自行放榜後才搬屋，會否太遲？

tekkulas

原帖由 mirage 於 14-02-14 發表
回覆 tekkulas 的帖子

有人用這方法派去12女校，派到住滿一年後才搬回原本九龍屋，法理道德有問題嗎？ ...

你話法理合吾合理就係要打去教育署問清楚啦！但講到道德我覺得對本身住果區嘅家長吾太公平啫！

ew911

回覆 mrkokubo 的帖子

mrkokubo,

你可以打去問吓, 這是教育局的回答. 不是知少少........

littlecook

回覆 JR東日本 的帖子

我剛自行失敗,即租樓搬屋轉區,之前問教育局,前後問過三個主任,係要求真正入住先算.因我係租屋,就要租約生效加小朋友真正已入住先可,而且租約最少要一年期,並要起碼住完新學年九月.即係短租唔得.咁檥係一般做法,買樓係點我唔知啦.
至於其他人試過咁又得咁又得,特別情況我唔係質疑.不過我相信如真有其事,係酌情處理,係申請須知甚至內部指引文件都未必有既突別情況處理方法.上次主任批比人地,今次未必批比你,雖則有案例,但亦可能隨時收緊,唔一定得.

(個人經驗及想法,大家以和為貴)

JR東日本

謝謝你的回覆

teambuilder

如果只係正常搬屋，我覺得冇問題囉，有時d野唔係edb想點就點;正如樓上兩層話租約最少要一年同去到九月，機本上生約只要俾足通知期就可以走，根本冇難度; 再講，如果租約真係少於一年，咁唔通我唔用個住址當自己無家可歸？定係用番舊址？定係咁樣報新地址就要坐監？同埋如果當時人根本提供唔到舊址證明，咁edb點確認邊個係我舊地址？換轉有人舊址係名校網，咁咪捉蟲？

一句講晒，行得正企得正，有乜好驚？

5tgb

自行派位後，要轉地址，要有正式法律文書架。你証據不足，根本轉唔到。你打去問，捉人字虱，喜歡就聽入耳，不喜歡就當無聽過，跟本不是那回事，曲解別人的意思。你試下短期租約得唔得，香港是有法律的。

jojade

不如我又講下我既親生經驗, 我小朋友是黎緊會入讀小一的, 我又係填自行分配學位表打過去教育局問.
我本身租樓住的, 為左近小朋友返幼稚園, 但其實早於2012年已經買左物業在九龍塘(41網), 但一直未裝修, 本來plan 7/2013 會搬入去, 但裝修未完成, 加上小朋友考學校, 唔想小朋友要面對面試壓力之餘又有住屋改變, 於是搬屋一拖再拖, 到我交自行form 就打教育局電話去問, 我應該填邊個網? 職員用番官方答案答我要填而家住緊地址(即租果間屋), 佢話就算我即將搬入去新地址都要填返填form 時住的地址(舊址網), 因為佢地會抽查, 如果我填新地址但又未搬入去住,查到會好麻煩.....
但我聽完心諗如果而家填舊址網, 到自行出左再交統一派位表先轉地址好似仲複雜左, 於是我照填新地址交自行表, 因為我本身係新居業主, 心想就算比人查一去整張landsearch 就已經可以証明同解釋, 所以我照填41網, 最後我到今年一月先搬入去新地址住, 其間我亦無收過信要抽查, 不過純粹個人經驗而已

5tgb

建議打去教育局再申述一次你的個案，持有物業與通常性居住是二件豪無關係的事。我先前收回12網物業自住抽獎，有齊差餉，水電單一樣照查，何況你根本無住。我深信如果你被抽查，百份之二百被判為報假地址。其實電話裹教局已講得很清楚啦，就是你選擇性聽而已。

jojade

回覆 mrkokubo 的帖子

博咩? 駛唔駛呀? 我本身唔係要呃人, 行得正企得正點唔守秩序呀? 我只是講個人經歷, 唔係要教唆他人, 而且當中仲有個理由係裝修工程一再delay, 咁我都冇法, 心想只是到自行抽唔到先走去轉地址抽靚校網怕到時仲多解話, 要搞好耐先轉到 , 我行得正企得正唔怕人查囉!(不喜者勿搭傘) 燥底者請飲涼茶!!!!

5tgb

回覆 jojade 的帖子

祗是想比個温馨提示你，我比人查過，好清楚教局點做野，你的個案百分之二百是虚報。裝修遲左，是你報名前已知的事實，根本與虚報無關。如你被抽查，他們一定能找出你虚報，建議盡快自我申述，回原區再抽。你一提供住址文件就即時衰左架啦！他們要報名時的住址架，我比差餉，水電單都唔得，何況你無！

5tgb

順帶一提，如你提出裝修delay 抗辯，你必定即時收到抗辯失敗的回覆。

siden

原帖由 mrkokubo 於 14-02-22 發表
你自己寫得好清楚。

其實佢真正1月搬入41網，問題不大。因抽獎報名及抽獎時真正住41網。

5tgb

回覆 siden 的帖子

問題是出於填自行時，行使虚假文書，是犯法的，祗是教育局通常無控告。而正確做法是集齊有關文書才轉地址。教育局一定解釋左比當事人知，祗是當事人視法律為無物，捉不到就當無罪而已。而以上個案，抽查時一定要求9月份或之前証明，解釋為裝修 delay 等同自找死，一定是行使虚假文書。