校際音樂節賽果往往出人意表....

honeyBB

呀夢 發表於 13-3-28 11:27
兒子參加過兩屆校際鋼琴比赛，一場89分亞軍，一場85分merit，今次是第三次參加５級，比賽前兒子也用這首曲 ...

完全明白你當時感受.
小朋友好努力好用心練習,比賽也發揮超水準,如果輸俾實力相當對手,則心服口服,但輸俾無準備既對手時,自己分數仲要低....心情可想而知幾難過.
記得當散場時,連第一名既對手同佢媽咪都走黎同我地講,無理由係咁賽果,你小朋友真係好明顯彈得好好,仲以為三甲之選,........我地唯一可以既就係苦笑回應.
返到同老師報告,佢第一時間反應係: 係咪攪錯左?!"

honeyBB

lamlamabc 發表於 13-3-28 11:40
我地個場都係呀，會唔會係同一場呀?是25號下午火炭區，評判是個女人的。佢比分真是好狠的，第三名都是得8O ...

唔係.
但遭遇一樣.

呀夢

呀夢 發表於 13-3-28 11:27
兒子參加過兩屆校際鋼琴比赛，一場89分亞軍，一場85分merit，今次是第三次參加５級，比賽前兒子也用這首曲 .

續
......當時那位琴老師向我說,那位竟然是亞軍,估我兒子也應有80分卦,最後分紙竞然只得72分,兒子說媽媽我真的差到連合格也沒有嗎?回家後和教琴的老師說了，以兒子平時彈的表現完全發揮,怎可能連良也取不到呢,她比我反應更大,建議我去協會投訴,她說今年校際評分真的有些奇怪,她有學生的家長已向協會上訴了,但對於我和兒子絕對不會作出任何投訴,.輸了便是輸了,就算最後給多你幾分,這也不是評判真心給你的,更加不想做怪獸家長!!!只是見到有此topic,想舒發下自己的感受吧!

pamelaywy

我小朋友都參加多年了, 我也有少少感想....
我小朋友得過冠軍, 亦試過好低分.
雖然校際被喻為全港最有公信的的比賽之一, 但我實在唔覺得, 第一o個次係好彩, 低分o個次亦未必係佢彈得唔好.
第一, 係評判水準... 真係好參差, 難以相信. 雖然我唔識音樂, 但自孩子細個參加各大大小小比賽, 或多或少都聽多咗, 識多咗. 評判有時唔只係俾分低o既狠, 而係有時無譜地俾. 或者大家覺得藝術係主觀o既, 但你俾得客觀分數, 起碼都有番o個基本準則. 同一個老師教兩個同grade 但水平不一的小朋友, 差o個個可以係一個鬆手評判得八字頭, 好o個個遇上個緊手評判變了七字頭. 人地唔知, 睇分數就以為分了高低.
今年我細仔參加兩場比賽, 兩場都遇上不幸. 他小提琴比賽, 拉各方面都沒有大問題, 他只是幼稚園生拉二級歌, 比起前面十幾個小學生或中學生都拉得穩定, 但竟然分數低得七字頭 (七十前), 連伴奏的老師都問係咪掉錯咗分紙.
第二, 我覺得低級組的比賽降grade 情況很嚴重. 很多小五六甚至中學生彈一, 二級歌. 如果你真係好大個學琴, 真係一, 二級levels, 無問題, fair game, 大家一同比賽, 但問題很多都是降grade 去彈, 佢地一落手, 就知肯定唔會係一級的人. 咁對於真係彈一,二級o既小朋友來講, 就算佢彈到水準, 都無從同一個大比四五年, 學琴多佢四五年o既人比. 我覺得校際應想一想方法去提防嚴重降grade 的情況, 起碼要求小朋友的琴老師/琴行簽名作實學生正屬那水平, 或參考佢地己經考咗的琴試作對應. (當然琴行有權一同講大話, 或者有人假報考試), 但起碼多了阻嚇作用. 我識得一個琴老師跟我說, 他的學生早於上年七級考試distinction, 但家長決意要報彈五級. 上年己經七級, 現在至少也八級吧, 以八級降五級比賽, 怎樣也不會是一個公平的比賽
小小意見

titibaby

但其實，從來沒有講過校際－ abrsm級別。以皇家定高下，不如大家比cert 算了。
     

我小朋友都玩了幾年，今年每人超過三項。感覺今年比分緊了，但名次尚合理。好彩 5歲二級有獎都有我地份，識得其他朋友也有！7x 分項目也有。我又覺得ok wor，的確獲獎的好過我們。

市面上都有D分級（abrsm）／分齡比賽，覺得那些公平d，都可以參加

icjey

pamelaywy 發表於 13-3-28 21:50
我小朋友都參加多年了, 我也有少少感想....
我小朋友得過冠軍, 亦試過好低分.
雖然校際被喻為全港最有公信 ...

好有同感！！  我個仔今年6歲報了3級鋼琴Solo，但同場竟然有幾個11、12歲（成人高度）嘅對手！實在覺得好唔公平。

熙媽媽

我個場5級小提琴，多數高小到初中生，不過仍有高中生、初小生。

高中生有拉得好，有拉得唔好；初小生有拉得好，有拉得唔好。

大家學音樂起步點唔同，唔一定大D就會做得好D，都係針對小朋友自己能力去揀參選項目，問問老師意見，畢竟今年校際深過同級皇家已非第一年，老師明白小朋友能力有時選低一兩級報名或者有佢原因。

註：今年我仔都係遇到「狠」評判，哈哈，咩CERT都無。

聰

原帖由 熙媽媽 於 13-03-29 發表
我個場5級小提琴，多數高小到初中生，不過仍有高中生、初小生。

高中生有拉得好，有拉得唔好；初小生有拉 ...

同意，能否正確演繹樂曲的重點才最重要。

marcuscyrus

我又唔覺得大d一定好d，我仔小一，今年報左4項，其中鋼琴(五級)同木琴(只得小學組)都面對全場比佢大的對手，不過比佢去比賽，就係要佢去學野，佢發揮到平時所學，出到去唔會比人感覺太拉牛上樹我覺得ok，結果好彩佢表現都ok(鋼琴87第3，木琴86)，不過不得不說，呢兩種樂器，本身size不像小提琴咁可以就個身型，以我仔的身型去奏，一定有蝕章之處，尤其木琴，佢企了上platform個琴都仲係好高，佢要做到同人地相同的technique要花雙倍努力先做到，咁我地準備o既過程唯有就係在music上面下功夫，我反而覺得咁樣對佢係一種磨練，同場的都有高小生打高左8度，或者打打下total loss的，小提琴二級組亦有高小/初中生係可以由頭走音走到尾，同鋼琴完全夾唔到的情況，不過聽說小提琴的grading 是怪怪，不能跟皇家相提並論，嚴格黎講我仔都係降grade xddddd佢已考3級，但老師一見3級首mf就話：呢首都3級?參加2級算啦，唔好勉強，我估佢個評判都係狠，我仔第3只得81分。
講到底，人家定左個system，其實作為老師/家長可以自行選擇參加與否，自己調整心態就是了，講真我都唔見得坊間以年齡分組的比賽有幾公平，校際近年許判係比較搞笑些，但以呢個價位，同埋普及o既程度，我覺得已經係可以接受了

洛婷

原帖由 icjey 於 13-03-29 發表
好有同感！！  我個仔今年6歲報了3級鋼琴Solo，但同場竟然有幾個11、12歲（成人高度）嘅對手！實在覺得好唔 ...

不要睇少年紀細的，
好多時年紀細既表現，
往往都好過大既 ,
所以唔一定細既就輸 !!!

chan-loretta

marcuscyrus 發表於 13-3-29 10:08
我又唔覺得大d一定好d，我仔小一，今年報左4項，其中鋼琴(五級)同木琴(只得小學組)都面對全場比佢大的對手 ...

我仔考左皇家2級小提琴就去拉校際3級,收到譜之後先知道呢首歌有一定難度,唯有靠佢自己努力. 好感恩有80分.

bebebe12345

從來比賽都是老師的安排,
而老師的安排也有一定的規律,
循序漸進,你難人家也難、從練習中作增進,
有上沒有落,也從不理會對手,儘力做好自已!
比賽曲目跟皇家考試的曲目沒有必然的關係!
今年的評判的確特別,尤其STRING,
所以Hong Kong String Open那場決賽也沒看。
回頭說我們也要對自已有要求!
始終覺得鋼琴是比較正常的項目。

christianmom

回復 bebebe12345 的帖子

(今年 string 的評判很特別)，非常同意。
早上一場 cello sonata 的結果很意外，怎料晚上的一場 cello concerto 更驚嚇。所以得獎的值得開心，但落敗的也不要介懷，因為這祇是一個人主觀的結果，並不能全面地反影一個小朋友的能力。

bebebe12345

落敗介懷是合理的,只要孩子快一點過去往前望......便是最大的得著。

vivian0111

除左拉岩哂D音，仲要理解首歌既結構同感覺
我囡囡個小提琴老師會一句一句分析佢知，寫好多NOTES俾佢
有時仲要講下故事，所以囡囡都好俾心機練琴
今次音樂節拎左個第三名…都幾開心架