你們學校有預默嗎？

Ryan_baba

燁燁媽 發表於 15-4-19 00:29
老師這樣做， 到底是好心做壞事定壞事好心做？
因為老師， 我同老公最後炒大獲~
重要當著女兒面前嘈~

點解你俾你個女補習就會破壞你一家嘅關係？

cwymama

小囡都係小二，上學期測驗有同班同學仔英文唔合格，該家長立即找老師問意見，老師提議媽媽每日抽30分鐘同小朋友温英文，但如果時間唔允許，就返補習班，該家長立即揾補習班比仔仔，兩個月後考試，成績進步至68分，而下學期測驗成績更加有75分，該家長更親自到學校向老師道謝！樓主，小朋友個底打得唔好對佢將來會好大影響，老實說，小二英文唔合格，家長也要幫她想想辦法，如果你真係好唔想返補習，就自己勤力啲，每日幫她溫習英文吧！說到底，老師也只是想小朋友好，她打電話比你、你老公也是她的私人時間吧！唔理唔打電話比你勸説要返補習，對她來說應該最方便。

燁燁媽

原帖由 Ryan_baba 於 15-04-19 發表
點解你俾你個女補習就會破壞你一家嘅關係？

如果我自願比女去補習當然不會
但現在是老師1而再， 再而3咁講，講唔掂我， 搵一向不理仔女既老公講~ 咁同迫有咩分別？

燁燁媽

原帖由 cwymama 於 15-04-19 發表
小囡都係小二，上學期測驗有同班同學仔英文唔合格，該家長立即找老師問意見，老師提議媽媽每日抽30分鐘同小 ...

補習能看見1個學期的進步， 但過後就知道這是可怕的深淵,  補習後， 你直到上中學， 都不能放棄補習,  可能上大學都需要~

Ryan_baba

燁燁媽 發表於 15-4-19 16:06
如果我自願比女去補習當然不會
但現在是老師1而再， 再而3咁講，講唔掂我， 搵一向不理仔女既老公講~ 咁同 ...

你有冇諗過點解老師會建議你個女去補習先？

YolandaTam

我明白你呀樓主, 老師死迫不特止仲驚動埋爸爸, 態度仲要咁唔體諒, 係人都會覺得唔舒服!  

小女喺34網女校讀緊小五.  佢一年級返咗兩個星期, 班主任已經揾我好幾次, 話小女英文跟唔上, 叫我幫佢揾補習.  我同你睇法相同, 始終認為語文係要浸, 唔係一朝一夕可以有長足進展佢, 補習係非不得已嘅選擇.  因此對老師嘅建議我唯唯諾諾, 意見接受, 不過行動(每日伴讀中英文書各半小時)照舊.  上學期小女英文得40分, 下學期已80分, 終於老師冇再因小女學業問題再聯絡我. 所以支持你繼續陪令千金努力睇書, 假以時日一定有成果!


講真喺好多小學, 尤其學生要參加升中派位嗰啲, 老師一定係會催谷學生成績, 因為對學校嚟講學生成績好可以令佢成為熱門學校或者維持熱門, 學生質素好, TSA表現好, 唔多唔少喺攞府 funding 方面又容易啲, 企喺老師同校長個人立場, 學生成績=老師校長業績, 對佢哋日後升職, 跳槽都係十分重要.


老師都係人, 都係打份工, 佢態度差係好錯, 但希望你都企佢立場諗吓, 或者你會冇咁嬲, 你就用令千金嘅進步証明佢係唔需要補習啦, 加油!

燁燁媽

原帖由 Ryan_baba 於 15-04-19 發表
你有冇諗過點解老師會建議你個女去補習先？

最重要係補習幫到幾多歲？
假隻腳入左補習就上唔返來~
小朋友自覺重要定等補習重要？
我女才小2， 點解唔比時間她去自覺？
小2唔得咪小3， 小3唔得咪小4~
我要點教女， 用咩方法點解一定要跟學校？
學校係咪包補習包上band, one中學跟住上港大？
掉下1包句叫人搵補習係最不負責任的說話~
你

haihaimom

1.預默真係冇需要，浪費課堂時間默兩次一樣既課文，默書只係學習過程既一小部份。
2.默書紙抄唔切，有冇問過其它家長，其它同學有冇相同問題？好小事，一係問其它家長，又或可以跟老師反映喎。
3.其實老師可能覺得學生跟唔上進度，才返映給家長知道，並建議可行方法，我覺得佢至少係個好老師，佢大可以不聞不問，置身事外。只係依個老師唔識講說話，說話唔圓滑啫。
4.至於老師揾爸爸唔搵媽媽……噤老師覺得同媽媽溝通唔到，搵個溝通到既講，都係人之常情，其實老師通知咗家長學生在校既學習情況，責任真係完咗，夫婦喺管教上冇溝通，真係唔係好關老師事……又或者媽媽想知多啲，客氣啲揾老師再了解吓，冇理由老師會拒絕啫。
4.至於家長唔同意搵補習，大可以堅持自己諗法，老師冇可能迫你，你只需要多謝老師既提議，你話我會考慮下咪得。何需動氣

YinMichelleBaby

我只是路過的。燁燁媽，你有你的堅持，我覺得你不讓你小朋友補習，有膽色，有遠見。你女兒入得名校，一定很醒目。但你没有選跟你教育理念相同的學校。

Ryan_baba

燁燁媽 發表於 15-4-16 12:51
我講既預默不是學校同小朋友預默, 是功課, 在家長在家同小朋友預默.....

冇預默當功課，你自己就唔會同個女溫／預默？

燁燁媽

原帖由 Ryan_baba 於 15-04-19 發表
冇預默當功課，你自己就唔會同個女溫／預默？

哈～哈～哈～

燁燁媽

知道為什麼有怪獸家長嗎？
其中1個原因是學校間接令家長做成的~
例子1， 老師派功課時， 同學互相拿錯功課(這應該每2，3天都有機會發生）， 或拿多了， 家長當晚必須要在手冊記下， 如不記下， 小朋友就算口講比老師知， 亦不會得到老師信任， 因而記下1次欠交功課的記錄。咁家長為免仔女無辜被老師寫欠交， 就必須要晚晚加緊檢查功課
這樣說得好聽咪叫家校合作囉， 不好聽咪老師煩小樣囉～
a家長有寫就括免， b家長唔寫個仔女就要欠交
所以道致學生都未必會主動同老師講， 因為家長已經代為寫信了呀～
所以為什麼現在學生都不喜歡和不懂爭取？ 因為家長已經代為爭取啦～
但如果家長唔寫手冊， 但學生自己講比老師知， 又得不到信任喎~
即係學生出聲為自己爭取， 但由於老師是不信任， 咁爭取來做咩？？？？？

問老師原因， 老師話， 因為小朋友無做， 可能就會說不見了， 所以老師一律選擇不信任~


這樣又令小朋友少了一樣學習方式~

我總覺得， 學校要堅持， 但當家長覺得有問題時， 總不能默默接受~
教小朋友1次錯了時機， 2次錯了時機， 當第3次出現時， 不會都想錯過第3次吧～
因為， 很可能就那麼1次， 就能小小的小小的改變小孩的心態

cwymama

小囡學校就無情講，沒有功課交就是欠交，不論功課是否被不小心的小朋友攞了，因為老師開學時說明，小朋友有責任每日放學前對清楚功課袋內的功課是否齊全。樓主，如果真的對學校那麼失望，可能要諗諗是否需要轉校，你與學校路向那麼不同，仲有四年點捱呀？😔😔😔

haihaimom

其實小朋友攞錯功課，冇攞功課，尤其小一、小二真係經常發生。我諗老師都明白既。至於老師要家長寫手册，只係想.證明家長都知情，如果經常發生都唔駛老師通知先知呀。孩子還是應該跟老師直接說明，因為帶齊及交齊功課，本來就是學生自己的責任，欠帶欠交要親身同老師交待亦係學習負責任既態度。我真係認識有小一學生為咗做小樣功課，張份功課丢去垃圾桶，俾老師找'到，件事係我仔話我知。

rainrain613

原帖由 cwymama 於 15-04-20 發表
小囡學校就無情講，沒有功課交就是欠交，不論功課是否被不小心的小朋友攞了，因為老師開學時說明，小朋友有 ...

同我女學校一樣

燁燁媽

原帖由 haihaimom 於 15-04-20 發表
其實小朋友攞錯功課，冇攞功課，尤其小一、小二真係經常發生。我諗老師都明白既。至於老師要家長寫手册，只 ...

咁學校是一竹竿打一船人， 重點是家長不寫手冊就代表欠交， 理得小朋友有沒有解釋~

呢樣野感覺上似職場的Black & White~

當你沒有Black &White, 懶理學生如何解釋， 你父母沒寫就沒寫~

我應該不會轉校， 亦沒這必要~

學校就算看到這個post, 心知是我， 但亦不會這麽(低莊）想盡方法趕人走吧～

燁燁媽

原帖由 cwymama 於 15-04-20 發表
小囡學校就無情講，沒有功課交就是欠交，不論功課是否被不小心的小朋友攞了，因為老師開學時說明，小朋友有 ...

人生將來見到的人更多機會面對意見不同，
不可能因為咁就要退縮吧～

little_yolky

燁燁媽 發表於 15-4-20 14:07
人生將來見到的人更多機會面對意見不同，
不可能因為咁就要退縮吧～



  ...

這無關乎退縮, 道不同不相為謀而已。因為我們既重點都係為小朋友好, 如果學校理念同家長有咁大出入, 小朋友學習乃事倍功半, 所以, 老生常談就是要找合適小朋友的學校而已。

haihaimom

原帖由 燁燁媽 於 15-04-20 發表
咁學校是一竹竿打一船人， 重點是家長不寫手冊就代表欠交， 理得小朋友有沒有解釋~

呢樣野感覺上似職場的B ...

老師已經好好，攞錯、冇攞功課只要家長寫手册，就唔當欠交。好似樓上JM禁講，好多學校冇情講，欠交就係欠交。我仔學校都係，有次我仔放學時醒起冇攞一份功課，想入返課室攞都唔可以，我聽到都慶慶地，佢都未離開學校都唔俾返轉頭,攞？！但規則就係規則，家長同學生都應該專重，冷靜再諗.，又唔係好唔合理啫。學校要求高啲，噤學生真係會再小心啲。依家你女女老師只係要求學生話俾家長聽.，由家長寫手册，第二日再同老師講番就唔當欠，老師要求真係好合理。