聖心私小 vs St. Paul Catholic vs St. Francis

mamavee

原帖由 HauMiranda 於 16-01-06 發表
認真三間都是好學校，成績是其次，最重要是適合自己的女兒。建議樓主帶女女到學校走一趟，看看學校的環境、 ...

Is the nearby construction work a nuisance to the students ? Air quality and noise pollution aspects . Thanks

acaiberry

我係st Francis xx年前的用家，成日都見到有人話學校好谷，我會反問自己乜我有咁叻咩可以讀得上人人聽名已經驚左既學校，只想講適合係最重要的
我記得我頭一兩年係覺得有點吃力外，高小至中學我係讀得舒服的，功課係忙，有補習，但放學之後我仍然好多時間同同學講電話，睇電視，刨Yes，學琴，成績一直中上
老實講，中學收8成，升中壓力已經比大部分小學生細好多…可能因為咁，我甚至聽過有人話我地學校出來的人無乜鬥心，呢點我係認同的
仲有，選擇學校，家庭支援好重要…我雙親都無咩點讀書唔識英文，邊會識揀學校…揀st francis 純粹近家…所有野都係靠自己，st Francis 對我嚟講係極限…如果當年讀既係同區的Paul con 和 marymount，可能一早就要轉校了

oh_really

其實今時今日St Francis亦冇外面講得咁谷咁多功課。先講功課，我女小一、小二時，連改正每日約5至9樣功課不等，中文較深，有時唔識做要等我放工教佢，其他基本上佢自己搞掂，我會check功課，希望佢返黎小啲改正。

今年小三，功課明顯小咗(唔知係咪同外界嘈得勁、定同有家長反映過有關，希望之後都係咁)，平均每日只有4至6樣，weekend同聖誕假都小咗好多。佢而家完全自己搞掂，有時喺學校已經做晒功課，最多剩三樣返屋企做，我亦唔再check功課。

由小一至今，佢每日大約下午4:15返到屋企，換衫、食茶點、做功課、執書包，一般完成晒大約5:45就落公園玩。

至於谷唔谷嘅問題，學校默書次數少(隔星期默中、英，但唔係每個星期都默)，小測叫做溫習紙，成績唔計入成績表)，一年考三次試，只考中、英、數常4科(6年班加埋音樂科筆試)，考試出卷屬合理，冇話教淺考深。

喺咁嘅情況下，我女至今都係做完功課就玩，平日唔溫書，只係考試前兩星期集中溫。

對於怕囡囡會唔會跟唔上嘅問題，啲確好睇個別情況。我女係12月細女(班中有超大亦有超細)，讀超開心唔谷嘅學券幼稚園，成績一直keep住喺上上水平。我曾經喺家長日問老師佢憑乜嘢可以有咁嘅表現，老師答：1、專注，2、個人能力，3、閱讀習慣；among all factors, 專注喺初小係最重要嘅。

希望以上幫到大家解答某些疑團。

miumiu98765

原帖由 oh_really 於 16-01-08 發表
其實今時今日St Francis亦冇外面講得咁谷咁多功課。先講功課，我女小一、小二時，連改正每日約5至9樣功課不 ...

聽你咁講真係消除好多家長心中的疑慮，講真St Francis真係一間好好嘅學校，校舍又大又新，起碼無聽過要轉直資及搬校咁嘅煩惱，安定過另一間女校。

oh_really

回覆 miumiu98765 的帖子

我自己喺St Paul's Sec 畢業，坦白講對SPSS最有情意結，好想囡囡入返St Paul's，但三年前自行選校時，已有搬遷傳聞，而20分在手又唔敢博Marymount，所以揀咗St Francis。另外，St Francis有兩班普教中、兩班粵教中，可以自己按本身喜好選擇，冇精英班，我覺得幾好。名次只有班1至10名，我唔覺得學校太著重成績，冇聽過家長話囡囡成績唔好老師俾壓力，at least初小冇聽過。家長們大都非常友善，大家都知道大部份可以升上直屬中學，所以亦唔覺得太著重成績或比較，反而好樂意互相幫助，亦樂見媽咪們同囡囡們都可以做long term friends。
唔係想show off，但為免大家誤會，再講清楚啲。我女係乖而專心嘅小朋友，加上本身資質唔錯，所以讀得算輕鬆。咁唔代表其他小朋友覺得唔辛苦。

Chloe媽媽

我女都係讀St. Francis, 今年P.6,  功課量我覺得ok, weekend 係會比較多d, 我喜歡st. Francis三考，相對兩測兩考無咁大壓力，11月第一次考試，考完試可以輕鬆放聖誕假，第二次考試係三月頭，都唔會撞假期後即刻考試的情況，欣賞學校品德教育，自主學習，我沒有檢查功課，阿女都會自律完成所有功課除左唔識的題目。

miumiu98765

原帖由 Chloe媽媽 於 16-01-08 發表
我女都係讀St. Francis, 今年P.6,  功課量我覺得ok, weekend 係會比較多d, 我喜歡st. Francis三考，相對兩 ...

相對某神校次次都係放完假先考試，St Francis 真係好為學生著想！

stepyau

我是今年st francis小一家長，本來聽埋好多comment話功課多，已經有心理準備，但不知道是不是因為近日TSA爭議，我覺得功課可以話係少，一般來說導修堂可以完成80%，餘下的20%專心的女孩子應該15分鐘可以完成。隔個禮拜中英默，每次會比一個禮拜時間溫，平時有不計分的評估。我們由happy kindergarten上來，最初適應都辛苦架，特別係早起身和中文，但經過3個月的磨合，阿女的中文真係突飛猛進，d字都開始似樣少少（還是要提醒）。學校是好傳統，ie老實講都幾悶下的學校，課外活動選擇少，對小朋友要求都嚴，不過so far阿女都開心的。

stepyau

至於樓主要比較的呢三間，小學的學術程度好難比較，但以其直屬中學部的公開試成績計，排名應該係：sp> sh> sf，升讀直屬中學比例應該sp和sf差不多，sh競爭大d。sh私校容許抽獎的話，要比較的只是sp和sf吧。sp會搬去柴灣轉全日，臨時校舍我估應該麻麻，但也不過三年的事。真正青菜蘿蔔各有所愛。

stepyau

原帖由 wanchaipapa 於 16-01-08 發表
既然sp排第一，附帶條件是三年搬遷，不過另一面又是今年難得競爭的人少了，可以以最大機會抽入這排第一的學 ...

同意，我當日因為半日時間安排不到而沒有選，現在讓我再選擇的話，我也會心動 - 不是說sf不好，so far我好滿意，但人望高處好正常。但話說回來，no pain no gain，假設d小朋友本身質素差不多，但公開考試成績較好，我相信當中一定有所付出，另外，兩校成績差距不大的話，未來可能追近也說不定。sf應該屬於四平八穩之選，如樓上師姐所講，可能蕃薯妹會缺乏鬥心，因為環境不需要她們有鬥心；sp應該屬於希望跟上一層樓的選擇。

Chloe媽媽

我女喜歡SF學校生活，我想同學間沒有鬥爭下相對她們會建立一份真摰的友誼，小女讀到第六年了，我和家長們都建立了一份可貴的友誼，希望升到中學後囡囡們同家長們都能保持這份友誼！

stepyau

原帖由 Chloe媽媽 於 16-01-08 發表
我女喜歡SF學校生活，我想同學間沒有鬥爭下相對她們會建立一份真摰的友誼，小女讀到第六年了，我和家長們都 ...

agree，我so far都好滿意sf。

Chloe媽媽

中學部擴建，最近參觀了中學部新校舍(phase 1)，好靚!有空中花園，(phase 2)好似會於兩年後落成, (中學部+小學舊校址)，到時校舍會好大！

acaiberry

回覆 Chloe媽媽 的帖子

之前我都有返新校舍影相，我就最想見到四個天使快啲出返嚟

oh_really

小小離題：我當年讀東區地區中小，升中第一志願係SPSS，媽咪怕我派唔到，所以一早自己入紙申請去考，類似今日嘅扣門。我仲記得當時成個hall都坐滿晒人筆試，我感覺係：嘩！大場面，我是劉佬佬逛大觀園。


筆試pass咗，面試係派位當日攞住結果去見校長，我派唔到，但最終面試又過關有幸入到SPSS，而呢關可以講係我人生中好重要嘅一頁。我入到SPSS發覺好多人都好叻，我中一第一個學期全級210幾人排名120幾，隨後拾級而上，到中二大考升到全級排名約30。讀完中一已經發現成績好同唔好嘅同學水平差好遠，到中四分科時入到Science精英班，更發現名校中成績好嘅的確係尖子，其他好多都不外如是。這令我相信無論喺邊間讀都有叻、普通同成績差嘅學生。係叻嘅，去到邊度都可以表現出色。所以我個人唔會追逐神校，只想囡囡讀好學校。我覺得St Francis比較低調、humble，係好好嘅選擇。

Chloe媽媽

yeah! bring back our angel!!