小四成績和操行重要嗎？

yiuming1105

我仔上年最後一次呈分, 個班主任又係玩針對, 係無收過任何warning letter , 無收任何老師投訢, 連手册都未被老師寫過或罰過的情況下, 成績表出來的操行分竟然係C, 最嬲係平時日日留堂, 小息日日要罰個D同學仔都有B呀!

TwinWong

我會在見家長時 同老師開心見成提出問題
囡囡初升上小六 比學科老師話上堂合眼瞓
其實囡囡平晚930上床瞓 因為校車要提早
6點10上車 以前7點7 提前咁多 啊囡一時間
唔習慣 老師覺得佢心散 打呵欠 到見家長時
我同老師講 佢只係一時唔適應 平時點多功課
都會七點前做好 因為想早d瞓 唔想第日比老師話
上堂唔専心 我同老師講佢再早唔到瞓 希望老師明白
可能班主任講反比學科老師知，之後老師對佢好好多

EChing

回覆 TwinWong 的帖子

記得 六年前升上中一時, IN 過一間直資, 當時家長也要IN 的, 碰著的是一個 訓導主任, 我問回他是否 真的 操行C 不會收(記得該校好像寫明不收的, 故有此問), 他說, 其實一般操行只有 A 跟 C, B 是俾面, 不欲給 C, 令到小朋友難找學校而已; 而 D 的話, 那更不用說了!! 故此, 收 B- 已很勉強了!!
另一間 津中的簡介會, 操行並沒有列在評分內(沒有註明佔多少 %), 有家長問校長是否任何 操行也沒問題, 校長答說 操行是必然看的, 操行不好便不作考慮, 故沒有列在評分之列!!!
我不是想嚇大家的, 亦想不到有些學校如此手緊, 很少發A, 其實, 為己為人, 皆應鬆手些吧.
(回想自己當年拿的是 丙, 換在今天........

Snoopy211

我仔係學校都ok, 功課每學期總有—或二次欠交，見班主班都話佢算乖，但操行都係Ｂ或Ｂ－

TwinWong

EChing 發表於 14-9-5 12:48
回覆 TwinWong 的帖子

記得 六年前升上中一時, IN 過一間直資, 當時家長也要IN 的, 碰著的是一個 訓導主任 ...

係, 今時今日有C 好似犯咗罪咁,其實小學生, 小時仲係好天真, 拽極都有个普
遇著學業較弱, 如老師有偏見, 操行比埋C,
小朋友想揾間校風好同次級D中學都難求。

goodenough

如果當日唔係某些學校帶頭列明要操行A-或以上才接受自行的申請的話，今日的小學老師就唔會有咁大壓力。而家反為有些老師為了唔想為難同學，刻意升grade，將操行的原意掩蓋。以前都有d同學需要升grade才可以有資格報某些學校，跟本都已經唔係佢本身應得的分數。可憐只係有些小學老師為求公平而堅持操行的原則來比分的同學。

跟本中學早以可跟據同學成績表的操行來評核，只需要在收生標準內寫上操行良好已足夠，大家都可以好客觀地去比分和評核。

不知甚麼原因，某間中學又已經將操行最低標準的A-改為B+？咁之前攞B+又報唔到名的同學唔知有乜野感覺！

shana_ng_533

Agree

www

yiuming1105 發表於 14-9-2 17:55
我仔上年最後一次呈分, 個班主任又係玩針對, 係無收過任何warning letter , 無收任何老師投訢, 連手册都未被老師寫過或罰過的情況下, 成績表出來的操行分竟然係C, 最嬲係平時日日留堂, 小息日日要罰個D同學仔都有B呀! ...

一般學校，曾記過小過或大過才會操行C.
操行C，可以專心大抽獎了，不用花時間在考直資或自行上。

洋蔥頭媽咪

原帖由 www 於 14-09-01 發表
一個學期欠交9次功課都有B-，學校算非常鬆手了。
其他學校很大機會操行C+加缺點，

同意，欠功課咁多次老師已經手下留情啦，操行真係好睇老師手鬆定手緊。
我囝去年記左個優點都係得 B 咋

little_yolky

yiuming1105 發表於 14-9-2 17:55
我仔上年最後一次呈分, 個班主任又係玩針對, 係無收過任何warning letter , 無收任何老師投訢, 連手册都未 ...

點解你唔問老師發生咩事? 係我唔反枱至奇。

ericby

操行合格ok, relax