我錯嗎？

Aphrodite

原帖由 Aphrodite 於 15-03-27 發表
老師冇咩特別，開始時仲安慰我話比多啲時間佢。後來有時話要喺屋企同佢多講下學校嘢，比佢適應下。宜加慣咗 ...

唔記得講，佢喊少咗嗰時全校個個老師甚至校長主任都同我講小朋友有進步😅
可見我個都係全校都識

joygigi

原帖由 Aphrodite 於 15-03-27 發表
老師冇咩特別，開始時仲安慰我話比多啲時間佢。後來有時話要喺屋企同佢多講下學校嘢，比佢適應下。宜加慣咗 ...

佢真喊足半年？每日著校服點反應？我仔日日叫唔返學

964000

原帖由 joygigi 於 15-03-27 發表
佢真喊足半年？每日著校服點反應？我仔日日叫唔返學

如果要喊咁耐，我覺得未ready

Nijntje.Lion

joygigi 發表於 15-3-27 23:06
佢真喊足半年？每日著校服點反應？我仔日日叫唔返學

其實你仔仔都唔鍾意間學校。。。
我見老師竟然講啲咁刻薄嘅嘢， 你仔仔返學應該受盡冷眼。。。

唔係個個小朋友兩歲都ready 自己返學。。。夾硬留佢自己係學校，嗰種separation anxiety 會好強

我個女都2歲幾，之前都唔可以自己上 playgroup/主日學, 一行開耐啲就喊。。。所以我哋決定唔會報pn....playgroup 老師教我，行開試吓話聲佢知，爸媽行開一陣(例如vv ), 講明轉頭會返。。若果行開得耐，就講明佢做完某啲嘢，爸媽會出現( 例如上主日學，會話畀佢知佢聽完老師講聖經故事，爸媽就會準備茶點等佢)。。畀啲明確嘅目標個小朋友，佢會安心啲。。。因為無止境等待，係令小朋友好恐慌。。。而且講明會幾時出現， 就一定要守承諾。。。

近來好好多，自己一個上都得，每次見到我係門口等佢，佢都好興奮同人講:「媽咪係度呀，媽咪返咗嚟啦」。。。

我估有啲嘢，未ready 就係未ready 。。樓主要認真諗清楚你仔仔係咪適合咁早入學。。。另外就係間學校唔關顧小朋友心靈嘅需要，所以若果選擇繼續讀書，就要考慮轉校

MiffyShe

回覆 joygigi 的帖子

分離做得唔好會有心理陰影，要小心處理。如果老師冇幫助我小朋友，小朋友同家長日日難受，我返一曰都嫌多。

阿早!

樓主同我之前情況好似，我仲比個老師搞到就來精神衰弱，又四圍搵資料帶個仔去做評估上治療PG。。。。結果，姑娘話亞仔無問題，只係唔係個個小朋友都適合2歲返學，我個仔就係。

我仔當年係插班PN，個班主任勁無愛心，有咩事就話左你先，有咩都係家長唔岩，連個仔響學校比蚊咬到豬頭都係我錯。。。

好彩亞仔之後9月轉校，老師好有愛心又細心，我仔勁鐘意返學。回想起來，我應該一早退學，出去上下D學前適應班好過。

貝珠

可能老師說話技巧差，令你難受。但我又諗，如果真的喊得誇張，大叫大閙又真的好影響其他同學，可能真是要有專人照顧佢。我覺得停學，轉上一些短時間， 可以獨自上堂的playgroup

joygigi

原帖由 阿早! 於 15-03-29 發表
樓主同我之前情況好似，我仲比個老師搞到就來精神衰弱，又四圍搵資料帶個仔去做評估上治療PG。。。。結果， ...

我近來都不斷搵治療班，驚阿仔有問題！請問你最後照俾佢返？老師一樣咁衰態度？小朋友keep住喊到學期尾？咁之後9月轉校，阿仔完全無野？謝

allenho3

我小朋友n1時，好唔鍾意返學，未天光已經話唔返，依家k1轉左校，成日話鍾意返學。。。有時間學校唔夾係咁。。。同埋係出面返下playgroup睇下他反應

964000

原帖由 joygigi 於 15-03-29 發表
我近來都不斷搵治療班，驚阿仔有問題！請問你最後照俾佢返？老師一樣咁衰態度？小朋友keep住喊到學期尾？咁 ...

你之前有冇同佢上過playgroup? 如果冇突然上學分離，真係幾驚。
我同我女上了一年playgroup, 由最初見到老師像見鬼咁，到現在剛兩歲可以自己一人上課（同一學校），循序漸進，完全吾需要喊，我覺得最理想的分離應該是這樣，吾明點解覺得喊一個月，三個月甚至半年叫正常。

Dadagaga

如果我係你，我會考慮：
1）2 歲插班是否必須？如果不是必須，又要小朋友學習，playgroup 是否做到？
2）學校是否幫到我小朋友？如果老師咁冇愛心，媽咪每日迫我返學，小朋友不單討厭學校，更對媽咪失去信任
3）2歲未ready 做separation 其實冇問題，如果強行，可能出現之後有anxiety disorder, 仲麻煩，所以separation, 必須冇痛同smooth, 兒童心理才健康。

請跟著小孩走！人家2歲返學，不等於自己小朋友也是2歳，何必為快人一年返學而迫小朋友，如果佢一開始已討厭學校，之後對學習也不會有興趣，之後20年點算。呢個問題只有自己父母最了解小朋友，也只有你地可以幫到個小朋友。

別忘記當天懷孕，我地祈求的只是小朋友健康快樂。

做separation 要好小心，一下傷到小朋友心理，影響深遠。將心比己，媽咪每天送我上刑場，有幾驚恐，幾無助，每日如是，要幾多日可以形成心理病？我唔知道

切記，分離必須係無痛及smooth, 加油媽咪及小孩！

Keykee

唔晒講唔晒問，請立即轉校。錯不在你和小孩, 也許真的未能適應，但最大問題在那所「學校」和那班沒有教育熱誠的教師！待久了只會影響孩子！

Jessy

這些老師很差, 轉校啦, 佢自己唔夠經驗處理小朋友的問題仲話家長唔岩, 小朋友2歲咋, 你估12歲咩?

little_kid

原帖由 joygigi 於 15-03-21 發表
我之前post左bk，但好像覺得這裡較合適

阿仔插班入N班，但日日喊，佢不計適應期（即有5日返1個至2個鐘）， ...

你囝囝學校是注重學術的嗎？有部份重學術的學校老師會無咁有愛心同耐性。你囝囝是細B嗎？我建議你囝囝轉一間老師有愛心的學校較適合。有照顧幼兒經驗的老師是不怕小朋友喊，還會分享一些照顧幼兒的心得，還有給一些有用的建議給家長。

penp0319

其實唔讀pn都ok,兩歳返吓playgroup,仲適合！老師跟本無可能每位小朋友都跟得好貼，兩歲又易病！

ckwanirene

我同你個 case 有 d 似。三月二日插班番學，日日喊，上堂不停哦，不停講'媽媽，媽媽係邊到'。喊到嘔都試過幾次。開左學兩星期，老師同我講，點樣先可以令小朋友唔喊。講真，我唔知。lee 個問題，應該學校比較清楚，因為學校有經驗。放完復活節假，阿仔可能長大了，情況亦有好轉。我可能比你好彩，老師投訴的用詞比較溫和，同埋我見老師都算有愛心，阿仔在 playground 玩的時候都喊，老師抱住佢，又拖住手同佢玩。

我覺得最重要唔好嚇怕小朋友，驚左番學。你問下佢番學開唔開心，同佢講多 d 番學好玩的事。我送阿仔番學時，搭車見到其他幼稚園學生，就問下哥哥姐姐番學係咪好開心，唔洗喊。

希望你位小朋友，好快就唔喊，仲好鍾意番學

964000

原帖由 Dadagaga 於 15-04-12 發表
如果我係你，我會考慮：
1）2 歲插班是否必須？如果不是必須，又要小朋友學習，playgroup 是否做到？
2）學 ...

說得好，2歲真係好細，有時大三至六個月已經好吾同，何不等下先。小朋友未ready, 很多時是大人自己心急，我prefer順番小朋友成長速度，playgroup陪夠佢, 大D先分離，有足夠安全感，我女到番N差不多三歲，一聲都冇喊過。

亞花

我真係好想知咁冇教育精神既老師係咩學校

alex2305

樓主，開名啦。

佢咁講得，我相信佢地冇咩經驗、完全冇愛心，這所學校不讀也算。
我係你，我會搵校長問'老師咁講係咪想我退學？因為佢冇意見比倒我，只交代好滋擾。'

呢個老師應該冇小朋友，有邊個小朋友同媽分離不喊，我孩子返pn 喊左成個月，老師安慰返我，係過渡期，放手（及放心）交入去學校就得。初返一星期，有考慮退學，因不忍心孩子哭。後來連星期六日都話要返學，冇得返學唔開心。佢曳我話再曳罰冇得返學，佢喊。

你錯在信錯這所學校。