其反，　評審過份harsh, 令小朋友失去自信， 我們參加比賽的意義何在？

(以上係自己個人感受，不喜勿插）

MC1128

cowmoon 發表於 13-3-14 13:13
回復 Candy925 的帖子

囡囡 EQ 高，叻叻！媽媽處理得好好，更加叻！

小女都是三級,評判是Mrs Martine Cardinal,好可惜當日我不在場,但看分紙,都說中小女平日的毛病,她84分,季軍85分

今屆快結束了,希望大家都有所得着,孩子們再接再勵,學習,比賽,考試.... 一關一關考驗還有很多,重新裝備上路!

原以為賽前緊密練習,老師讓她本周休息一下,但老師話唔好,要趁記憶猶新,再檢討吓!

加油呀!

tinyuichan

兒子今年是參加這個:

208 Violin Concerto - Age 13 or under 小提琴協奏曲 - 13歲或以下

對手超強!

第一名右手變化多端, 擦弓跳弓如魔術(兒子冇跳過!);

第二名是重量級女子摔角手(SORRY! 是讚賞!), 弓弓勁力(兒子的琴恐怕是全場最細聲的)!

第三名是靚女! 本身就靚再加紗裙和優雅動作, 大概是最吸引人的一個(要兒子"優雅"就真係....)!

師兄是同場拉得最快的一個, 速度驚人(可能快過兒子20BPM!)! 可惜沒得獎, 賽後見他樣子很失望, 沒問他分數!

兒子就保持"最細"紀錄! 年紀最細, 身型最細, 個琴最細, 支弓最短!

由於"細粒", 所以他的"出力樣"是相當嚇人的(現場好多人笑咗出嚟)!

成績OK! 賽果合理, 輸得有型! HAHA!

賽後攬住D足球卡食雪糕去!