贏在起跑線，最終黐咗線！(不幸事件)

serinac

原帖由 MC1128 於 15-10-28 發表
摘錄自某受歡迎直資小學的收生政策:

其中不超過70%學位收取與學校有關係之申請人( 其兄/姊在本校中/小學就 ...

你說的應是SPCC吧。

換個角度看，是否因她在申請轉直資學校時，已經有和舊生會溝通好，寫明有關條文，保留70%的學額予有關係人仕？ 非關人仕只有不到30%，關係人仕所得到的機會，豈不是比留在官津時的50% ，還要着數得多？我真係睇唔到既得利益人仕，有乜理由反對。

可以咁講，SPCC 轉做直資的例子，係食盡直資的好處，既可保留藍血，又可得雙倍資源，簡直完勝教育局，變成貴族中的貴族學校。

反過來看，這也是目前轉直資政策的其中一大漏洞。

serinac

原帖由 Soundervolt 於 15-10-29 發表
港同只係出咗兩位DSE狀元，但學生總體普遍成績只屬一般，仲未算很好成績嗰隻。



  ...

傳統名校閒閒地都過70年歷史，不要對港同太苛求。最少要觀察多3、5年DSE 結果，便知龍與鳳，究竟她的模式是否有值得全港官津借鏡的地方。

serinac

原帖由 serinac 於 15-10-29 發表
本帖最後由 serinac 於 15-10-29 10:13 編輯

本人是非常支持官津學校轉直資，以增加學校管理效率和教育彈性，同時提供多元的優質服務俾家長選擇，但必須盡快改善現行政策的漏洞及敝病，避免產生一批又一批的貴族名校。

serinac

原帖由 MrBeast 於 15-10-29 發表
之前有網友指出（我沒去verify），這其實是edb指引，其他直g也可一樣，只是沒白紙黑字寫明。 ...

無論指引是否真的，既然已經知道係漏洞或可能是造成貴族化的推手，那為什麼不能改？是不能還是不作為？

serinac

原帖由 MC1128 於 15-10-29 發表
教育局當年千方百計利誘名津轉直資, 務求打响招牌, 只有樣樣同意,那會要求改

前朝老闆簽落嘅合約，當然不能單方面改變，起碼也要尊守合約精神嘛！

但現在係唔係可以改呢？ 或在將來那些新申請轉直資的學校中，可以附加一些條件呢？

任何政策，都有正負兩面。只要整體方向係利多於敝的，就應該想法去改善並執行下去，而唔斬腳指避沙蟲。

教育局係規則制定者，應該有能力，有責任去坐低同辦學團體傾，怎樣才可做到平衡各方利益，同時又鼓勵他們提供優質教育，那便考大家的智慧了。

serinac

原帖由 shadeslayer 於 15-10-29 發表
本帖最後由 shadeslayer 於 15-10-29 21:28 編輯

相信很多人都唔會有興趣或大聲疾呼去反對普通、不起眼的官津轉直資。他們聚焦的是名官津轉直資，如果出來的結果都好似SPCC 咁，只係擴大既得利益者所得，學費三級跳，令更多非關係學子望門興嘆，進而變成貴族學校 （無論是有意或無意，出來的效果便是這樣），還成了最負面的範例，那又怎算是平𧗾各方利益呢？

serinac

原帖由 brother4 於 15-10-29 發表
不是漏洞，一間公司要賺錢是大條道理，燈油火臘，人工及修理，每年加人工等，羊毛出在羊身上，原本來一萬個 ...

哇，你講到老師一身銅臭咁，我真係好有意見架！辦十二年教育的團體/老師係應該值得尊重 (hea 教除外），他們也是普通人，要安家糊口，希望有人工加也是人之常情。但唔應該以經營一家私人企業作比喻，因他們有肩負著社會責任，教育好我們的下一代。

反而街坊學店啲導師，就係擺明車馬，以薪水高低，學生人數多寡嚟証明自己的價值。

serinac

原帖由 hkpapa852 於 15-10-30 發表
關於"津校教師公積金", 可睇下呢份文件:
http://www.edb.gov.hk/attachment/sc/sch-admin/admin/about-sch ...

睇嚟老師的公積金真係好好，如果𨍭直資後反而會縮水的話，更係舉腳反對啦，話知你目標幾好、幾咁偉大呀！

既然擺唔平老師的利益，又唔可以炒嗰啲hea 教淤血，咁可唔可以好似DBS 咁，另起爐灶，重新整多間直資小學呢？

serinac

原帖由 hkpapa852 於 15-10-30 發表
所以轉直資咪要加人工, 加得人工自然又要加學費.

學費最後有幾多係直接投放係教學身上? 咁你可以話, 投放 ...

加人工可以話係附帶成本，但轉了直資後，除了得到更多資源和教學彈性外，還可以動手術，清淤血，給每個教師定下合理指標，不達標即炒，俾有能力的教師入嚟、上位..... 咁最終都係學生受惠啫。

serinac

原帖由 brother4 於 15-10-30 發表
還可以動手術，清淤血，給每個教師定下合理指標，不達標即炒，俾有能力的教師入嚟、上位..... 咁最終都係學 ...

當年我同囡囡在小一面試見直資校長時，他有提及他們的老師每年都要做表現評估，看看是否付合學校的期望(咁係咪有指標呢？）⋯⋯而且，有很多老師都是合約制，不達標的，學校自然不會同佢續約。所以你講嘅直資老師是不是全部仍有長俸，我真係唔。

不過，我諗如果由津轉直資，又唔買斷年資，又要俾長俸，又要加人工，炒人又船頭驚鬼，船尾驚賊，咁轉嚟做乜？

另外，一間辦得成功又出色的嘅學校，並不是靠個別老師的能力 (或家有一寶之類），而係靠學校的教學模式和整體師資質素。如果學校突然有大量（多於20%）老師離開，那便是學校管理問題多於其他因素。