有這樣的女校嗎？

lhyxxx

原帖由 RelaxHippo 於 16-09-24 發表
請恕我多事.   如果最終目標係日本國立大學, 呢個global 30 project可能會對你小朋友有用.  日本為咗國際化 ...

唔多事呀，我就係想諗清楚條路。我其實多數想用呢個方式，甚至已睇過佢既past papers粗略了解佢程度同範圍。不過我擔心係大學分配俾此類考生既學位其實有限，情況同香港規定要主要照顧本地生（JUPAS)一樣，令非JUPAS考生(如IB)要有非常好成績才可爭取到少量學位。呢點似乎要我太太到時向大學查詢... 至於應考語言，視乎佢到時邊樣更純熟。其實佢讀日文學校課程與、用書與日本小學一樣，例如日文唔係淨係聽講，一樣有閱讀理解、作文、古文之類，數學大同小異但要用日文解題作答，又有日本既常識科，當然內容同香港唔同哂。再加一科倫理，類似香港既德育。再加媽咪補習，估計所以佢應該可以溫到日本初高中課程。

lhyxxx

原帖由 Wonderlady 於 16-09-24 發表
明白，即係你小朋友小學已經兩邊讀，一邊local 香港小學，另一邊日文，她不會辛苦嗎？又中，普通話，英文， ...

平日都係應付本地小學功課考試為主（我教）周六日長假番日文學校（太太幫溫習）。沒任何興趣班，佢閱讀興趣好濃厚（不論中日），現時又唔覺佢好辛苦，都係見步行步...同校亦有好多追唔上放棄，好多係美英法+日混血，本身讀國際學校多用英文，屋企又唔多用日文聽講寫讀，又菲傭湊唔能夠點點滴滴傳承好多日本人既習慣同思想，個日本媽咪又唔識教，最後都係變成一般鬼仔鬼妹。

lhyxxx

言歸正傳想總結一下...
B1A驚分太多精力應付所以不考慮：英華、庇理羅士、藍天聖保錄
B1B/C考慮：上智、油真、嘉諾撒、聖提
距港鐵站太遠未能考慮：MCS,MSS,坑真
男女校作次選考慮：銘賢、QE、沙田崇真
請教以上正確嗎？感謝各位！
地鐵係我考慮因素因家住將軍澳，地鐵路程本身就較遠，再要轉車又番咁早6年似乎好辛苦。

elbar

lhyxxx 發表於 16-9-24 13:23
言歸正傳想總結一下...
B1A驚分太多精力應付所以不考慮：英華、庇理羅士、藍天聖保錄
B1B/C考慮：上智、油 ...

現時幾年級

mannewliv

lhyxxx 發表於 16-9-24 13:23
言歸正傳想總結一下...
B1A驚分太多精力應付所以不考慮：英華、庇理羅士、藍天聖保錄
B1B/C考慮：上智、油 ...

小學升中？你女女幾多年級？要提前搬屋轉校先喎，聖提唔好諗，唔入佢直屬小學好難入佢中學，外派位好少

WinnieCatCat

lhyxxx 發表於 16-9-24 13:23
言歸正傳想總結一下...
B1A驚分太多精力應付所以不考慮：英華、庇理羅士、藍天聖保錄
B1B/C考慮：上智、油 ...

沙崇非常重視成績的，銘賢亦係較學術型的學校，不太符合你要求啊！樓主你可認真諗諗交通問題，mss應很配合你要求，我唔係mss家長，但之前睇過唔少貼文提及mss相對輕鬆，學生英文好，且為數不少的學生會中途跳船去外國升學唔考dse，同學間既升學路向同你女兒有d似，你女兒也不會感到太孤單或自己很另類吧！試諗諗個個同學都為dse搏殺時自己卻只在用一半力應付dse，會否很孤單？所以我覺得反而不應考慮地區名校，較多學生有能力出國的學校可能好點。

真心覺得樓主女兒好叻，讀兩個課程都可成績優秀。但高中dse課程真係唔講得笑，到時可能真係好難兩邊兼顧啊！樓主會否考慮讓女兒早d去日本，例如讀完初中就去。我識人因爸爸在日本工作，個女中三中途去日本讀書（好似日本開學時間唔同香港），索性唔在香港讀高中

mcl203

mannewliv 發表於 16-9-24 17:58
小學升中？你女女幾多年級？要提前搬屋轉校先喎，聖提唔好諗，唔入佢直屬小學好難入佢中學，外派位好少
...

講緊自行階段喎 ~~~

lhyxxx

原帖由 WinnieCatCat 於 16-09-24 發表
沙崇非常重視成績的，銘賢亦係較學術型的學校，不太符合你要求啊！樓主你可認真諗諗交通問題，mss應很配合 ...

謝謝你既提點。我忽發奇想，不如每日番學出地鐵站後一律轉的士，例如在天后站轉的士去MSS。咁MCS、坑真都可考慮了。不過MCS, MSS程度應該很高，恐怕要花好大氣力應付。坑真應該容易讀D? 我就係驚兩邊一齊死所以想保守D...其實名校與否都無所謂，不過佢係B1A成績，刻意入B2似乎太激進，入B1A風險又大，所以我才提出B1B-C。而B1B-C學校通常都不會寂寂無聞吧。轉去日本讀高中係大動作，我暫時唔考慮因為：我覺得日本既幼稚園、大學好過香港。但香港既中小學其實好過日本。第二佢雖然可以住喺東京外婆家，但冇左媽咪輔助成績一定跌。第三佢讀慣本地學校，中三前要操練佢羸過日本當地精英考入一線高中我覺得太難，否則只能按地址派普通高中。

mcl203

原帖由 lhyxxx 於 16-09-25 發表
謝謝你既提點。我忽發奇想，不如每日番學出地鐵站後一律轉的士，例如在天后站轉的士去MSS。咁MCS、坑真都可 ...

MSS 係出名相對讀得輕鬆和自由度大，當然高年級都要面對DSE~~

lhyxxx

原帖由 mcl203 於 16-09-25 發表
MSS 係出名相對讀得輕鬆和自由度大，當然高年級都要面對DSE~~

咁同我主觀印象唔同，謝謝你們！我會研究MSS。不過聽聞佢主要收小學直升，街外位好少。

mcl203

原帖由 lhyxxx 於 16-09-25 發表
咁同我主觀印象唔同，謝謝你們！我會研究MSS。不過聽聞佢主要收小學直升，街外位好少。



  ...

津貼學校開4班，自行收生都係差不多吧~~~

RelaxHippo

唔計交通, 就樓上所言MSS的確幾適合樓主女兒呢.  我估樓主應該想女兒入讀課業較輕鬆, 高中可以容易take到同日本高中課程差異較小既科目既學校. MSS學生英文好, 課業也較輕鬆, 校風自由, 又多學生中途轉去外國讀書, 我諗咁樣相對上會較易take到理想既dse選修科目.

ysmhkg

lhyxxx 發表於 16-9-24 12:24
呢間我有留意，如果入讀我囡應比較輕鬆。

你屋企住將軍澳，搭北角線返嘉諾撒唔使換線轉車，返學可能連半個鐘都唔使，咁樣可節省好多交通時間俾個女溫習或休息。

joyjoyparent

回覆 lhyxxx 的帖子

日本好的大學十分難考,

siden

RelaxHippo 發表於 16-9-24 02:21
請恕我多事.   如果最終目標係日本國立大學, 呢個global 30 project可能會對你小朋友有用.  日本為咗國際化 ...

Agree

lhyxxx

原帖由 RelaxHippo 於 16-09-25 發表
唔計交通, 就樓上所言MSS的確幾適合樓主女兒呢.  我估樓主應該想女兒入讀課業較輕鬆, 高中可以容易take到同 ...

係呀我會研究呢間... 不過好神秘又冇簡介會唔知幾難入。

lhyxxx

原帖由 ysmhkg 於 16-09-25 發表
你屋企住將軍澳，搭北角線返嘉諾撒唔使換線轉車，返學可能連半個鐘都唔使，咁樣可節省好多交通時間俾個女 ...

係呀呢間我參觀過，我亦有調查過佢JUPAS degree 比率，對我囡來說應該輕鬆。

lhyxxx

原帖由 joyjoyparent 於 16-09-25 發表
回覆 lhyxxx 的帖子

日本好的大學十分難考,

同意。但人望高處係常態吧。佢媽咪曾經成功過，希望佢都會成功。

elbar

lhyxxx 發表於 16-9-26 08:27
同意。但人望高處係常態吧。佢媽咪曾經成功過，希望佢都會成功。



  ...

日本著名大學世界排名

mannewliv

其實b1b-c可能仲谷，功課量更多