苦惱...執筆問題...(有圖)

IwanBB

女女就快4歲, e+讀k1, 大半年前, 我發現佢拎筆時手腕會舉起唔貼枱面, 好似寫毛筆咁, 同埋手指拎筆姿勢唔岩, 當時已經立即同老師講, 但老師覺得無問題.

之後我特登俾2b粗三角鉛筆俾女女用, 每一次功課, 我都睇得好緊, 後來拎筆手指姿勢好左, 但手腕依然會舉起唔貼枱面, 線條好震, 易出界, 而且油顏色時大力, 容易手倦. 有時右手倦, 會換左手.

我已經時時俾女女元泥膠, 穿朱仔, 蓋印仔, 扭樽蓋, 執豆....希望手仔肌肉好d... 但...無起色

其實我有少少懷疑女女係左手, 因最初係自己用左手先, 但n1時老師一直教佢右手拎湯匙&筆, 整整下習慣用右手

見到好心痛, 老師又唔認為有問題...

希望各位bk媽咪可以指教下我. 萬分感激!!!!

琪寶

我女又係咁執筆，寫字好細力，線條又震，佢而家開始上職業治療，暫時未見有大改善，我會再同OT講下，睇下有冇針對性的方法

raff

我囡K1執筆畫線都唔好,最近見職業治療師,做左評估,再做職業治療,有好大進步.  

你囡雖然同我女情況唔同, 但我想一定係手唔夠力. 你睇下會唔會帶佢睇職業治療師. 佢地專業D,可以好快睇到點TRAIN邊組肌肉

我女之前都有左撇子傾向,但因職業治療師覺得佢右手唔太差,會谷右手, 但佢話有D CASE要用番左手

DollyCC

我仔左手，我完全唔知點教佢揸筆，佢仲係拳頭揸

IwanBB

raff 發表於 14-6-19 13:44
我囡K1執筆畫線都唔好,最近見職業治療師,做左評估,再做職業治療,有好大進步.  

你囡雖然同我女情況唔同,  ...

raff,

見到你女女有進步, 我都為你開心!!^^

請問可以提供職業治療師資料和價錢嗎? THX....!!!!

IwanBB

琪寶 發表於 14-6-19 13:22
我女又係咁執筆，寫字好細力，線條又震，佢而家開始上職業治療，暫時未見有大改善，我會再同OT講下，睇下有 ...

琪寶,


你女女幾歲? 相信一定會進步, 加油!!!

IwanBB

回覆 DollyCC 的帖子

老師有無同你傾過囝囝既問題?

yicbc

我仔都係吊手腕寫字, 你買支6B筆比佢, 等佢D字深色D, 有成功感先.
跟住佢寫字時你試下用你手輕按佢手腕, 等佢手腕貼枱, 按得一排, 就轉用口提佢.

IwanBB

回覆 yicbc 的帖子

試左大半年, 用手輕輕按住佢手仔一下或者一陣, 亦有講要手仔要貼枱, 但無改善

raff

回覆 IwanBB 的帖子

我住元朗，所以排番元朗協康的治療師。 我建議搵你附近機構，.將來要訓練最好近d.佢地評估每50分鐘720元。大家一齊努力，加油

琪寶

原帖由 IwanBB 於 14-06-19 發表
琪寶,

我女同你女差不多，都是快4歲

kennyrita

回覆 IwanBB 的帖子

我囡又係4歲多, 佢一係用手碗內彎寫字, 個手臂唔會郁, 所以佢寫線條唔好, 手碗會累及痛, 講極都係咁

IwanBB

原來有咁多媽咪受執筆問題困擾...希望我地既小朋友都能進步...

9月女女k2開始日日要做寫字功課, 又要理個小六呈分哥哥, 希望我應付到啦...

琪寶

問左OT, 佢話我女係因為唔識運用手碗的力，錯用手臂的力寫字，所以會吊起隻手來寫。她建議要多玩要運用手碗力的遊戲，例如好像做掌上壓的posture向前爬，鍛鍊手碗力

raff

回覆 琪寶 的帖子

ot都要阿囡做呢個動作

yicbc

IwanBB 發表於 14-6-19 17:09
回覆 yicbc 的帖子

試左大半年, 用手輕輕按住佢手仔一下或者一陣, 亦有講要手仔要貼枱, 但無改善:thinking ...

要長期作戰, 起碼一年!