派了考試卷， 家長會周圍問其他同學分數？

大件仔

呢個世界乜人都有, 無辨法, 派完卷我通常叫亞仔不要講, 亦不要問人, 人地問佢話唔記得幾分, 咁多年相安無事。

mypineapple

我都教仔唔好問， 唔好答

1998Ruby1998

嗰時小一(12年前)派考試卷，我班有兩個同學即刻攞本記事簿順學號問逐科問分數，我唔肯答，話唔記得咗，然後去咗廁所，返嚟見到佢哋兩個抄我書包。自此之後，派考試卷嗰個禮拜，小息轉堂都唔敢去廁所。唔係我考得差，只不過我唔想俾人評論我，因為記得去同學生日派對嗰時有啲家長當住仔女面前話淨係可以同成績好嘅同學做朋友。

scyauchris

佢地好喜歡交換成績表看, 更本話極都唔聽。基本上不用八卦班女仔, 佢地自己回家就會話比阿媽聽。老師公開頭三最高分的, 更本無秘密。

bbforever

scyauchris 發表於 16-6-17 21:41
佢地好喜歡交換成績表看, 更本話極都唔聽。基本上不用八卦班女仔, 佢地自己回家就會話比阿媽聽。老師公開頭 ...

我仔老師都會公佈邊個最高分，或90分以上有禮物收。。

mypineapple

身邊真係有啲家長只會同成績好的同學家做朋友

mypineapple

老師送禮物真係好常見， 亦好開心， 但其他考得唔好既就唔開心～

scyauchris

回覆 mypineapple 的帖子

唔會, 我喜歡乖同不是成日打機看電視的細路。我女成績都ok, 又喜歡看書, 係學校都好乖, 不過我唔多見有人同佢玩。問佢暑假想約乜同學出來, 佢係無囉！

mypineapple

佢唔鍾意同人玩？

Doray

好彩冇喎，自己唔會問人，其他家長亦冇問，如果某張卷考得差，就會問下個女其他同學仔考成點，不過佢實話仲有人差過佢，所以徙氣，總之睇份卷是唔小心錯就炳兩句……佢自己知C就是做得差，下次自然cautious 啲，仲會主動話叫我幫佢温多啲。

scyauchris

回覆 mypineapple 的帖子

佢想同人玩的, 不過人地唔同佢玩。我只是知道佢唔會同一羣人玩和不喜歡玩捉, 不喜歡捉的原因是佢跑得慢。今年唔可以share food, 更加無朋友。上到小學, 佢社交方面一直不太好。

S-Kwok

同學仔一收到卷就會周圍同其他同學分享自己考成點，可能我地係grade唔係分，感覺競爭都會冇咁大。老師會講邊啲同學考得最好，有些老師亦會有小禮物送比考得好嘅同學。所以同學仔會知邊啲考得好，返到屋企又會同阿媽講，所以就會知道邊啲小朋友較好，家長唔洗周圍問都略知1、2。

mypineapple

有啲學校無名次可能都係好事～

Doray

S-Kwok 發表於 16-6-18 07:56
同學仔一收到卷就會周圍同其他同學分享自己考成點，可能我地係grade唔係分，感覺競爭都會冇咁大。老師會講 ...

我嗰件反而冇乜八俾我知，佢唔係太concern, 但佢份卷某啲rubrics 囉c佢會知道自已做得唔好，但佢會間中講吓邊個邊個作文好勁( 因為佢自已中作差)，跟著又話邊個仲惨，得D呀嚟安慰佢自己mouth:" />

Doray

mypineapple 發表於16-6-18 11:00
有啲學校無名次可能都係好事～……

都係，得每級每科一二三名有獎學金，但又冇announce 名又冇貼堂，所以我其實都唔係好知係邊個

MLKC

你地仔女學校老師派卷時，會否跟成績分數高低去排先後？另外，當老師派卷時，佢地會不會因應成績去講一兩句評語，如「成績好好，繼續努力！」、「hmm 今次都ok, 要再加油喎！」....

MLKC

我女有一科係跟成績派卷 ，佢地應該有互相講，所以知道係有分先後

mypineapple

我孩子老師會派禮物俾高分同學

Doray

MLKC 發表於 16-6-18 20:33
你地仔女學校老師派卷時，會否跟成績分數高低去排先後？另外，當老師派卷時，佢地會不會因應成績去講一兩句 ...

佢地跟學號排，佢話有啲老師會細細聲講一兩句，所以佢都唔知前面嗰個考成點。

1998Ruby1998

回覆 MLKC 的帖子

會！不過除咗高分嗰幾位之外都唔會俾評語，派卷俾低分嘅同學嗰時仲會睥住佢哋。