南區－維多利亞，啓思－那間好？

AhMe

唔好意思，我係今朝個AhMe. 今朝比較忙，所以個問題比較簡短．依家比多ｄ資料大家，請各位媽咪多多幫忙．

啓思主張母語教學，亦都主張ｂｂ三歲前唔好執筆寫字．深灣軒係新校舍．靚得不得了．同ｂｂ　面試時，　嘩！落地玻璃窗，　睇晒遊艇會，ｄ老師又好nice.
而Victoria 係雙語教學（我揀了Eng / Can), 但係海怡ge校舍好舊, 比較細. 老師都ok. 但係感覺好commercial.

兩間學校都需要15-20分鐘車程(自己撘巴士). 啓思學費$2680 一個月 全年費用 (incl. 所有雜費,校服, etc)大概$41453. Victoria 貴好多．　學費$3646 一個月, 全年大概$54136.

下個星期啓思要比錢register ，　Victoria 6月. 請大家賜教我呢位新丁.

ahlai

其實幼稚園重點是廣東話都冇所謂，好似 St. Paul’s Conv 都是中文幼稚園。
而且啓思亦有英文堂，所以都沒可以話係冇英文學。 我識好多小朋友在啓思 都讀得好開心，寫字唔駛咁快開始，橫掂三歲都唔會寫得好，都是要等佢有返四歲幾先寫得似檥d。不如你都係按自己心水揀重好。你係唔係講深灣軒果間啓思﹖真係好靚。

AhMe

ahlai,

好多謝你ge 意見!
係呀, 我講緊深灣軒ge 啓思, 係一見傾心ge 環境!
遲d話你知我最終ge決定!

AhMe

2mings

如果係一見傾心就唔使諗咁多!  

因兩間都係好學校,唔係諗住讀佢間小學既話,又兩間都要搭車先去到,就梗係搵間又靚又平既讀.

ahlai

係囖；AhMe ， 咁您決定咗之後記得話返俾我地知啦，dun 你高興下都好！　 　　

AhMe

ahlai / 2mings,

sorry, 噚日好忙, 今朝又唔知點解個site 好似有d 問題,成日入唔到! 真係好多謝您地! 同隻公決定左下星期話您地知!:)

AhMe

ahlai / 2mings,

綜合所有條件後, 都係決定左維記!
2mings呀, 你bb 報左spn? interview 左未呀? (good luck!) 其實, 我一直心儀cwb st. paul (名, 正, 又比維記啓思平), 但係驚太遠女女要撘太耐校車 (我住係黃竹坑, 朝早香港仔隧道成日塞車)會好辛苦, 加上係全日制, 所以有d唔捨得. 同埋呢, 幼兒園同幼稚園係兩間學校黎架. 係分開獨立運作, 連校服都唔同. 我唔清楚點解要分得咁清, 你知嗎? 仲有, 我舊年攞左份幼兒園簡章睇, 佢附則仲要用bold type 寫 : 正就讀於本園之兒童, 聖保祿幼稚園不會考慮取錄 - 咁話. 知唔知點解呀?
我女女2003 年6月出世, 你地個bb 幾月出世呀?

AhMe

老人家

AhMe
咁你報海怡維記, am or pm? 同讀cwb st.paul又有mud關係?  我個女會讀pm.

2mings

Hi AhMe

點解你會決定撰維記? 我以為你會撰啟思!

St Paul's 分幼稚園同幼兒園.都係同一座building到,不過就行政獨立,園長同老師都係兩班人.依我所見,我就覺得幼兒園既老師主任園長親切的,可能係學生人數少既關係,師生好close! 簡章咁寫,我既理解係讀緊St Paul's幼稚園唔可以轉去幼兒園,而讀緊St Paul's幼兒園亦唔可以轉去幼稚園.而兩間既女學生表現唔太差,都可以直升小學.

同維記相比,St Paul's 幼稚園學費會平的,但St Paul's幼兒園就好貴,要成$5250,仲要交12個月. 但貴得黎都值既,我見佢既師生比例,設施,膳食同活動真係搵唔到第二間學校可以相比!

AhMe

2mings / 老人家,

oic, 2 mings 多謝您, 因為我一直以為幼稚園比幼兒園上番小學ge 機會係大d 架, 聽你咁講, 其實都一樣!
係呀, 好鐘意啓思個校園. 但係做人都要現實d, 趙鈞鴻(啓思創辦人)強調小朋友要過得開開心心, 我初初好buy (其實依家都buy), 但係諗深d, 如果想女女(同埋自己)以後條路好行d, 就應該搵間全面少少ge幼兒園/幼稚園 (落地玻璃對住遊艇會其實對bb黎講 ..... 都冇乜意思, 佢只係會掛住同學仔玩唔玩得開心). 我有朋友讀cwb 維記, 亦都有同事讀海怡啓思 (兩個都係幼稚園k2). 維記個個, 唔使額外再"溫書", 亦都讀得好開心 (佢兩個女, 一個k2, 一個k1), 但係讀啓思個個同事, 佢話我聽, 係就係讀得好開心, 但啓思明顯冇維記教咁多野, 咁為左為個仔舖定上小學ge 路, 佢自己要同個仔"補" 英文! - 與其係咁, 我又覺得我倒不如比女女入維記? 我諗我比較懶!  同埋, 我覺得(係覺得) 讀維記pn, 如果k1  apply spk 會容易d! 起碼見到"鬼" 唔會驚掛!
其實我最終係想女女入st. paul. 雖然中小學係獨立, 但係幼稚園同佢地基本上係聯繫ge. spk 學費又真係平好多, 二千幾蚊 (好似係唔過$2,500). 仲有仲有, 2002年kennedy town 同 macdonald road co-ed 已得校董會通過會合併, 同埋已經獲得政府撥地, 2007會遷往黃竹坑呀, 同埋轉做直資, 咁我住黃竹坑, 係係good fit (如果考到ge話)? 咁萬一女女考唔到spk .. 讀住維記, 都叫係好學校. 又萬一女女考唔到spcc, 咁讀維記,小學ge 選擇會比啓思多d (可以揀英文, 又可以揀傳統), 上小一時會冇咁辛苦.

老人家, 我本黎apply am, 但係佢只係收左我女女讀pm, 你bb係女女定仔仔呀? 咁佢地8月咪係同學囉?

老人家

AhMe

其實我都睇過啓思, 不過係海怡, old campus.  我覺得啓思就著重中文&師生比例就比較高.  而我揀維記係鍾意佢師生比例好好(pm class 大約1:8至9小朋友) &英中2種語言都咁著重.  

其實自己以前對維記的印象都唔好, 覺得佢好貴&唔值.  但bb要報名讀書時, 睇左8-10間南區幼兒園, 綜合各方面最終都係覺得維記係最好, 所以揀左佢.  我地2公婆又無所謂個女大左之後讀邊間學校, 反正維記都有小學中學, 所以都唔諗住lu.總之佢讀得開心又無壓力就得.  

其實維記pm師生比例比am更好.  因為上午好多人揀, 反而下晝無咁多學生.  我個女因為好晏先起身, 所以我同佢揀pm.

係喎 佢地會做同學仔lu.    

ayer

我女女今年8月都会入維記的PM班。我都有apply spn,但没希望。

AhMe

Ayer,
點解咁講呀? u sounds very disappointed 呀  ! spn 今年入唔到, 今年年尾可以再報spk 嗎! 好似老人家話齋, 維記都係好學校, 最緊要係小朋友讀得開心麻! 咁你又點解鐘意spn / spk?
AhMe

ayer

AHME：

         我 鐘意spn / spk一条龙上，不用烦，且学校各方面环境好。spk都好难入，又喜欢收大B 。

AhMe

ayer 寫道:
AHME：

         我 鐘意spn / spk一条龙上，不用烦，且学校各方面环境好。spk都好难入，又喜欢收大B 。

YEAH YEAH YEAH, 一條龍  -  我地個個媽咪都鐘意.
你話spk 鐘意大b, 咁點先係大b, 又點至係細b .. 你女女係細b 嗎? 唔緊要, 試左, 叫做對自己有交代. 況且, 維記小學都起緊啦!

ayer

本人認爲八九月打後的就是細B，再看看SPN裏面，你沒有沒聽說有八月份以後出生的BB？我有朋友話我知，她個女班入邊最細都系七月份的。SPK會好點，但八九月份出生的除非面試表現很特別，當然十月，十一月的就希望更小了。試想，就算今年報SPK，面試通常在明年1月左右，我阿B九月出生，到時都只有28個月，又怎同元月出生已有36個月的比？BB在3歲前差一個月各方面都會差很多，你不這樣認爲？維記都好，但是終不是我的首選。

AhMe

ayer 寫道:
本人認爲八九月打後的就是細B，再看看SPN裏面，你沒有沒聽說有八月份以後出生的BB？我有朋友話我知，她個女班入邊最細都系七月份的。SPK會好點，但八九月份出生的除非面試表現很特別，當然十月，十一月的就希望更小了。試想，就算今年報SPK，面試通常在明年1月左右，我阿B九月出生，到時都只有28個月，又怎同元月出生已有36個月的比？BB在3歲前差一個月各方面都會差很多，你不這樣認爲？維記都好，但是終不是我的首選。

ayer,
每年spn (得60個額) 都爭崩頭 (spk 都係) , 站係學校立場, 都一定會揀大b, 好湊d麻! 放心d 麻! 祝您女女入左維記後更精靈, 出年順利入spk!
AhMe  

2mings

SPK 會有多的學位,因為佢有上下午各三班,每年收生約180人,入讀機會照計會大過SPN三倍! 記住今年10月到打電話去SPK 問定申請日期!

祝你地既囝囝囡囡入讀到一間又開心又學到野既好學校!