再戰小一?

efung123

呀仔 8月 B，唔大又吾細，下個月升小一了，為左想入心儀的一條龍小學，稔緊好唔好今年再考小一，萬一萬一真係考到，牛高馬大 REPEAT小一，會唔會比同學仔笑，又或令佢自卑，本來有稔過遲 D考插班，但位少，又要學業成績好 TOP，怕機會渺茫。大家點睇，可唔可以俾 D意見。

jefftam06

如果想試，可以去試。
得咗先算。
我自己就唔多贊成。但好多出名的直資/私立小學是收好多超大仔。

bubuG

8月太大了

Yanamami

唔好搞禁多野~

LittleButter

efung123 發表於 15-8-3 22:46
呀仔 8月 B，唔大又吾細，下個月升小一了，為左想入心儀的一條龍小學，稔緊好唔好今年再考小一，萬一萬一真 ...

請問你心儀的一條龍小學是哪一間呢？因為要先了解這學校是否會收重讀P1生喎！始終8月B已經不符合「適齡」的標準嘛！

mykate

8月唔好啦。超超大！

心儀的話，不如考小二插班

Tintin926

依家果間好差咩？

Bstar

試左今年讀小一，考好啲插小二啦！
插小二無考小一咁難！

wai_wai_121

我仔都係八月，原先都派左間寶校，我原先都打定輸數讀住一年先再插班小二，無唸過要重讀小一丫，始終太大喇！好彩尋日收到直資電話收佢。可能您都一樣！加油！遊戲仲未完！

Charlotte_mom

原帖由 Bstar 於 15-08-03 發表
試左今年讀小一，考好啲插小二啦！
插小二無考小一咁難！

數字我8返黎咋。有間直資，插小234共300人考，總共收左3定4個，難過考小一。我係樓主的話，重考小一，再戰插班，有offer再揀。可能到時小朋友讀得穩定咩都唔駛攪呢

karen55407

我仔就係八月尾出世，如果遲幾日出世我就一早做超大B。不過我覺得八月B是適齡學童，不應做超超大B。結果我插咗兩年，才插到班。你都係讀住小一先，可以雙向發展，一方面試下重考小一，睇下你心儀嘅收唔收你，另一方面，可以在學年終申請考插班。

bopui0607

回覆 efung123 的帖子

請問你想考邊間一條龍小學呢 ?

devillam

我仔仔係9月尾出世，之前考咗數十間直私考雖然冇即時有offer,但上月中有3間學校call,所以唔好放棄,9月開學學校都會call waiting的.

maomaochoi

我阿仔都係8月仔，但我寧願插小二都唔想再考過小一。你現在派的那間真是好差？如果成績好差的話，考第一應該不難。那就用這年幫他考多幾張cert同攞下獎。不過最重要係睇小朋友的心態。如果他思想比較成熟，要佢重讀小一真係好難受。到時佢小一，人地幼稚園，一齊考學校，應該唔係幾好受

chanwendy

我識人因小一太多功課, 想轉校, 但係那間學校小二冇位插, 佢就重讀小一.  佢都係八月仔.

gisoleung

8月太大啦！

B.B.BaBa

重考小一，又試插小二，結果可能有得你揀，亦可能揀埋俾你，又或者係原校升小二。

ajfamily

我估重考應該未必好多學校會考慮，我見好多學校都有年齡cut off date 在9月，其實我眼見那些10月做超大也給我感覺同其他同學差大截，尤其跟我的孩子比較，他在6月出生，相差成8個月。我的孩子在6月出生，也有不少直、私offer, 開學後我亦不覺得他被比下去。無謂浪費孩子一年時間，這一年可以用來讀過Master了，不是更有意義嗎？

Kathy_bo

支持去試，入到好學校就影響一生
何況大一年成績好點
更佳

hkpapa852

efung123 發表於 15-8-3 22:46
呀仔 8月 B，唔大又吾細，下個月升小一了，為左想入心儀的一條龍小學，稔緊好唔好今年再考小一，萬一萬一真 ...

除非派到間好差, 唔係真係無乜理由咁做..... 日後"留班"既機會多的是