做評估？

gromityaya

大家好，我仔仔依家15個月，我懷疑我仔仔有自閉，我睇返之前d post,可以好早去評估，但我仔仔要一歲半先返健康院檢查，請問各位jm，我依家應該要點做，可以早d評估？
我仔仔仲未識講野，爸媽都未識叫,好怕陌生人，同陌生地方，我留意到佢，佢會望陌生人講野，但當人地望佢，佢會好驚，會避人眼光！

DENNIS201

回覆 gromityaya 的帖子

一般都係建議歲半先去評估，太早評估基本上係唔準，除非好嚴重個案
小朋友有無沈迷一d轉既野?轉車輪?脾氣差同固執嗎?
叫佢名會望實你?會手指指想同你分享?
會自己拍頭?原地自轉?腳尖行?

gromityaya

DENNIS201 發表於 16-5-5 06:33
回覆 gromityaya 的帖子

一般都係建議歲半先去評估，太早評估基本上係唔準，除非好嚴重個案

佢鍾意睇轉嘅野，例如：洗衫中嘅大眼雞洗衣機！一唔順佢意會大喊，lur 地，喊到得到為止！ 叫佢名，冇反應！

DENNIS201

帶佢去公園玩,會唔會只玩果隻轉轉井字過三關?同埋其他有「轉」成份的玩法?

Yeahly_ly

原帖由 DENNIS201 於 16-05-05 發表
回覆 gromityaya 的帖子

一般都係建議歲半先去評估，太早評估基本上係唔準，除非好嚴重個案

請問係咪玩𨍭既野就係有自傾?小兒現在1歲半~之前比較喜歡轉動既野~車輪,玩軚盤,圓柱形既野~但話no佢都可以放手~對巴士,波,車沉迷~都固執~偏食~但脾氣唔算大~但語言能力強~宜家有大部分可以講出黎表達~可以講5個字句字~同人玩冇問題~係咪照排cac等兩歲再評估好d?定宜家比多d錢去協康training?但感覺又唔太嚴重

sshoney

歲半返健康院，姑娘都唔會比見醫生，通常到2歲先跟進，出面私人評估多數都足兩歲先評，我建議睇多半年，睇下亞仔行為有無異樣先，可以返下Playgroup，同其他小朋友玩下，容易睇到同其他小朋友分别，如真係有異樣，2歲前找私人評估，依家評估都要排架。

DENNIS201

歲半有5隻字句子已經非常好，已經好過好多正常小朋友
最壞情況假設真係自閉症譜系都肯定係高功能/亞氏保加
可以2歲等CAC先評估，但個人覺得CAC評估好流，唔夠私人果d專業
就算去上堂訓練，2歲後有用好多

Yeahly_ly

原帖由 DENNIS201 於 16-05-06 發表
歲半有5隻字句子已經非常好，已經好過好多正常小朋友
最壞情況假設真係自閉症譜系都肯定係高功能/亞氏保加
...

謝謝你回覆....真係諗左好耐去唔去協康做評估加早training~但$5800真係好貴原來2歲後train比較好...宜家暫時健康院轉介去CAC...話要排半年....同埋宜家上住感統playgroup再觀察...謝謝你幫忙

Yeahly_ly

原帖由 sshoney 於 16-05-06 發表
歲半返健康院，姑娘都唔會比見醫生，通常到2歲先跟進，出面私人評估多數都足兩歲先評，我建議睇多半年，睇 ...

謝謝你建議...歲半健康院已經轉介見醫生....去排CAC....再大多少少先再睇下去唔去協康評估...不過覺得好貴 宜家東區兒科都有跟進....唔知可唔可以直接refer協康上training....下星期去覆診再問問先

Yeahly_ly

原帖由 gromityaya 於 16-05-04 發表
大家好，我仔仔依家15個月，我懷疑我仔仔有自閉，我睇返之前d post,可以好早去評估，但我仔仔要一歲半先返 ...

如果有懷疑~可以早d打返去健康院跟進發展架....之前我囝12個月小手肌唔得...14個月要返去再check....果時講埋我驚我個囝有自傾...護娘都問我洗唔洗轉介見醫生~你早d去~可以早d排CAC...九龍要排半年...香港要排9個月

gromityaya

Yeahly_ly 發表於 16-5-7 09:52
如果有懷疑~可以早d打返去健康院跟進發展架....之前我囝12個月小手肌唔得...14個月要返去再check....果時講 ...

thanks!你囝囝排咗幾時CAC?

Yeahly_ly

啱啱尋日打去CAC約期~黎緊18號要媽媽自己親自先去見姑娘~我諗到果日先真正有期

sshoney

如果收入唔算高，好多私人評估中心都有資助架。(協康都有)

Yeahly_ly

原帖由 sshoney 於 16-05-08 發表
如果收入唔算高，好多私人評估中心都有資助架。(協康都有)

thanks thanks ~ let me check check !