超級差的德貞幼稚園

alicet1001

我女兒係德貞幼稚園過左一個不開心的幼稚園生活！
因為要洗乾淨手洗得慢而被老師罰無得食茶點！仲罰過兩次！老師仲同我講呀家長唔好再拗喇！(我係了解唔係拗！)

一個畢業禮，一班上高乙學生表演，老師竟然揀走6個小朋友無得表演，其中一個係我女兒！

一心想去睇自己既女兒表演，點知上高乙班出場找唔到自己既女兒，心情當然唔開心！

之後問過女兒點解無份，出人意表的答案！ <老師話我跳得叻所以唔使上台表演，我係全部叻，老師話其他同學只係大部份叻，所以要一直綵排到上台表演！話揀我出黎有其它野俾我做！>

呢個咩世界？幾時開始叻就唔使上台表演架？！呢d咩歪理？！

今日我走去學校向老師了解，老師話個個表演係要排成十字架咁，所以人數要控制先揀走有幾個，我又問揀走個幾個係用咩準則？！呢個時候一個陳主任走埋黎插咀問有咩可以幫到我，叫走左個老師！我再問同一個問題，佢就話跳舞老師咁安排我地唔清楚，我話咁找跳舞老師問下，佢耍我話佢係杭洲，問唔到！又話已經安排有佢唱畢業歌上台表演，我話全體畢業生都係台上啦！佢又大我話唔係架，有d跳舞無得唱畢業歌架，你自己數下，我地有258個畢業生！

到最重要既point！點解會同我女兒講因為佢跳得叻就唔使上台？！呢句係上高乙既莊老師同女兒講既！我話你地嚴重錯誤誤導小朋友既價值觀同態度！影響到女兒以後都覺得做得叻就唔使上台表演，唔叻就會上台！我問點解你地唔直接同清楚解釋因為排位十字架既安排呢？點解又完全無係呢件事上同家長去溝通過呢？我地完全唔知情！呀陳主任答老師點同小朋友講我唔知道，呢度我幫唔到你！我話咁找上高乙莊老師同我講清楚囉！佢又話呀家長而家係上緊堂，幫唔到你！我想我無野再幫到你喇！跟住一路行開！我話咁我找教育局幫我囉！主任再答一句，好呀，咁你找啦！然後極速地走左去！之後完全無人再理我趕我走！

我想問，發生咩事？而家d幼稚園無論校長、主任同老師都可以咁無禮貌同咁不負責任！

十級差，試問小朋友係呢間咁既學校成長會變成咩人？！會開心咩？！

CorrineNg

睇到你段野，做媽媽都唔開心，佢地甘態度

Abc133

Wow 真係令人髮指！

echaichai

有有同另外5個小朋友家長傾下？

chok0925

甘真係幾差喎

apple_love

原帖由 alicet1001 於 14-06-17 發表
本帖最後由 alicet1001 於 14-6-17 10:37 編輯

我女兒係德貞幼稚園過左一個不開心的幼稚園生活！

乜間學校咁衰架，有冇搵校長傾傾或同班內其他同學仔媽媽交流下有冇類似情況？

pokey

嘩蛇鼠一窩

Jane1983

吾够位就吾比小朋友上台？改吓隻舞咪得lor。呢d系無同理心，學校吾吾够錢可吾可以吾出糧比她！？

xoshan1025

我都感受到媽媽那種失望....唔開心....憤怒...
搵校長傾傾, 了解下咩事情!

picture

Terrible school !

picture

How much are school fees?

bobo101^*^

老師話我叻，所以唔駛上台表演！咁既句子都講得出，個老師都好有問題

huggiesbb

咪係囉 點解會有啲咁嘅老師？？ 之前仲成日聽人讚呢間好好 真係大開眼戒

RACHEL0823

如果畢業生有258個，252個可以上台，因為排位問題而有6個糸吾可以上台表演的話，學校真糸好過份囉，如果我糸其中一個家長真糸谷爆都似

lui

我也不認同學校

LPN

因為十字架既安排就要6個小朋友冇得表演，仲亂up 誤導小朋友，實在太過份！

sweethoho

又唔係出去比賽, 做咩唔比上台表演, 如果學校有咁既安排, 真係……! 而答家長那些老師們也……! 我估向投訴校長也沒用, 我估大家都美咁上下質素！!! (…… ……這些位自己填)

sweethoho

幼稚園演出都是讓小朋友有演出機會, 和訓練自信心, 如全校有份演出, 就不應有幾個冇份出場! 還向該小朋友說出誤導說話, 這些老師和管理層真是……

cloudwingwing

作為家長一定會好想睇自己子女表演的，明白樓主的失望。