請教：官塘區B1女生的排位？

zoemanman

囡囡全校160人，三次呈份合計全級20名。
本來乙部想：
1)聖傑靈
2）梁式芝
3）蒙民偉
但今天與老師商討過後，他建議第2和3志願選擇band2頭的中學。
例：羅陳楚思或梁季彝等，因他說官塘的band1位不足夠，所以害怕我這樣填的話會派得不好！
煩請各位給些意見！感激不盡！

elbar

原帖由 zoemanman 於 13-04-20 發表
囡囡全校160人，三次呈份合計全級20名。
本來乙部想：
1)聖傑靈

乙部 1 & 2 照舊，3. 梁季彝

安格斯媽媽

原帖由 zoemanman 於 13-04-20 發表
囡囡全校160人，三次呈份合計全級20名。
本來乙部想：
1)聖傑靈

今年觀塘band 1位不足這麼嚴重？觀塘有九間英中，他區b1選擇十多間情況不會這麼差，上年學校兩間已很保守，一間真是接受不到，全部b1生這樣選可能b2生也有機會派b1,你應屬b1中，萬一入唔到第一志願米要被迫讀b2,第一，二排位應該無問題，比多一個機會，第三志願才放b2

安格斯媽媽

若banding無錯肯定是b1學生學校點會話驚派得差？唔會放保險線後而連b2位都無埋的，是否學校想做靚首三志願比率而犧牲學生

zoemanman

首先多謝elbar和安格斯媽媽
安格媽媽我有一點不太明白的？就是囡囡不是band1頭嗎？因學校頭66人是band1組別。還有梁季彝好些、羅陳好些？謝謝

安格斯媽媽

你校band 1比率頗高，現在頭中尾分別不大，只是誰最幸運，應該梁季彝好些

zoemanman

超級多謝

奥脫福

換左係區內 B1 男仔唔知又點睇呢？以下係小兒的選擇：


甲）

一＞九華   二＞聖言  （兩間都 IN 左）


乙）

一＞聖言   二＞觀瑪   三＞順天    四＞觀官    五＞蒙民偉

六至九＞ 區外 B1 英中   十＞直屬中學（B2）

十一＞呂郭  十二及之後＞其餘 B2 中學

ohnono

奥脫福 發表於 13-4-24 16:16
換左係區內 B1 男仔唔知又點睇呢？以下係小兒的選擇：

我剛剛留意到，可能有點遲。
如果以你乙部的排序，除了給你搏到聖言之外，其他一路都唔會有機會，直至他區的學校。但官塘區的家長選校一般都會將他區放第一，搏完聖言再填他區學校的都十分普遍，只是不想填第二就放間band 2，若放太後，實難言勝算。如果他區都唔得你就會派返直屬中學了。

或者你囝囝已經在自行時已被聖言取錄了都未定！

奥脫福

ohnono 發表於 13-5-11 23:26
我剛剛留意到，可能有點遲。
如果以你乙部的排序，除了給你搏到聖言之外，其他一路都唔會有機會，直至他區的學校。但官塘區的家長選校一般都會將他區放第一，搏完聖言再填他區學校的都十分普遍，只是不想填第二就放間band 2，若放太後，實難言勝算。如果他區都唔得你就會派返直屬中學了。

我本來想擺華英第三，不過老師話咁樣太搏喎。。。

我都希望在自行時已經攪掂，始終抽獎的野真係好講運氣，難言穩勝。

ohnono

奥脫福 發表於 13-5-12 00:27
我本來想擺華英第三，不過老師話咁樣太搏喎。。。

我都希望在自行時已經攪掂，始終抽獎的野真係好講運氣 ...

首經歷過有位官塘區家長堅持除聖言放乙1之外，後面全是他區並且都是受歡迎的band 1中學。填完他區的band 1，再填埋他區band 2學校，返轉頭才開始填官塘的band 2和band 3學校。我明白此乃升中家長的心態，我除了抹一把汗，還能做甚麼！只有祝福佢自行已經成功。

ckm327

回復 ohnono 的帖子

我最終填st paul / 梁式芝/將官/德愛/聖母/寧2老師已收貨了,冇改任何野 XD 真好唔洗煩
我女見好多同學被改到兩張初稿花晒
謝謝你由 自行到統一 給我嘅意見:)

anniehah

你囡囡邊間小學阿？

kolun

原帖由 ohnono 於 13-05-12 發表
首經歷過有位官塘區家長堅持除聖言放乙1之外，後面全是他區並且都是受歡迎的band 1中學。填完他區的band 1 ...

請問咁填有咩問題，band 1 生派完先會去band 2, 咁快band 2 ?

kolun

原帖由 ohnono 於 13-05-12 發表
首經歷過有位官塘區家長堅持除聖言放乙1之外，後面全是他區並且都是受歡迎的band 1中學。填完他區的band 1 ...

請問咁填有咩問題，band 1 生派完先會去band 2, 咁快band 2 ?

ohnono

kolun 發表於 13-5-21 18:15
請問咁填有咩問題，band 1 生派完先會去band 2, 咁快band 2 ?

派位的遊戲我相信係要令小朋友盡快亦以較穩陣的方式入到最理想的學校，不是隨便一間band 1學校算數。要填晒所有band 1當然沒問題，最緊要家長喜歡。正如上面都有家長填完聖言再填官瑪，填完官瑪再填順天、觀官最後都要唔放過那些他區band 1學校。
但選校時你還得要清楚，除了第一志願的學校，你的第二間開始已經有機會是人家的第一志願，遇著得兩三個位的他區學校，好容易會第二、三、四志願係咁比人放第一、二志願的搶晒。試想一想到你放第四志願的，人家放第三都會爭贏你。

官塘區band 1頭的男生大都唔願放梁式之、蒙民偉甚至呂郭在第二志願。相信沒人反對搏他區係另外一條出路。但當你放保一(得兩個位)在第二的時候，你有沒有想過已有同學至在必得的放保一在第一。當你放華英在第三的時候，你又何曾會想過有更多的人早已放華英在第一或第二了。不過華英有六個位而保一得兩個位，夠竟是搏華英好定保一好，定搏完保一再搏華英，自己諗一諗點樣係最適合自己。

搏完保一、華英之後再來張祝珊、協和。不用多說，機會唔會絕對沒有，但一點也不容易(不如諗一諗放張祝珊在第四志願或之後的機會仍有幾多)。再者，別以為西貢區的宣基、迦密主恩容易，將軍澳就是有一大班跨區官塘讀小學的同學(六年前選小學的時候，將軍澳得一間迦密是band 1英中，邊個會估到今日既將軍澳有四間英中)，而家返回老家的感覺真好，真係搶住要迦密和出了個高考狀元的宣基。剩下好像只有可立和景嶺，唯有祝你好運，派到第八第九都仍有機會，但看來可立和景嶺都未必會令你滿意！

唔好話派第八、九志願的給你，除了頭一、二的選擇，就算更前的你都會唔開心。我自己選校的心態係第一間我會搏，第二間開始就會以唔好輸的心態來選，就係避免跌落第三、四或更後的志願。搏輸左，你比間band 2我，我不但唔想要，咁樣累了阿仔，我會喊足一世。(不要說叩門這些了，第一今年都唔知有幾多叩門位，第二如果是真band 1頭的同學，可能一早在自行時已成功了。要玩大抽獎的，都要擔心小朋友的叩門受歡迎的band 1學校的能力。)

ckm327

真係lor...如你所講，我女班同學已有3位同學放華英第一啦xd

ohnono

ckm327 發表於 13-5-22 11:53
真係lor...如你所講，我女班同學已有3位同學放華英第一啦xd

事實上華英係九龍城區band 1龍頭學校之一，保一更加是黃大仙區的一哥，還有張祝珊也是幾多人的夢想。單係抉擇這三間已經抓爆頭。如果諗住好運常伴身旁的話，一間就夠了；如果真係好運常離自己遠去的，填晒所有學校都未必派到喜歡的學校，要避免越派越後，唯有作出取捨。

taktakchichi

學校一定建議你填得保守D架啦, 佢地要保住個派保3志願個比率吖嗎