教數心得

Ryan_baba

chiliwu 發表於 14-12-10 22:38
佢逐粒數唔會錯㗎，加減concept又冇問題，我只係唔明點解佢要由1數起，嘥時間。定其實係我太心急，呢個age ...

如果佢唔會數錯，你亦唔洗太擔心，只不過係佢未熟習。等於初背乘數表，必定係一一如一，一二如二慢慢背，只要多計，入左腦，自然唔洗再數。

Olympian

己k3可不再由一數起。不過如果未得隔一排再試。還要配合學校。如老師仍教佢由一數起，你係好難叫佢唔跟老師的。

1234ats

Little_yolky
你女兒兩次測驗七十分你便覺得她完全無得救，那全香港全世界多少數學低過七十分的小二學生是否絕望。
你認為她拿多少分才有得救?
譬如有一天她拿了九十五分，但計錯一題3X7=28，你是否仍然會覺得她無得救？
為何你不考慮她的七十幾分是成就，反而因為她失掉二十幾分而勞氣。
你勞氣對她有幫助嗎？
她各方面成長不錯，數學能拿七十幾分怎麼可能是個蠢孩子。
她數學是有些問題，但我不認為很嚴重，反而如果令她害怕計數那以後會更麻煩。建議你多與她溝通，了解她計數時的感覺與困難及對數學的態度。多些包容多些鼓勵，或會有意想不到的效果。

Olympian

多謝你的分享。我仔6歲數感也差。幾個月前，有一次問題是，1至5，什麼數字是比5小。他說4。我問哪3 和2 和 1呢？他說只有4。另一題3，9，5 由小至大排列，佢完全唔識。佢已經識簡單加減數，原來呢d仲可以唔識。我都好意外。跟住我做了1至10數字棒，佢望到數字的長短後，好快就明晒！之後同類題目已冇難度。我都不知覺得自已教得幾好！哈哈，唔好意思咁自大。呢d係我教仔數學的樂趣，好有滿足感！

mimi1102

Olympian 發表於 14-12-11 11:30
多謝你的分享。我仔6歲數感也差。幾個月前，有一次問題是，1至5，什麼數字是比5小。他說4。我問哪3 和2 和  ...

我覺得幾好喎, 請問個數字棒係點整?

Olympian

我用摺星星的顏色字條。闊1cm。數字1就是1cm長。數字2就是2cm長。如此類推。

HaYi

其實如果普通小朋友學數, 點解要拖到小四先解決小一開始的問題 ? 不如一見有問題就解決.

其它同意樓主, 不是注重表面分數, 而是要看解難的能力有否改進, 另加學習態度, 初小的數都幾易, 高分低分的分別好多時在態度多於能力, 有些小朋友全識, 不過看漏題, 寫少答題, 寫少名數等.. 最後都是7-80分左右,  我覺得要改好態度先是最難, 尤其是對一些SEN 如 ADD, ADHD 的小朋友.

Delay 可能就不同教法. 暫時只見要做遲一年的數 (小二做小一數) 先掌握到.

oomman0306

很好的分享!!

Olympian

其實我地呢道都係討論下，“數感弱”的小朋友如何教，分享下心得。至於被評估為“數障”的一類, 我想才要特別方法教，我也不太清楚。我覺得學習數學的能力與ADD（自閉症)或ADHD ，不能說完全沒有被影響，但没有太直接關係。況且，好多自閉症都是數學奇才。態度與能力的關係，互相影響，當小朋友有信心就會願意做，所有小朋友都是一樣的。不管SEN與否。數感弱或學得慢或是delay也好，最重要都是打好個底，打得穩就可以學上去。

little_yolky

HaYi 發表於 14-12-11 12:31
其實如果普通小朋友學數, 點解要拖到小四先解決小一開始的問題 ? 不如一見有問題就解決.

其它同意樓主,  ...

所以, 我個囡個問題先至大鑊, 佢無看漏題, 無寫少答題, 無寫少名數, 佢真係計錯數。可以計三位減數時個位仲減緊, 但到十位無端端加埋佢, 一題數又加又減, 真係唔到你唔服

佢真係只有前一年既數先可以完全掌握, 3X9可以寫37, 你話死未

1234ats

HaYi

小兒有學習障礙，最初不明白他的問題，不知如何教導他。從他小一開始，我花了數百小時，一有空就在他身旁看他做功課，只看不教，仔細觀察他一舉一動，記下他做功課時所有細節及所犯錯誤。另外詳細分析他的默書測驗考試卷，盡辦法找出他做錯的原因，做了很多統計。到小三之後的暑假才掌握到他的問題。

以下是我以前在EK分享過的舊帖：
-------------------------------------------------------------------------------------------

小兒初小數學很低分，一定不合格，八九成錯誤也是因為不小心，原因千奇百怪。 因受學習障礙影響， 他當時是沒能力改善這問題。到P3以後我才開始掌握他的困難，找到一些辦法幫他改善。

基本上他計數時每一個步驟都有問題。

他習慣沒看完題目就開始做數，我要求他開聲清楚讀出整條題目（讓我知道他讀完），先想清楚內容，才可以動筆。

我要求他做功課時如果未完全掌握如何計算便不可動筆，可以問我。下筆時要有百分百把握，每一步一定要確保正確。一條數中間做錯一步答案就會錯。計數必須憑邏輯，一就一，二就二，不能憑感覺。無論多容易的題目他不識做我都可接受，但絕不接受憑感覺做數，就算做對一百分也要重頭來過。

他做數時（平時閱讀時也是）視覺焦點不自覺會跳到其他地方。我要求他視覺只可停留在正在計算的哪一步和對上一步，不可跳上跳下。如能每一步都做對，答案自然正確。

他寫字慢，卻又很心急，動作看似很快但實際結果很慢，經常一下筆就寫錯要翻改。他手眼腦協調有問題，時常在計算時無緣無故停頓分心，很容易出錯。我發現他思考的時候不寫字，寫字的時候不思考，故導致很多錯誤。
要改善這些問題，我要求他寫字速度要穩定，不能時快時慢，最初練習時減慢速度，約一秒一個數字，儘量減少寫錯。開始計數後除了要心算的地方外，其他譬如“等號”或從上一步抄寫下來的數字或算式就不能停筆，目的是希望他大腦與手眼協調好，避免有“唔經大腦”情況。當熟練後才考慮加快書寫速度。

一般我會很留心觀察他做數時的神態舉動，糾正他每一個錯誤習慣或動作。

除以上幾點外，還有很多細節，以後有時間再談。

上述所寫的看似簡單，但要改變他的習慣是頗困難的，我不會理會他的分數，只專注想辦法幫他做到我要求。我花了五六年時間，到目前為止他進步很大，但尚未完全做到我要求，還需努力。

以上方法無關乎推理能力，我只是希望當他做應該識做的題目時，整個運算過程是under total control ，即是很有把握，充滿信心，過程輕鬆，當然還要答案正確。以我自己的觀察，很多數學成績很好的學生未必能做到這點。

我兒子的情況比較特別，我的方法對其他學生不一定合用。目前小兒數學還有些關鍵問題，如果未來幾年解決不了，他將讀不了M2。縱然受學障影響，他去年數學成績全班第三。我相信普通學生計數時如果能做到under total control，成績應該比他好，拿中上成績沒多大困難。

MASAYA

1234ats 發表於 14-12-11 15:18
HaYi

小兒有學習障礙，最初不明白他的問題，不知如何教導他。從他小一開始，我花了數百小時，一有空就在他 ...

你兒子係咪思維太跳躍，唔能夠線性思考？個腦經常太多野同時走出黎，手或口跟唔上，搞到有d混亂？

1234ats

little yolky

我兒子以前有齊你描述過你女兒的問題，到現在還未完全解決，只是已經很少出現。他小二學會乘數之後，做多位加數時經常其中一個位做了乘數。五年級時試過回答七次一個月有365日，六年級試過回答四次4X9=13，還有經常四九三十二。

我明白你的憂慮，問題是孩子的成長有時候是急不來的，你的急躁勞氣對女兒很難有正面效果。不同的孩子智力發展速度差異很大，心智發展的差別就如小孩學行一樣，十一個月學識行路的小孩長大後跑步能力不一定比十五個月小孩高。你女兒才小二，還是建議你放開懷抱，給她多點寬容，只要她不抗拒數學，還有機會改善。

Ahbee02

我以前以為操數是提高數學成績的唯一方法。看你貼子后，才發覺小女（今年小三）數感弱之余，其實數學基礎未曾打得好牢固。你的貼子給我很大的啟發。

我想趁即將到來的聖誕假期每天抽出20-30分鐘同她開始重新打底，以及慢慢重建她一些做題壞習慣等。想請教若同她補，是否一個一個知識點去做題？比如乘法，有很多出題方式，我要一种一种出題方式同她過嗎？

小時了了

回覆 1234ats 的帖子


真心想問，因為我真係唔知， eviepa #476 "數學上遇到很大的困難。我將之歸咎於智力問題..."係咪數學上遇到很大的困難就智力有問題？請賜教!! http://www.edu-kingdom.com/forum.php?mod=viewthread&tid=2701200&extra=page%3D1&page=24

MrBeast

小時了了 發表於 14-12-12 06:13
回覆 1234ats 的帖子

Yes and no.  Depends on the root cause.  好似樓主上面的eg，如視綫跳來跳去，咁只需要用手指指住題目讀一次，已解決到問題一半.  雖然話智力係重要，但有方法和重複操練亦可幫到唔少。
我本人小時數也不太好，都唔知學lei 做乜，直至中學有位阿sir inspired 到我。所以我覺得生活化很重要，尤其是一些對abstraction 未能掌握得很好的小孩，eg, 加減數用糖果實物做eg, 乘數用快子（2）、手指（5）、etc.

最後，有時候我個stuck on 某些概念，但因要應付考試，我都只會叫佢follow steps 再加操練，過左關之後再教。

letea

數學，我係街市、七十一同超市教小兒，不用八達通，每次現金找續。

letea

還有UNO，飯後定時開枱，每輪均記下各人分數，遊戲完畢則請小人兒算出誰是冠軍，由佢頒獎。

MASAYA

小時了了 發表於 14-12-12 06:13
回覆 1234ats 的帖子

我覺得智商真係唔需要睇太重，呢d數字只係方便人類將人類分類，方便觀察
就算個細路智商180，但係要父母了解佢既特質先會有幸福

比起細路智商，家長智慧比較重要

如果數學遇到困難，但語言發展非常好，中英日法德文同時學緊冇問題，你覺得智力有冇出問題？

wan_sosin

小時了了 發表於 14-12-12 06:13
回覆 1234ats 的帖子

我認為沒有絕對關係,IQ高都可能數學差,我有個例子,有以前有個同事,同我講咗三年佢家族中的一個小孩,我由個小朋友幼稚園聽到佢上小學,個小朋友很頑劣,懶,佢媽形容個仔教極唔識,覺得個仔"豬兜",但話說父母都是有學識,亦好盡力教,我同事唔覺得係父母問題,佢話全家都唔明點解.到咗小學,小朋友如佢哋所料,跟唔上功課,於是帶小朋友去評估,想知個仔"豬"成點,出來結果係有輕微ADHD,加送一樣係資優!全家人都唔相信個仔竟然IQ高.

其實就算IQ高,唔等於一定運用到,比一部超級電腦給一個小學生去玩,佢可能都只識用來打機.反而要去學識點樣運用得好,化嘅時間可能隨時多過用部普通電腦,

一個腦要運作得好,需要配合嘅嘢非常多,例如腦細胞亙相之間連繫嘅"樹狀突,軸突"嘅生長,呢樣係出生後才會因受外來刺激而大量生長,所以要比BB盡量去接觸世界.
還有腦內嘅傳導物質血清素,多巴胺,腎上線素,皮質醇等..都影響著腦部運作.

人腦功能要達到完全,要去到成年才可以,試問一個幾歲小朋友,因個腦未能運作順暢而出現種種問題,係可想而知.

數學未能處理,唔一定就係IQ低,可能只係某些地方連繫得唔好.個腦要處理一件事,唔只要用一個部份,可能要同時用幾個部份,就好似去超市買嘢,要用記憶記得買什麼,觀察分析貨品到期日,成份,計算價值,還可能用情感,喜歡或想買給誰!只要有一樣唔配合,都會影響結果.


不過呢d只係好皮毛嘅嘢,我只係從多年所見所聞,同埋想了解自己個仔,得知嘅嘢!