小朋友想學打鼓，好嗎？

ritaritacc

我本來諗住比佢學鋼琴或大提琴，點個阿仔話想學打鼓，學打鼓好嗎？

900pkpk

不如我分享下我經歷丫
我就快十八歲，興趣有好多，其中一樣就係打鼓
咁我係由小五開始打鼓嘅，果時係學校嘅樂隊班，我就好奇入左去，並愛上打鼓，但我爸爸媽媽同你一樣，都想我彈鋼琴小提琴，因為打鼓好似冇咩用咁。果時我小學，只係知道自己好中意打鼓，於是拒絕爸媽嘅意見，雖然我地冇嘈過，但有一件事係一直令我耿耿於懷，就係畢業典禮有場樂隊表演，我媽因為吾中意我打鼓，所以冇黎到，我之後都怪佢冇黎睇我上台。
但大個懂事之後，都明白媽媽嘅諗法，不過打鼓係我興趣，我冇放棄過，一打就係七年，途中我遇到夾band嘅朋友，我地一齊出show，做自己嘅音樂。雖然我爸媽一直都冇支持過我，冇俾過任何錢我去發展呢個興趣，所有打鼓嘅課程都係我自己part time去俾錢學，其實果時真係幾辛苦，番到屋企又要睇人面色…其實我打鼓有五級程度，但因為考級太貴，我都冇考過。
我想講嘅係，如果小朋友堅持想打鼓，爸媽應該給予空間同機會，俾佢地去嘗試。吾需要理佢日後會冇前途之類，如果佢中意嘅，就放手俾佢學啦。我相信如果有爸媽嘅支持，佢一定會有個好快樂嘅打鼓生涯，起碼吾會好似我咁，行好多難行嘅路。
btw，而家學鼓好貴嫁，如果你小朋友想出去學，我可以收平啲教佢，我本身有做開兒童服務嘅義工，都有教小朋友打鼓同結他嫁，有興趣搵我可以pm我

hehawendy

咁你覺得小朋友幾歲開始學會好d?

900pkpk

回覆 hehawendy 的帖子

其實越細學越好，一黎年資多過人，二黎早接觸，小童時期學習嘅速度快，吸收快。

900pkpk

回覆 Oboe_FRSM 的帖子

細個戴ear plug係需要，我由細到大打鼓都冇戴，而家偶爾有耳鳴同聽吾清楚

900pkpk

回覆 Oboe_FRSM 的帖子

我諗冇啦，for 小朋友就有，for baby真係冇，唯有帶佢遠離噪雜地方

mamay

好。我大仔K3學，今年考8級。係學校亦入埋中國鼓隊。
細仔亦跟大仔一樣學鼓
打鼓可增加佢仔自信

chelau

我嗰小朋友都係鍾意打鼓，依家上左大半年，打鼓時仲好有自信，去我blog睇下.....http://keepfitgo.blogspot.hk/2015/07/jayden-aineo-music.html

riceylee

經驗分享 : 如學習爵士鼓, 3歲先開始會比較合適, 因為太細未必可以坐定定, 眼及手腳協調亦未太成熟。

朋友的小朋友上的鼓班, 是一班小朋友一齊上~ 感覺開心好玩~~