- 在線時間
- 569 小時
- 最後登錄
- 21-8-5
- 國民生產力
- 62
- 附加生產力
- 4478
- 貢獻生產力
- 0
- 註冊時間
- 07-11-12
- 閱讀權限
- 10
- 帖子
- 1953
- 主題
- 53
- 精華
- 0
- 積分
- 6493
- UID
- 166183
|
回覆 Mighty 的帖子
我都對這個報道好有保留.
首先,成個報道只有一個好簡單既case阿敏,報道話佢: "她恐怕兒子的發音不準,會影響日後入讀心儀幼稚園的機會,故此當聽聞剪脷筋手術可改善小童英語發音的能力,即蠢蠢欲動,希望兒子捱這一刀後,英語發音會大有改進。" 即係佢只係"蠢蠢欲動",即係未做.
另外,按報道,"剪脷筋學英語"應該係由一位深圳醫生講既,但睇完上文下理,呢部份只有 " 本報記者直擊,有深圳醫生指內地剪脷筋手術費是香港的十分一,故不時有本港家長帶子女北上「剪脷筋學英語」" 以及 " 本報記者以家長身份往深圳查詢剪脷筋手術,其中一間醫院的外科譚醫生表示,剪脷筋手術在港動輒二、三千元,故此不時有本港家長帶同疑有「黐脷筋」的子女前來做同類手術,「呢個手術好普通,每日都做一、兩個(病人)。」譚指,剛出生的嬰孩亦可接受該手術,手術後,「黐脷筋」情況會迎刃而解,再配合言語治療訓練,便可提升學習語言的水平。"
既然記者都接觸了這位醫生,點解唔問多一句,問吓醫生 : 佢處理過幾多位港人小孩"剪脷筋學英語"既cases? 係冇問?抑或有問,但其實這位醫生冇處理過?
至於報道的其他部份,就只係記者自己講+專家講解一下「黐脷筋」咁. 但無法去prove有"剪脷筋學英語"呢個現象或者去prove呢個現象不時發生.
睇完我的感覺係: 報道未能提供更多證據,令我信服有"剪脷筋學英語"的現象.
退一萬步,即使可能真係有父母帶小朋友去深圳剪脷筋,目的主要係為咗希望治好黐脷筋,順便改善說話能力(而唔係"剪脷筋學英語"咁誇張). 即使有,都係好個別例子,但不能由這篇報道中印證更多資料.
|
|