ADHD成績一樣可以好好

wan_sosin

原帖由 patpat234 於 15-07-12 發表
怕咩俾人知？我女啲同學家長早早就知我女adhd, 初初成績中中間間，一年比一年進步。



  ...

事實我覺得自己唔識處理，其實有一，兩個好熟的家長知我仔ADHD,但佢哋見我仔成績好，就問我，佢是否唔係ADHD,係資優，我會答佢，我無Check過。佢哋會覺得SEN學生，成績唔好係必然，我仔今年升小二，上小一一開頭已經成績好！家長們已經認為佢係叻學生！但當然操行唔會好得去邊,下學期差過上學期,但老師好少投訴,因為佢又唔會太影響上堂,佢貪玩但唔會蝦同學.佢多數會自己搵嘢玩,例如佢會兜個大圈先返埋自己個位,去洗水間經過其他班課室順便企係度睇下其他班上堂.

麥兜MaMa

ADHD 好多時心水清的會一眼看出.

wan_sosin

麥兜MaMa 發表於 15-7-13 16:33
ADHD 好多時心水清的會一眼看出.

無錯,其實見得多小朋友就會分到.

但我仔無任何識得的幼稚園同學入同一間小學,小學家長無乜邊個真係識得,平時唔會見面,佢哋好少見到我個仔.
但上年學校旅行,圍圏玩遊戲,個個坐係地下玩,得我仔一個petpet無掂過地,舉手想玩又會走埋出去,差不多去到老師面前,所以老師都唔多比佢玩,我唔知其他家長有無留意到,其實當日我都有同一個較傾到的家長有講,但佢都唔多相信.

我其實唔介意人哋知佢ADHD,但好多時d人都唔多信,其實老師開頭都唔係太感覺到,去到下學期先覺得佢係有D麻煩嘢.

麥兜MaMa

你仔冇打搗到其它人, 只是坐唔定, 因此都不算太大問題.
我仔好喜歡同人玩, 但成日太熱情, 陌生人, 熟人, 岩傾有時就 抱人， 唔看眉頭眼額, 反而易令人唔鍾意. 而且成日手多多. 令我擔心.

麥兜MaMa

不過佢本性善良, 在KG老師同學都好鍚佢, 過得好開心. CAC 心理學家都話佢乖, 但好奇又心急, 手多多摸左先記得問. 如果配合到, 可以的話我地希望上小不用食藥.

patpat234

原帖由 麥兜MaMa 於 15-07-14 發表
不過佢本性善良, 在KG老師同學都好鍚佢, 過得好開心. CAC 心理學家都話佢乖, 但好奇又心急, 手多多摸左先記 ...

其實最麻煩就係我地呢類，外表完全睇唔出，好多時都俾人覺得父母唔識教唔教。
以前細啲時每次出街都會講明要點做，如果口守規矩就返家，試過幾次返左屋企佢地先識咩係應該做同可以做。
初初由無set規則到set好規則去實行嘅期間真係小啲心血都唔掂。

依家老師都成日話我已上岸，2兄妹又已經似返個人，仲叫我放心唔洗再理佢地。

wan_sosin

原帖由 麥兜MaMa 於 15-07-14 發表
不過佢本性善良, 在KG老師同學都好鍚佢, 過得好開心. CAC 心理學家都話佢乖, 但好奇又心急, 手多多摸左先記 ...

你小朋友未上小學？
我仔最初上小學都會攪住同學，但當經常比同學投訴，同老師怪責，開始好咗D,但唔係唔攪，只係唔會攪得咁明顯同太過份！等無咁易比人捉到。

麥兜MaMa

wan_sosin 發表於 15-7-14 12:40
你小朋友未上小學？
我仔最初上小學都會攪住同學，但當經常比同學投訴，同老師怪責，開始好咗D,但唔係唔攪 ...

9月先上.
希望佢上左好D. E+D同學熟, 佢有時係明知固犯竹當開玩笑

我已不停同佢, 新同學要對人C文D.

wan_sosin

麥兜MaMa 發表於 15-7-16 15:37
9月先上.
希望佢上左好D. E+D同學熟, 佢有時係明知固犯竹當開玩笑

ADHD小朋友上小學,連CP都唔多可以預測到實際情況到時會點,暑假盡量教多D課堂規則,社交技考等等.有愛心的學校,會比小朋友適應期,初時做錯嘢唔會太怪責,同學校多溝通會比較好.

dearmm

請問大家小朋友有冇社交問題？小一未藥時有行為問題，時時被老師責罰，同學也不喜歡他。現在他成績好了，行為也大部份改善了，但就冇信心主動識同學，要唔要轉校？

dearmm

大家有冇社交情緒班介紹？

wingl410

我仔琴日返左醫院覆診, 醫生話經過6月初上完GE觀察小組評估, 專注力差同理係ADHD, 加埋幼稚園老師填回GE問卷(對課堂運作係有影響, 佢會大叫引人注意, 情緒唔穩定, 專注力較弱)醫生建議食葯, 不過我推左要求半年後2月覆診再作決定, 因為我仔9月上小一, 我想睇讀完上學期情況如何先, 醫生都同意仲叫我如果期間有需要提早試食葯就打電話上去約....

patpat234

原帖由 wingl410 於 15-08-08 發表
我仔琴日返左醫院覆診, 醫生話經過6月初上完GE觀察小組評估, 專注力差同理係ADHD, 加埋幼稚園老師填回GE問 ...

我果時都係暑假時醫生叫試藥，醫生話如果影響左同學校，同學關係先開始食就要再花時間去修補，同埋暑假食起碼我可以睇到佢食藥後嘅變化，所以我女最後開學前2星期開始食。

patpat234

原帖由 dearmm 於 15-08-03 發表
大家有冇社交情緒班介紹？

返瑪麗咋

I_O_U_baby

patpat234 發表於 15-8-10 13:01
我果時都係暑假時醫生叫試藥，醫生話如果影響左同學校，同學關係先開始食就要再花時間去修補，同埋暑假食起 ...

原來樓主小朋友食緊藥.
食左藥既ADHD 小朋友會專注D,
發揮到佢應有既能力, 就唔會越來越跟唔上的.
我諗醫生所指係ADHD 但沒有食藥先會有咁既問題.

我有朋友個仔係ADHD, 食左藥之後判若兩人,
仲年年攞獎學金 (在外國讀書).
不過如果唔係太大問題,我就唔想比小朋友食藥.

patpat234

原帖由 I_O_U_baby 於 15-08-11 發表
原來樓主小朋友食緊藥.
食左藥既ADHD 小朋友會專注D,
發揮到佢應有既能力, 就唔會越來越跟唔上的.

我唔知佢如果唔食藥係學校會點，不過我見佢放假時唔食藥對住啲功課都可以坐定不停做2,3個鐘

I_O_U_baby

patpat234 發表於 15-8-11 15:27
我唔知佢如果唔食藥係學校會點，不過我見佢放假時唔食藥對住啲功課都可以坐定不停做2,3個鐘



  ...

如果唔食藥都專注到, 你不如問下醫生係咪可以停藥或減藥?

patpat234

原帖由 I_O_U_baby 於 15-08-11 發表
如果唔食藥都專注到, 你不如問下醫生係咪可以停藥或減藥?

其實有問過，佢好中意學野寫字，總之一有筆係手就會好定好專注，就好似好多小朋友對住電視會好專注咁。。。。老師對佢上堂同功課都有讚無彈，試過有段時間佢要準備出國比賽，所以停左幾星期藥，一放小息放飯佢啲adhd特質就會出來，衝動，無時停…所以暫時唔可以停藥

I_O_U_baby

patpat234 發表於 15-8-11 18:26
其實有問過，佢好中意學野寫字，總之一有筆係手就會好定好專注，就好似好多小朋友對住電視會好專注咁。。。 ...

上堂專注,小息先無時停, 我覺得無乜問題喎

wan_sosin

原帖由 I_O_U_baby 於 15-08-12 發表
上堂專注,小息先無時停, 我覺得無乜問題喎

我都咁樣覺得，只要上堂聽到書，其他都唔係大問題，我仔都係食飯轉堂小息作反，老師都知，但唔太影響到上堂，老師都無乜投訴！只係唔多守規則，操行唔算好！但佢玩還玩，唔會蝦人！同學都鍾意同佢玩！