讀有一條龍中學的小學的無奈

khmama

原帖由 mllau 於 14-07-20 發表
不如咁講，奉勸所有有小朋友升小學的家長，如果有些少，或根本唔想讀間一條龍中學，千祈唔好揀嗰間有一條龍 ...

如果仔仔係band1而一條龍中學係band2/3, 其實應該放棄一條龍參加派位，最差只係派band2, 只係驚估錯band. 如果妹妹成績較差，一條龍中學可能係一個保障。水能載舟，亦能覆舟。

enidchiu

點解讀書的磨練和洗禮發生在五六年級是好事？我反而覺得讀一條龍能夠在小學階段減省一些因分數造成的壓力，能給予小朋友充足的時間發展心智，培養創意和閱讀興趣，到了高中，一鼓作氣。反而五六年級拉到最緊後，去到初中一鬆(人不可能長期保持作戰)，就大鑊。初中課程又深又多，是不能鬆懈的。

AC117

原帖由 enidchiu 於 14-07-21 發表
點解讀書的磨練和洗禮發生在五六年級是好事？我反而覺得讀一條龍能夠在小學階段減省一些因分數造成的壓力， ...

講得啱，平穩直上學生未必不進取，反而谷行入了勁學校一旦跟不上中學節奏，反而自我放棄，埋怨父母。在無壓力直上的學生反而還可keep住小學時活動，容易銜接；由普通小學上b1a 中學，升中學為了學業放棄游泳，連lunch times也用來溫習

mllau

HEMIA-WONG 發表於 14-7-19 21:29
唔好唔開心，我有一朋友女兒讀修院中學，今年DSE入不到大學, 他讀小學是前身方方，有一男同學派了B3中學，D ...

請問開學前應該咩途徑，咩時間再去叩？我以為在早前叩過的，就排緊隊，有位便會排第一補上，
我咁遲去還有機會？

loveDD

原帖由 mllau 於 14-07-21 發表
請問開學前應該咩途徑，咩時間再去叩？我以為在早前叩過的，就排緊隊，有位便會排第一補上，
我咁遲去還有 ...

盡你能力不斷寫信，總之要不斷去試。不要相信那些所謂的waiting list.

Smartbubu

原帖由 fatman69 於 14-07-19 發表
以我認為，除了少數神級一條龍外，其他的都不值一試。最重要原因是師生都缺乏那一股升中的積極性和兢爭性， ...

神級一條龍包括邊幾間？中西區聖心算唔算？

khmama

原帖由 Smartbubu 於 14-07-21 發表
神級一條龍包括邊幾間？中西區聖心算唔算？

津貼學校而行一條龍嘅神級中學只得St. Mary's 一間。

fatman69

傳聞今年St. Mary自行只in40人，收8個。

bb560

原帖由 fatman69 於 14-07-21 發表
傳聞今年St. Mary自行只in40人，收8個。

今年大約120人申請11定12個位，in大約60人，得一次interview

bb560

原帖由 bb560 於 14-07-21 發表
今年大約120人申請11定12個位，in大約60人，得一次interview

初初話收8個，後尾改咗收11個(我知道，因為今年我囡有申請，亦有得in)

HaYi

睇完全貼感覺一條龍的問題, 我是小學家長, 之前都聽已升中的龍校家長都是如此, 學校P5-6會出深些, 目標是留多些中上的同學在原校升中, 針對此問題, 看來直繫比龍校會好一些 ?

Charlotte_mom

唔係間間龍校都會寫衰自己學生，樓主唔好彩了（其他同學都派得差嗎？）我女間學校都講明放棄左冇回頭草，老師之前實有講（靠嚇都會講），家長要搏就冇辦法了
祝早日有好消息吧

chun媽

小學好,而龍中學唔好,只是band 2, 真是雞肋
想當年,大仔都有一間唔錯的津貼小學收左,但直屬中學只是band 2頭,當年,正因為中學麻麻地,所以沒有選該小學,而選讀一私小,當年C6問點解唔讀該小學,又有中學,弟弟又可跟住上小學,不用再找小學,但我仍堅持要讀私小,現在大仔升上一所唔錯的中學,當年的抉擇是對的,
不過,預備升中的艱苦之旅又是另一個故事

chun媽

樓主這個POST好有用,特別對升小的家長而言,是很好的資料

mllau

Chrlotte_mom 發表於 14-7-21 20:45
唔係間間龍校都會寫衰自己學生，樓主唔好彩了（其他同學都派得差嗎？）我女間學校都講明放棄左冇回頭草，老 ...

學校又未至於寫衰我仔，我只覺比起其他朋友的小學比得緊手，有老師守口如瓶，冇乜就亞仔的能力，選什麽學校比意見，亦好
多謝有二位老師後期都比D意見，贊成我地唔直升，亦提過返來叩
門，以亞仔成績應該冇問題。而中學校長亦冇明確表示冇得回頭叩，
只係話未必有位。我心想，你收我仔你都冇蝕，你都是想多Dband1
學生讀，你學校先可以升呢！依家唔收，仲唔係為啖氣。
小學曾經有人提過，以前都有比學生升中意見，但中學部有D
壓力回贈，現在唔會多講，呢D未所謂politics囉！
其實間小學幾好，老師校長都好，亞仔這6年都讀得開心，現在派位唔
理想，係我最唔開心！

goodenough

其實樓主你小朋友是band 1C，除了band 1C學校之外，想成功機會大一點還可以考慮band 2A甚至band 2B，點解要攪到返去自己一條龍的band 2C中學？學校要收返你，話之你是band 1，學校的壓力都唔會比你細，一但開了先河，明年、後年怎樣？如果比人知道學校是水泡，明年所有band 1、2A、B、C都走晒，唔得未返轉頭囉！

mllau

godenough 發表於14-7-21 22:53
其實樓主你小朋友是band 1C，除了band 1C學校之外，想成功機會大一點還可以考慮band 2A甚至band 2B，點解要 ...

我又唔覺得回頭叩就是當佢係水泡，我照正常，公平途徑叩門，邊個叻收邊個，當然，有人叻過自己咪人地叩到囉，但唔比回頭叩就係有私心，小氣。

我有叩band1c，2a中學，回頭叩是因為近，响正隔離，又有識嘅同學，家長，
當然，但這些因素唔可以蓋過一間又遠，又陌生，但是是band 1，又適合的中學，
這也是我唔揀直升的原因，但現在派的是banding差唔多，遠咗又陌生，又冇英
文班，咁不如返嚟讀，身邊還有好同學！

mllau

mllau 發表 14-7-21 22:30
學校又未至於寫衰我仔，我只覺得比起其他朋友的小學比得緊手，有老師守口如瓶，冇乜就亞仔的能力，選什麽學校 ...

弊，講咗咁多，有D怕連累好心嘅老師會比人照肺，始終寫得出就預咗比人知，包括有人仕。亦有老師安慰我，話唔讀番間一條龍都未嘗唔係好事，佢地又唔係好好，我派嗰間排名都高過佢。
不如讀落睇吓掂，新環境，新同學，未必唔好，只要做好自已，讀邊間都一樣。
我雖然唔係百分百認同，但都好多謝老師的鼓勵，這是冇辨法之中的想法，令亞仔讀得開心D，我生活
得開心D嘅想法。
又提老師添，不過老師們請放心，我唔會透露你是誰，比人照肺時唔好認就得，。
一一過都要多謝比意見我地嘅老師，多謝你的好心和正義。

786

原帖由 mllau 於 14-07-20 發表
不如咁講，奉勸所有有小朋友升小學的家長，如果有些少，或根本唔想讀間一條龍中學，千祈唔好揀嗰間有一條龍 ...

謝謝你的提醒。

這其實也適用於幼園。好多人覺得民生培正幼園有一條龍，但如果不是想讀其中學，就唔好喇。我從無後悔當年放棄這兩所。