對考評局取消23名考生中文科全科成績有感

nintendo

抄襲冇問題？真係無言。

nintendo

ANChan59 發表於 13-7-21 11:30
我覺得網友只是同情班學生，好似該名教師及＂學店＂沒有被懲處，23名學生被祭旗！ ...

做違規行為，好采就 "過海做神仙"，唔好采比人捉就要付出代價。做人就係咁，輸唔起個後果，當日就唔好諗住搏。當日學生決定抄襲，今日被人捉，就要付出後果。人地唔駛被罰，你可以話佢好采，唔代表佢冇錯。做賊都唔係次次比人拉，拉都未必告得入，但會唔會因為個賊可以甩身，就話做賊冇錯？公唔公平，或學生係唔係被祭旗，都係為自己想的藉口。做人，第一件事就係光明正大，其他人點，唔駛理。

nintendo

想問下有仔女讀中學的家長，你地仔女知唔知 essay  是要自己寫，不能抄？
寫 essay ，做 research 可以看網頁，參考書，但真正寫 essay 的時候，是要自己的文字寫。這應該初中，甚至最遲中四就要教。
另外，要註明出處 (bibliography？)，是有一定的格式或型式，也是初中，最遲中四就要教。
中六學生，竟然以為抄襲搬字過紙就得，亦唔註明出處，係唔係有點不可思異？

nintendo

KWT 發表於 13-7-26 22:22
好多謝你們的回應.

一開始我就有LanC9的結論: "等於犯偷竊罪，交由不同裁判處的裁判官按機制懲處。沒有不公平(??此點我不同意): 即，只有裁判官的鬆緊尺度。若覺得自己判得太重，只能認了，誰讓自己給一個嚴厲的裁判官審判。"所以我是傾向同情學生.

也許大家都從這事件學習成長,吳xx一開始講懲罰因為知識產權問題,後又說操守問題;我們家長更因這事警惕,防止子女犯同樣錯誤,對我們來說是好事,

有時真是要講一運二命.......信與不信,可由那些學生際遇引証 ...

其實，我相信個個可能會曾經有你的感受。
我都試過在街邊違例泊車，但抄牌只抄我，唔抄其他人。
我都會呻下，但呻完就算，話晒自己真係有錯喎。
當初我好好地泊去停車場，就唔會比亞 SIR 抄牌，
但如果個個心存 "有機會冇事"  的心情繼續違例泊車，咁個社會會點？
踩界犯規犯法的人，10 個有 9 個係知自己做緊乜，
就算 "唔知" ，都在法律上唔係一個求脫罪的理由
當初唔踩界犯規，就冇今日的果。
我唔會將判決是否人人一樣，來判斷件事的對錯，我自己做人係咁，教仔女都係咁。
我相信，冇人會認同抄襲，其實咁就夠。
命？運？我只知，當初唔抄襲，就乜事都冇，唔駛愁唔駛怨。
命，運，自己控制唔到。
行為，自己可以控制之內。