有沒有用家..

samsam47

見今日突然間有d熱鬧...本人都分享少少...
小囡都係呢間學校既用家..今年二年班
其實wing_已經好詳細
校舍...先天性既不足校舍都比較舊同細, 不過有個好靚既教堂
學術方面...佢地用既書其實都同出面差唔多,本人都搜集左兩三間其他學校既試題,真心唔覺人地考既會特別深,所以我會認為係適中
學生方面...都有唔少係講普通話既小朋友,入讀前其實都擔心, 不過讀左年多, 見到既係你俾得差不多4千蚊學費既家長都唔會好似大北區既乜非家長咁, 其實都關心小朋友既學業. 而小朋友我就唔見好頑皮. 可能同活動area唔多有關啦.
語文能力…叫得英普教學,英文我覺學校係不比其他學校差. 小囡係呢一年普通話都進步左, 不過呢個教學真心頂自己訓練返佢廣東話….
興趣班同放學後安排...興趣班係有既, 都唔少既, 當然你當係俾小朋友一個認識既機會就算啦, 有收費同不收費的.學生唔谷課外活動, 即使去參加比賽都唔會點train你. 放學後有個叫功輔班, 同學可以留校至6:00pm, 都係方便家長接送同俾小朋友留校做功課, 大部份既功課小朋友應該可以係功輔班完成.
派位方面…間間學校都有幾位入神校啦, 好似分豬肉咁, 不過普遍我覺唔夠其他好, 可能同學校唔係太谷成績有關.
小朋友讀書係開心, 明白好多都係將佢係一個backup(考左好多它校都唔收),不過真心講都唔係一個太差既backup.只要小朋友同家長都努力,相信係可以打去個底去上中學既…
純本人意見小小資料分享~