囡讀東區 canossa,band 2尾放棄自行 只等統一派位明智嗎？

王家爸爸

mcl203 發表於 15-2-3 13:30
大把人相信校長講野....我地要收B1生
間間都想收B1生....只係收唔收到咁姐...B3學校都係意向收B1生
坊間B1 ...

愛蝶灣基灣有73.2％派到B1學校，21.4％派到B2學校，5.4％派到B3學校，一啲都唔差。以舊年東區派到B1學校既人有三成係B2生推算，愛蝶灣基灣大約有五成B1生（最少4成，最多6成）。唔係坊間所講既八成B1生。

gsrover

王家爸爸 發表於 15-2-3 13:48
愛蝶灣基灣有73.2％派到B1學校，21.4％派到B2學校，5.4％派到B3學校，一啲都唔差。以舊年東區派到B1學校既 ...

"以舊年東區派到B1學校既人有三成係B2生推算" 呢個有咩數據支持？？

gsrover

王家爸爸 發表於 15-2-3 13:48
愛蝶灣基灣有73.2％派到B1學校，21.4％派到B2學校，5.4％派到B3學校，一啲都唔差。以舊年東區派到B1學校既 …

我諗都唔使點討論落去， 經你分析之後，只要一句“以舊年東區派到B1學校既人有三成係B2生推算”， 其實就算有一間東區學校100﹪入B1，你都話為佢只有7成B1， 其實討論落去都冇意思。

王家爸爸

gsrover 發表於 15-2-3 14:03
"以舊年東區派到B1學校既人有三成係B2生推算" 呢個有咩數據支持？？

東區舊年2,000大抽獎位，650個剩餘學額，所以派出的大抽獎位有 1,350個（如果B1生佔1/3，即450個B1生，450個B2生，450個B3生）。 但東區共有821個B1位（我當衛理和顯理B1C），所以派給B1生後，仍然有371個B1位剩，給450個B2生分，B2生派B1位的機會是82.4%。
所以三成已經係低估，實際數量可能會更多。

王家爸爸

gsrover 發表於 15-2-3 14:03
"以舊年東區派到B1學校既人有三成係B2生推算" 呢個有咩數據支持？？

愛蝶灣基灣有六個人派B3學校，嶺南中學（3個人）和李福慶中學（3個人）。其實，挺感到驚訝。
以東區舊年有650個剩餘學額，而且B3位加在一起還不夠600個。所以，除非相當差，東區B3生應該可以入B2學校。

gsrover

王家爸爸 發表於 15-2-3 14:44
愛蝶灣基灣有六個人派B3學校，嶺南中學（3個人）和李福慶中學（3個人）。其實，挺感到驚訝。
以東區舊年有 …

我認同分析要理性。
你的講法有兩個同現實有好大距離的假設
1。所有學生的升中選校都係依據BAND1先，BAND2後，BANB3排最尾，而事實上係每間學校，就算BAND3 都有相當數量的學生去選， 我地可以從各BAND3學校都收到足夠的學生証明呢點， 650剩餘學額多於BAND3學位，咁照閣下的理論，佢地會一個學生都收唔到。只怪好多家長冇理解過派位的玩法。而因為選校策略BAND1學生而MISS左呢D機會，係人間悲劇，而時有發生。

2。剩餘學額係分佈響各BAND學校， 當然各BAND熱門學校出現的機會低，BAND3冷門學校的機會高， 但係有好多人唔敢揀高一個BAND的學校，加上老師追求學生要派頭3志願，呢個害人不淺的思想，我諗你提到呢6個學生，好大機會俾人老點放左頭三

所以呢個打7折的做法估算BAND1學生數目，我係唔認同。而縱觀多年的派位結果，派到BAND1學生有幾多﹪係我第一個相信的數字，再除一除第一志願的﹪，就係我相信佢有BAND1學生數目的上限。當然有D學校BAND1數量低，而第一志願﹪低，呢個除出黎的數字就大可信，因為BAND1學生少， 同第一志願低係有大CORRELATION，所以參考價值會下降。

mcl203

王家爸爸 發表於 15-2-3 14:43
東區舊年2,000大抽獎位，650個剩餘學額，所以派出的大抽獎位有 1,350個（如果B1生佔1/3，即450個B1生，450 ...

似乎....有人仲未搞得清...坊間所講既B1學校 同 B1學生既分別
入讀B1學校既學生未必一定係區內B1生....有位剩...B2生都可以抽入/叩入B1學校
升中/學位數字較為可靠...當有家長沉醉於90% B1學生....又真係幾難令佢相信 B2/3既真面目
神校都未必有80% B1生啦....仲要計埋d B1直資...我見幾個學校自評B2/3都入到~~~

hkpapa852

王家爸爸 發表於 15-2-3 14:43
東區舊年2,000大抽獎位，650個剩餘學額，所以派出的大抽獎位有 1,350個（如果B1生佔1/3，即450個B1生，450 ...

我覺得用呢個方法估有幾多B1生都唔係好啱.

按照Khmama既資料, 2014年東區共有2794小六畢業生, 即約1/3=931人係東區B1生, 當中包括港同以及漢華小學既學生

呢2間直資小學學生起嗎有一半唔參加派位(直升中學), 當中都有一定數量B1生. 再加上自行後和入讀其它直資中學既B1學生, 沒法預知, 抽獎時轉區既人數亦唔知, 實則最後會留係東區讀書既有幾多係B1學生呢? 好難估

王家爸爸

hkpapa852 發表於 15-2-3 16:36
我覺得用呢個方法估有幾多B1生都唔係好啱.

按照Khmama既資料, 2014年東區共有2794小六畢業生, 即約1/3=931 ...

當然，實際的情況比較複雜，但因為大部分B1學校的數據都相當公開，用估計的方法應該可以看到大局，after all we are not talking about rocket science。

港同等既直資學生應該從2794名小六畢業生扣除，因為他們不影響東區升中既生態，屬於生態環境既局外人。此外，東區B1生自行喜歡選擇灣仔及中西區的B1A學校，他們也應該從2794名小六畢業生扣除，因為他們也是不影響東區升中既生態。

簡化的計算：
大抽獎入東區學校（假設六成）：B2生派B1位的機會是82.4%。
自行入東區學校（假設四成）：B2生派B1位的機會是0%。
82.4%*0.6 + 0%*0.4 = 50%
所以，東區B1學校應該平均有1/3的學生B2。 當然B1A學校相對少，B1C學校相對多。

gsrover

王家爸爸 發表於 15-2-3 17:22
當然，實際的情況比較複雜，但因為大部分B1學校的數據都相當公開，用估計的方法應該可以看到大局，after al …

如果你的做算成立， 一間最平凡的東區小學， 應有每個BAND 各1／3的學生， 又BAND2 有82.4% 學生可入BAND1中學， 咁我地照理見到個情況係一間咁樣的小學有60﹪（33﹪＋33﹪＊82．4﹪）學生入BAND1英中。即係舊基灣北米，柴米，連一間咁樣的學校都不如， 而同時間應該有好多呢D學校衝出黎高調宣佈自己60﹪入BAND1英中。

咁個真實情況又係唔係咁？

tttw1

舊年新基推算有68名b1生，但結果當然多過這個數字。咁即係話部份校方評為b2的學生也能入讀b1中學。請記著這間學校一向建議有能力的學生在自行時博高一線的。而且在區內成績也算是屬於前列位置。所以，考8x入嘉勒撒並不出奇。

tttw1

tttw1

NO.1YUET

請問band 1尾2頭，英文及操行A，嘉諾撒有望嗎？

王家爸爸

NO.1YUET 發表於 15-2-4 13:16
請問band 1尾2頭，英文及操行A，嘉諾撒有望嗎？

自行還是大抽獎？

happy+

咁東區band1a學生第幾志願應該開始填band2學校？

SIYip

統一嘅遊戲規矩，只有band 1/2/3,唔需要計算各個band 的頭中尾。

happy+

原帖由 SIYip 於 15-02-04 發表
統一嘅遊戲規矩，只有band 1/2/3,唔需要計算各個band 的頭中尾。

我意思係確定係band1的學生，唔係邊緣人有機會估錯band,應該第幾志願開始填band2學校，因為老師話第三志願就應該開始填band2學校，我自己就想第四才開始填band2,因為始終band1學位多過band1生，正常一定入到的。

王家爸爸

happy+ 發表於 15-2-4 16:43
我意思係確定係band1的學生，唔係邊緣人有機會估錯band,應該第幾志願開始填band2學校，因為老師話第三志願 ...

東區 Band 1 位比 Band 1 學生多，如果確定唔係邊緣人，應該填哂所有 Band 1 學校先填 Band 2。如果有可能係邊緣人，無論機會有幾低，都需要係第二或者第三志願開始填 Band 2 學校。
注意：因為東區 Band 1 位有剩先可以咁填，唔係所有區都可以咁填（例如：南區唔夠 Band 1 位，所以唔可以咁填）。

NO.1YUET

原帖由 王家爸爸 於 15-02-04 發表
自行還是大抽獎？

自行 ！