K3 出去上數學堂好怪獸咩

bopui0607

回覆 irisw 的帖子

我小朋友K2開始讀, 我主要係覺得裡面有d內容可以訓練logical thinking, 對小朋友好, 絕對唔係諗住應付小學課程.

tong_tong_c

只睇K3學數學，我唔認同樓主係怪獸。
過來人經驗，仔仔讀Happy school，平日功課15-20分鐘已完成，而我check功課係只會望下係咪做晒，什至唔check。但我仔K2已開始參加學校的奧數班。
其實數學唔只係加減乘除計算，我仔初學奧數時，係學寫1-100，數單雙數，咩叫雙位數，咩叫3位數，3個數字可以組成最大的數值，及至數圖型，數有幾多條邊，建立點綫面概念。
有時唔係話家長唔識，而係我地唔係專科，唔知道可以教呢d野。我個仔學數學，無功課，無操練，而家佢自己愛上數學，得閒會自己做數。

corachanyy

一D都唔怪獸... 所謂各有前因... 自己知自己事就得...

vpo0615

我個小朋友(K1)去EYE LEVEL讀PLAY MATH, 有個家長話"嘩! 咁細個就要佢嚟補習....", 我心諗, 關你蛋治!?

day_bo

irisw 發表於 16-10-28 13:42
阿女happy school，數感差，自己教佢又唔係好明，所以去上下數學堂，都比人話怪獸，過份緊張，自問都唔係催 ...

做自己認為合適的事便可，做什麼事身邊總有人認同有人不認同。意見可照聽，但你始終是最了解你小朋友的人。

順子

怪唔怪獸無方法可以介定到，我似我咁，阿仔升小派左最尾志願學校，叩左十幾間都唔收，從申唔係我仔有什麼學習問題，而係面試的確好現實，間間揀精英，除非你識人。到現在我比仔學野，身邊都有人話我谷個仔，（其實我唔認為自己谷）但大家背後故事唔同，有人小學已有可聯繫的中學，我仔無，所以我要更加努力，加上我覺得我仔係有能力可以應付到的，所以我都要學懂盡量唔理身邊既閒言閒語。

LODAVID

我仔都有學. 我當然覺得唔怪獸,

而我要仔出去學原因為: 我要佢上堂同係希望佢理解何為學生責任, 何為功課.
現在佢好快完成功課, 亦有玩樂時間.
.....之前學數CENTER叫仔參加比賽, 我一口拒絕了, 因為我目的唔係要佢參加比賽

出去學數學大多係操數, 但數學係要理解, 唔係純操數...所以在空閒時可問D生活應用數學題.

wonglily

最緊要知道自己做緊乜，有時小朋友遇到學習問題，那怕佷簡單，佢唔明就唔明，能夠推開那度門，就有另一番景象。親身經驗，數學尖子，理解除數直式計算有困難，都花很多時間才能令佢理解。

eddychuchu

係,你真係好怪獸我個女而家一年班都無補習,這麼快就補習會領小朋友失去學習興趣,再者坊間補習社對一個K3補習成效及方法我都有懷疑

siufa

回覆 irisw 的帖子

現在好多K2都已經去上英文數學班, 不奇怪呀。我都想去, 但欠時間和金錢吧。

luvgaga

irisw 發表於 16-10-28 13:42
阿女happy school，數感差，自己教佢又唔係好明，所以去上下數學堂，都比人話怪獸，過份緊張，自問都唔係催 ...

都幾怪

fanny0139

唔好理人點諗, 自己認為有需要就去做。我大女K2時已發現數學唔掂，教數手指都教到嘔血, 到K3下學期已經要有小一適應課程，更加唔知點算....最後出去補習, 人地有方法同好多活動教材令佢易明D.

palmchristy

呢個係外判文化現象, 好難話怪獸與否, 家長可以自己判斷.  

其實, 去到中學甚至高小, 家長有啲野跟唔到, 所以孩子要補習一啲都唔奇.  有啲專業範疇例如樂器, 家長想教亦教唔到, 亦都要請專人教.

個人就好享受自己親手培育孩子, 和孩子一同經歷和成長的過程.  教識個女踏單車, 佢真係幾年都記得.  唔想將呢個感覺送俾人.

mecskw

視乎家長心態啦，如果只為起跑線、考小學⋯有啲怪獸囉

PONGRENATA

吾奇怪，我都俾囡K2暑假后開始學數學，自問數感超级差，怕她似我。所以，甘早比她學，宜家她最鍾意數學有自信。物有所值！宜家升小一無學了。

cat0412

覺得只要你唔係罵佢, 佢又鐘意上既, 就唔怪獸....

喊晒口話唔上都要迫佢上嗰D 先係....

jestella

我囡都係k3，學咗eye level數個幾月，諗住學埋呢幾堂就停，打算自己教番。之前一直主力放喺親子閱讀上，冇時間理埋數，又搵唔到適合教材，C6又唔理，一直拖。最近覺得都係自己嚟算了，因為感覺centre D題目都係狂操，進度十分緩慢，感覺$200/45mins好唔抵

happymama2009

唔怪獸。如果小一去面試直私，就明白點解k2-3要出去上數學堂。

happymama2009

原帖由 fanny0139 於 16-11-01 發表
唔好理人點諗, 自己認為有需要就去做。我大女K2時已發現數學唔掂，教數手指都教到嘔血, 到K3下學期已經要有 ...

呢句真，人地係有方法教數學，易明又有趣