校際朗誦如果年年都攞唔到獎...

栢喬媽媽

我比亞仔參加朗誦是希望他有自信及練大膽,希望亞仔有進步..

5tgb

參加比賽，有人祗着重奬項，有人就連過程都享受。
如你甘介意比人笑，唔知 這對備戰是阻力還是推動力呢？
阿仔今年參加左第一次，同班有同學得第3，阿仔原來與他同分，但由於同學第—個出場加二分，故阿仔無奬。
但阿仔已经好高興，講明要再參加，因為之前阿仔很享受與父母—同備戰的過程。

小藍莓

不是介意沒攞獎, 是介意同學的嘲諷啊~

meowmi

我仔參加了三年英詩朗誦，三年都與獎無緣，與季軍差1-2分，但佢好 enjoy 個過程，而我見佢一年比一年進歩。

P.2 第一年參加，我地無 join 出面的朗誦班，由我自己教讀音、表情、少許動作。雖然無名次，但成績 OK 嫁。

P.3 第二年參加，我只教他讀音和指導他詩詞的內容，要求他自己加表情和動作，我再執下，成績都唔儲錯。

今年 P.4 第三年參加，他會主動了解首詩的內容（如上網、查字典、上 YouTube 看別人如何 present), 我只執一執他的讀音，其餘的由他自由發揮，我見佢又有文有路咁，好 enjoy 自己的主導。雖然只練了約10次，成績我都好滿意。我問佢出年仲參加嗎？佢話一定要參加喎！

meowmi

其實我今年都有比佢參加埋普通話朗誦。我個人覺得這些比賽其實幾講運氣，如果你係評批杯茶，當然高分，但低分唔代表你一定差。我見到評批有九成時間都係低頭寫分紙，到底有沒有真正留意參賽者的表現？最令人費解的是評批給我仔的評語其中一句是「兒韻音」讀不到，另提議他要「加動作會更好」，但我和另一家長朋友在場聽到我仔的「兒韻音」是完全沒問題的，而且可以說是字正腔圓、十分漂亮的，再加上他朗誦時係有動作的，所以我地都百思不得其解！

只能說有時對待得失不要太認真！

chan_wingyee

如果是介意別人取笑，任何事也可能俾人笑！那不是比賽贏輸問題，是個別小朋友取笑別人，他們的態度問題丨

任何比賽，也未必贏梗，但學習過程中的得著，卻是無價的！

It's not about the prize or honour or fame or peers recognition, just an experience of learning.

共勉之！

瑩瑩老豆

原帖由 小藍莓 於 13-12-26 發表
不是介意沒攞獎, 是介意同學的嘲諷啊~

那些同學有冇去比賽甚至攞獎?

lingchuling

不要怕, 我兒當初本由老師選參加班際朗誦, 三年前由於老師在班上說他有一個英文字讀得不好, 最終比賽時兩天話不要他, 但他都繼續練, 更同我講即使不能比賽也可以在其他人比賽完時, 自己也可請纓舉手上台朗誦, 開始時他都不想, 但我鼓勵他, 當天他面對的局面是有頑皮同學在禮堂當眾取笑他, 但我兒郤能不理他們, 繼續坦然面對, 後來得到全場掌聲, 而頑皮同學則被老師罰。

到今天, 英文老師常常邀請他在課室內朗讀, 及稱讚他, 雖然他參加了兩屆校際朗誦比賽(我們只是自己練習, 沒有任何校內老師幫忙) 尚欠1至2分才能拿到季軍, 但是真的看見他一次比一次進步

更何況即使大人在被人取笑時, 都可能會停下, 或受影響到, 但是我郤佩服他的處變不驚, 這些都不是有很多機會練習到的, 這些寶貴經驗才是最珍貴。

小藍莓

你地講得好啱，對著小朋友也說了正面的話, 但暗地裡我卻想放棄, 想保護他弱小的心靈。對!大人也應該堅持, 陪伴小朋友正面面對不同的批評。

idy926

小朋友嘜都笑一餐㗎，教囝囡吾好受影响，仲要讚美小朋友有勇氣，就算無奬也可累積到經驗呀，我女由P1起，今年第4年了，當時我聽到前面每個小朋友讀，發覺我女有一個字讀音錯左，心諗今次衰囉，點知到我女時佢即時改返，仲幸運地第一次有奬，兩母女都好開心，因我今年自已同佢練，比少少意見，就由佢自由發揮（音錯左我都吾知，失敗！），所以大家都好有成功感

攞奬時，評判叫我女下次再放d，即係仲比人睇得出係緊張，要努力！但一句簡單鼓勵郤好有用，令原本謝謝地嘅佢話下次要再來

每年我都講，無奬吾係代表d小朋友吾叻，只係撞吾啱評判口味，根本上能夠站出台上表演，個個都好叻！睇住你一年年咁進步，媽咪好感動！

hktwun

亞女由小一開始每年都係英文項目有三甲，有次得個季軍都俾個男同學笑，亞女話呢D 人好無聊。

她年紀小小已有一套自己的演繹方式，真係好視乎評判BUY唔BUY。