東區Sen 學生支援

long107

S.Q.A 發表於 16-9-14 14:17
回覆 long107 的帖子

係架

其實直資可能無乜支援，問過漢華校長話佢地有心理學家識別SEN的小朋友，但實際點支援，佢話佢地唔係官津，政府唔會津貼佢地，最後佢強調學校無乜呢類學生。

S.Q.A

回覆 long107 的帖子

係呀，好麻煩
最麻煩我仲有個細仔偏向發展快，適合阿哥又唔適合佢

rabbit_mother

原帖由 S.Q.A 於 16-09-14 發表
多謝樓主提示，認真（荒唐）

我去了佛敎，好好，好有心，資優教育，數年後一定掂

係，我都有去佛教康山，佢前幾年做得無咁好，但校長好有心辦學。今年提出週三無功課日，主要想週四小朋友返學，要present 返星期三的親子活動是什麼。
仲有多元化的發展，我相信數年後一定和同區有一定競爭性!

我有係講座後留低和主任傾，佢好快已經講左點可以幫sen student, 佢唔只明白包容，仲知點幫佢地。

康山同學係純品，積極帶小朋友上體驗課；老師行過主動同我地傾計。

做左咁多年人，一個人的態度及attitude 可以影響好大，正如龜兔賽跑一樣。今日落後不代表一切，最重要勝不驕，敗不餒。為人師表，做好榜樣!

mybaby0808

請pm我學校名。tks

imfancyfancy

佛教边间啊？

Charlotte_mom

long107 發表於 16-9-14 14:24
其實直資可能無乜支援，問過漢華校長話佢地有心理學家識別SEN的小朋友，但實際點支援，佢話佢地唔係官津， ...

我係港同用家，支援都好好。當然，直資有得揀學生，但收得返黎學校一定俾心機教，已經係一個重要承諾。
（講個笑話大家知，我仔已升中一，尋日班主任打黎話佢漏晒成袋功課在櫃桶，叫我試下打俾佢返學校拎，中學喇.....）
幾年前我仔考小一，怕港同唔入，了解埋漢華，當時我係拎埋表去唸住聽完簡介會交。
當年我有遞紙問學校有關sen支援，校長充滿信心咁答我：我地個個星期都有社工。
就係因為呢句，我決定唔遞表住。因為我知港同係日日有社工。

siden

原帖由 Charlotte_mom 於 16-09-16 發表
我係港同用家，支援都好好。當然，直資有得揀學生，但收得返黎學校一定俾心機教，已經係一個重要承諾。
（ ...

平心而論，港同身價現今已不可和以往同日而語。

唔係話佢收咗個SEN番黎會冇心教。

而係以佢今時今日嘅報名人數兼受歡迎程度，你要個SEN 過得3關interviews fight低哂其他candidates 入得了校門，雖然不是沒有，但機會比5、6年前渺茫得多。

所以，港同對SEN有幾關愛....講真對大部份SEN小朋友都沒有太大關係。

rabbit_mother

原帖由 siden 於 16-09-16 發表
平心而論，港同身價現今已不可和以往同日而語。

唔係話佢收咗個SEN番黎會冇心教。

其實無論係直資、私學或津校，最重要係佢點睇sen student, 直資看似無政府資助，但我睇過聽過好多都係好有心的學校，佢地講座或電話答的，唔會好似我的母校咁差，講明唔想收。

港同好多年前都係不被睇好，係出左狀元大家先對佢改觀。我聽過校長的講座，會感覺到她的心力(去晒每個班房，知道每個小朋友入晒班房面試先安樂 - 其實可以叫其他人做，駛乜佢行幾層樓梯上上落落)、對小朋友的關顧（即使我地去面試亦再3提醒我地，仔囡出黎後我地的態度如何，家長面對結果要點），坦白講，佢“上左位”，根本可以唔駛黎班家長，反正我都未必被取錄，唔需要咁關顧我地。

有心無心，家長會從好多方面睇到，我欣賞的學校係即使上左位，唔會一朝得志，sen student 在他腳下! 作為 sen student 家長，其實搵學校已經好大壓力，仲要比無心學校踩多2腳，呢點起碼港同無咁做。至於收唔收，學校永遠都要揀自己適合的學生，這一點我會諒解間學校。

siden

原帖由 rabbit_mother 於 16-09-17 發表
其實無論係直資、私學或津校，最重要係佢點睇sen student, 直資看似無政府資助，但我睇過聽過好多都係好有 ...

盡力考咗先算。

朋友個仔係SEN, 雖然資優+autistic spectrum disease ，但也漁翁撒網努力報努力in。雖然明知機會好細，但總不能自動放棄。

Charlotte_mom

siden 發表於 16-9-16 23:21
平心而論，港同身價現今已不可和以往同日而語。

唔係話佢收咗個SEN番黎會冇心教。

所以我而家都唔主動講，但入到之後問我，我一定盡答。始終sen都好大範圍，sen都總有叻仔嘅。
只係平反「直資支援一定唔夠津校」啫。有無政府津貼、同學校願唔願做，係兩回事，作為sen家長，不愉快事件聽得太多。

Charlotte_mom

rabbit_mother 發表於 16-9-17 00:15
其實無論係直資、私學或津校，最重要係佢點睇sen student, 直資看似無政府資助，但我睇過聽過好多都係好有 ...

Exactly我想講嘅野。有人鬧直資揀人，講咩有教無類。大佬啊！邊間學校唔揀學生，欲加之罪 何患無辭。硬食一棍。

叉開少少，多年前我去聖保羅男女聽入學講座，我放工遲到無位，老師見我企，帶我去搵位仲係咁致歉話個位睇唔清楚，呢d咪大將之風囉。以我一個路人甲佢根本唔駛招呼我。所以雖然我同佢地無緣，我一樣咁傾慕佢。

所以成日話揀學校真係要花多d心機時間，尤其sen家長，學校態度好重要。有d學校郁一郁都鬧，（先唔講支援啦）sen小朋友日日都無好日子過，真係日日帶住舊烏雲返學，好慘架。

我識嘅sen學生，俾學校玩到走，不知幾多。

睇下學校網頁、校務報告，用左咩錢攪左咩course咩小組。如果將sen錢用晒在資優教育，咁其他有社交情緒學習需要的，一樣無得受惠呀。

rabbit_mother

原帖由 Charlotte_mom 於 16-09-17 發表
Exactly我想講嘅野。有人鬧直資揀人，講咩有教無類。大佬啊！邊間學校唔揀學 ...

學校網站及政策不可儘信，我間母校都話和某外機構攪一d program 比sen, 仲要係我個仔個type問題，結果副校長答我問“你係邊到睇到?”，“我地唔可以保證你明年會攪，你想清楚主流定特殊教育啱你個仔，入左黎攪唔掂最你害左個仔!”

可能係個別例子，但我同意你講，sen的父母真係要做多d功課，問多去學校睇多d, 官校好、津校好、直資好，無話邊種一定好。父母以為官校津校有資源，但可惜佢地係“被迫”根據教育局要求而收，無心之後pat你埋一邊。又以為直資好chur 又或者無錢，但佢地願意自己比錢或接納小朋友的發展，so far 我去的所有直資比津校好好多，只係自己可能技不如人未必爭到。

小花子

原帖由 rabbit_mother 於 16-09-17 發表
學校網站及政策不可儘信，我間母校都話和某外機構攪一d program 比sen, 仲要係我個仔個type問題，結果副校 ...

去開放日參觀，這就是要睇清學校既地方，可以講開放日係一場大龍鳳，細心再聽校長表達，試過去某些學校，聽完已經知道想收邊類學生，家長已可確定係咪自己杯茶。
校務報告其實都係人寫，唔夠自己去問去睇可以更清楚。

Charlotte_mom

小花子 發表於 16-9-17 12:18
去開放日參觀，這就是要睇清學校既地方，可以講開放日係一場大龍鳳，細心再聽校長表達，試過去某些學校，聽 ...

我呢，去睇開放日、小一talk，最鐘意吼人地背後果d。老師用咩態度對學生，係咪一直緊緊張張驚學生出錯，學生做服務生又係咩心態。睇片唔睇前面，睇後面，影一班學生上堂、後面果d做緊咩，係咪口up up發呆無人理，好多發現架！

siden

Charlotte_mom 發表於 16-9-17 11:26
Exactly我想講嘅野。有人鬧直資揀人，講咩有教無類。大佬啊！邊間學校唔揀學 ...

有人鬧直資揀人，講咩有教無類。大佬啊！邊間學校唔揀學生，欲加之罪 何患無辭。硬食一棍。咪係囉，人地又唔係開善堂     

long107

siden 發表於 16-9-17 13:14
有人鬧直資揀人，講咩有教無類。大佬啊！邊間學校唔揀學生，欲加之罪 何患無辭。硬食一棍。咪係囉，人地又 ...

直資學校其實幾千人報名考到入去，考到一定係精英，莫講話SEN學生，一般學生都未必入到去，SEN家長不需要自怨自艾呀！平常心啦！最緊要知道那些學校不歡迎SEN學生，避開這些學校就是了！

BeeBooMa

想問下11網有冇Sen friendly 的基督教學校

aptcan

剛由上年調入12網的官小，聽聞支援sen小朋友都唔錯，連醫生都介紹sen小朋友入此校，雖然唔係14或16網，但你都可以了解吓！

我係女仔

原帖由 aptcan 於 16-09-17 發表
剛由上年調入12網的官小，聽聞支援sen小朋友都唔錯，連醫生都介紹sen小朋友入此校，雖然唔係14或16網，但你 ...

係咪灣仔軒尼c?

Charlotte_mom

我係女仔 發表於 16-9-17 17:58
係咪灣仔軒尼c?

剛掉入12網應是雲景道官立