培正幼稚園家長-----請進

tszlok

各位唔該晒

joemum

各位：

聽聞培正(我估小學或中學)每年都會out走一些成績平平的學生，故做成學生壓力很大，大家有否聽聞?

Today

85% of P6 student could promote to F1.

helloruby

其實培正小學的壓力吾算大, 我覺得這幾年還愈改愈輕鬆.
幼稚園在三年前取消了學期試轉為對學生的評估.
小學部也把每年三次測驗三次考試改為二次測驗二次考試. 每次測驗或考試的範圍都吾算好多亦好少會重覆. 中英文默書多數是兩星期才有一次, 若果低年級, 默書的次數還要少. 功課方面, 多數日子在學校巳經完成.  唯一的壓力相信是來自留級制度.  因為學期總成績若有一科不合格便要留級, 而每人都只有一次機會留級.
升中方面, 培正到五年級下學期才開始有名次, 全級大約300人, 若果考150名以內是一定可以直上中學, 150-300名 就要參加派位, 到時就要睇下運氣.  舊年8成以上的學生都可以派回本校.

helloruby

今晚 無線 7:30pm 智趣相投:勇闖成功路
今晚果個係培正學生呀! 有興趣就記住睇呀!

彥彥媽咪

Helloruby:

多謝通知呀~~我有睇呀~~原來培正嘅中學都好先進噃..電腦的應用都好普及化，我真係好希望孝彥可以響培正順順利利開開心心一直讀到中學畢業呀    始終若學校有一條龍，學生對母校的歸屬感都會大ｄ呀∼∼

呀∼∼∼想順口一問，小道消息話培正希望貫徹一條龍的辦學模式，所以正積極研究開辦”培正大學”，真的嗎？有冇人聽講過呀？？     

ChingMa

培正大學? 好似冇聽過喔!!

其實我倒是想知道培正以母語教學, 它的英文課程和普通話課程的安排, 從幼稚園到中學是怎樣的呢?
我只知道:
幼稚園-K1開始由外籍老師教phonics, 每星期一次
             K2, K3每星期兩次英文課
             沒有普通話

小學呢?-英文課是用英文上課還是中文上課呢?
           是由本地老師還是外籍老師?
           聽說小學部好像開始有普通話課了. 每星期幾次呢?

中學呢???

不知有沒有家長可以分享一下呢? 謝謝.
         
chingma

looby

ruby：
樂樂入o左下午班呀！咁你咪上下午都吾得閒？
我都想同彤彤報04年呀！
請問校巴多少$一個月？

helloruby

培正大學? 我都好似冇聽過喎?
小學除了平常的英文課外, 從一年級開始每星期都會有一堂英語會話由西人老師教授發音及一堂普通話堂.
至於中學的課程, 等我見到樓上果個中學哥哥時問下佢先.

helloruby

looby:

係呀! 呢兩年會比較忙, 忙"滕上滕落"囉 一日會見到管理員起碼5次.

去火炭, 第一城, 大圍的校車舊年660, 不過今年減左少少價, 減左大約20元左右.

彤彤想報培正, 記住十月十五日至卅一日期間, 寄信去攞報名表喇:
=================================
學 齡： 二零零零年九月一日至二零零一年八月三十一日期內出生者。（不適齡者恕不接受報名）
報名手續： 請於本年十月十五日至卅一日期間，來函九龍窩打老道八十號「培正幼稚園」，封面請註明「索取零四年度幼兒班報名表」，並附考生出生證明書副本及長形回郵信封兩個（信封面請寫考生姓名､地址及貼上郵票）。報名表格將於十一月一日寄發。
報名日期： 十一月十三､十四日（星期四､五）
（不接受郵寄、電郵、傳真或速遞報名）
面試日期： 二零零三年十一月廿九日（星期六），如報名人數過多，其後之考生將安排於十二月六日面試。
=================================

彥彥媽咪

Helloruby:

你下星期會去家長會嗎？今次來講talk的基督教服務處的廖女士就是我孝彥以前幼兒園的機構的職員了．．我孝彥依家都有參加佢地親職教育中心的課程，哈．．有ｄ回到以前的感覺．．

我想問若我唔想去聽個Talk，而淨係join事後老師同家長見面的部份可以嗎？若可以，會係大約幾點呢？

到時又會唔會有機會見到你呀∼∼∼   

helloruby

彥彥媽咪,
當然可以喇, 其實好多吾想聽講座的家長都會咁做
星期六我大女10:30返培正學小提琴, 所以我會10:30先到.

彥彥媽咪

咁請問你知唔知個talk 會 last 幾耐~~我好似係咁10:30am先到OK 否？另咁我係咪到時直接上課室還是都係要入禮堂等架．．．

sorry，唔好意思，咁多問題．．．   

helloruby

個家長會9:30先開始, 我諗10:30個講座應該末完, 但係都差吾多完喇掛, 我會先去禮堂, 等個講座完左再跟班主任上課室, 但係如果萬一你來到學校時所有人巳上了課室, 你最好問一問老師你仔仔果班會去邊個課室, 因為未必會去番自己課室架. 舊年我地去左b座小學部的課室.

he~he~ 靜靜話仔知, 開學日果日, 本來應該9:00到禮堂, 但係我地9:30才到, 剛好開始分班.  

ChingMa

helloruby,

謝謝你的回應.
奇怪的是, 既然他們在幼稚園三年已經學完發音了, 為什麼小學還要再學一次呢? 是為了複習嗎? 還是為了配合那些非培正幼稚園畢業生呢? 不知你清不清楚呢!

又, 不好意思, 我還想知道小學的普通英文課(非外籍老師)是用英語授課, 還是中文授課呢? 我猜可能是中文吧???可否告之.

你的小朋友學小提琴呀,真是很厲害呀!是到小學才有的學吧. 幼稚園星期六好像只有芭蕾舞學而己呢.

晴媽

helloruby

晴媽,

我吾係好清楚他們如何安排英語課程, 不過我就覺得雖然小朋友在幼稚園學過晒d發音, 但因為英文始終吾係母語, 如果小學吾 keep 住温習, 佢地一定會吾記得晒. 而且小學的phonic 課程亦比幼稚園的深, 要求也較高. 我就吾覺得他們是為了配合那些非培正幼稚園畢業生.  他們放學後還有一個自費的英語 phonic 課程讓有興趣的一至六年級學生進一步學習.

小學的普通英文堂還末能以百份百英語教學, 老師仍然是以中英文教學, 但以英文為主, 中文為副.

係呀!幼稚園只得芭蕾舞咋, 要到小學才有其他活動, 這兩年還新增了很多其他類型的興趣班, 他們的管絃樂圑, 上學年還曾經在沙田新城市廣場演出呢, 不過我大女就無咁叻喇, 她還末有資格入樂團   小三以上還有陸運會和水運會, 小1,2的運動會在學校操場舉行, 小三以上在九龍灣運動場. 小五的體育堂就會開始游水課程啦. Be Ready 呀!

ChingMa

謝謝你,helloruby,

原來小學有這麼多活動可以參加! 聽起來很精彩呢. 你女兒上學一定很開心. 我囡囡只是k1, 好像離小學還很久的感覺. 在幼稚園好像就沒什麼特別活動了.

但我囡囡好喜歡上學,每天回家會說在學校做什麼,..最重要的是, 她喜歡坐校巴..... 真是好笑.

這個星期六家長會, 可以向老師多了解一些他們在校的情形!只是我在想,老師會記得每一個學生嗎? 始終他們才開學兩星期而己...哈哈, 到時再跟大家分享啦..

晴媽

helloruby

晴媽,

我大女除左吾鐘意温書, 吾鐘意考試外, 佢真係好鐘意間學校 , 尋日返黎話音樂要分組做 project 作曲喎 . 而且小學就算午飯時間, 好多時都有活動和遊戲, 好似聖經週, 英文週, 放紙飛機大賽等.  唯一吾係好方便就課外活動無校車搭, 要去學校揍佢囉:-x  雖然你囡囡似家先k.1, 不過眨下眼就小一架喇, 我相信佢一定會讀得開心.    另外我覺得今年幼兒班應該會仲開心, 因為我發覺學校把本來每星期一次的運動課增加至每星期兩次呀!

我另外兩個仔女都好鐘意搭校車架, 細女仲好笑, 佢寧願搭校車, 都吾要爸爸揸車送佢返學, 所以佢開學第二個星期, 本來係應該自己送佢返學, 但係佢巳經要搭校車返學喇

今個星期六的家長會, 我吾去喇, 我老公話佢去喎. 以後大家多d上黎傾計喇

mandy_fung

咁多位媽咪妳哋好，我個仔2歲，想幫個仔考培正幼稚園呀(即04年入學)，唔知面試時會點見呢？？？？我個仔仲唔係好肯講嘢，咁係咪多數都唔收呢？？？請各媽咪提點、提點，謝謝！！！

helloruby

面試係5個小朋友一組入課室玩同回答一些簡單的問題, 家長不可陪同, 只可在門外等侯. 綜合以往媽咪的意見, 小朋友喊或吾肯講野就多數都吾得. 如果係大仔, 取錄的機會也較大.