長沙灣祟真面試完成, 等有冇OFFER

小時了了

twhkleung 發表於 17-1-25 16:45
不知大家知不知道中—有多少班和每班多少學生?中六有多少班和每班有多少爭生呢?
...

中—至中三: 約25人一班 (呢個資料都堅肯定, 因為都係崇真的一大賣點, 無論校長簡介會又或者學校 brouchure 都係咁講) http://www.ttca.edu.hk/wp-content/uploads/2016/08/TTCABrochure1617_Web.pdf P.8 學校 brouchure

中六: 有網友講過夠8個人選同一科就開科 (pls refer to below #185) & 好似最多33/34人一班 pls refer to: https://www.edu-kingdom.com/forum.php?mod=viewthread&tid=3373941&extra=&page=1

小時了了

twhkleung 發表於 17-1-25 17:02
謝謝小時了了， 請問還有沒有資料關於中—有多少人和中六有多少人呢!感謝感謝！！！ ...

搵返一啲前輩網友有關基崇高中選科資訊俾你參考: http://www.edu-kingdom.com/forum.php?mod=viewthread&tid=3364553&extra=&page=1

dobbybabie #6 直資在中四選科未必更靈活，某深水埗2A直資，開4C+PHY，CHEM，Bi0都開唔到，話因唔夠八位同學讀(之前夠八位，但最後有—位決定去外國讀)，詳細睇下選科條件和問多少少


dobbybabie #13: 3x開唔到傳統PHY，CHEM，Bi0，有七個同學都唔開，一定要夠八個......

dobbybabie # 19: 選中學，其實要睇好多嘢既，—般睇校風，學校入U率，學校既教學方式等，再有經驗的既父母會睇埋學校高中選科方式，是任意組合定套餐式，唔好睇少選科，隨時是一道關卡。崇真唔俾成績差既同學選3x我明，但我有朋友仔是沒得選某科目讀，就算你想讀這科成績都唔太差，因總成績較後(中間位)都唔俾選。我大仔睇過崇真師弟的PHY考卷，睇到是師弟唔是唔識，是沒溫書，建議佢媽咪選科pHY俾師弟讀，佢媽咪話學校話師弟成績唔可選PHY。逼住要選中史和ICT，咁既配搭，幾乎己斷半臂咁滯，DSE考得好，選擇學系都唔多

小時了了#22: 好多謝您分享有關崇真的選科實況，咁即係唔單只夠8人開科呢個限制，同時學校亦要睇學生總成績先至俾學生讀某啲科。

升中選中學，2 間中學高中課程咁，您會點揀......? http://www.edu-kingdom.com/forum.php?mod=viewthread&tid=2935372

呢個帖我2年前求問各位網友，在這帖內有網友vincher 仔仔讀個間直資我今年亦會為女報考嘅，她仔仔中文成績已經唔係好喇，學校按成績定學生選科先後，仔仔竟然要被選擇讀中國文學。另一網友洋蔥頭媽媽嘅分享更令人感歎！

呢個帖內實在有太多網友前輩選科時的悲壯事跡，故可能我 2 年前已打晒底，故崇真嘅選科做法已係我預料之內，有晒心理準備，故我可接收的了。

dobbybabie # 26.....無論直資定津校，中三成績好先是王道。崇真兩個個案都恰好是細仔好frd既小學同學，同佢地媽咪亦多年好友先了解。

小時了了

Mayyuen18 發表於 17-1-26 08:01
回覆 小時了了 的帖子

這個問題也困擾同學，如果選科不是自己喜歡的科目考試成績也不會好。家長沒有反影？ ...

嗯! 其實, 香港9成9 嘅中學(直資/官校/津校) 都係以中三成績來決定選科次序. 大約只剩 0.1%中學唔係, 但係 0.1%中學係邊啲呢? 我唔知呀, 可能你及其他網友有相關資料不妨分享出來大家了解下

家長沒有反映？一定有嘅. 反映後學校也沒有理會? 我諗好多學校都希望盡量滿足各樣要求, 但學校資源有限, 始終都要分優先次序. 點分呢? 又係嗰樣 "求學都是求分數", 仔女係中三時要考好啲成績先至有優先權選科囉!  

例子一: 赤柱聖士提反 (直資) 都係要中三級名次選科
http://www.ssc.edu.hk/images/document/nss/HKDSE%20Overview%202016.pdf
問: 貴校是如何分配中四學位的？
答: 分配過程簡單而直接：學位分配完全取決於個別學生於該學年的成績表現。換言之，個別學生的「級名次」直接影響其中四學位分配的優先次序。
學年成績計算方法如下：
--上、下學期的平時分、測驗分及考試分均計算在內；
--上學期平均分佔百分之四十，下學期平均分佔百分之六十。

*** 另外, 赤柱聖士提反成績好嗰啲學生又係優先選 IB 課程抑或是 DSE 課程呢

例子二: 鄧顯紀念中學 (津校) 都係要中三級名次選科
http://www.tanghin.edu.hk/sites/default/files/attachments/02_nss_curriculum_0910.pdf
選修準則:
(1) 中三級全年總平均分及名次
(2) 選擇科組次序
(3) 選修A組的同學應具備以下條件：
中三級數學科及綜合科學科的全年總平均分各達65分或以上
*可能會取消不足10人選修的科目

直資相比官校/津校中四選科已經較大彈性, 夠8個人選一個科目就開科

小時了了

Mayyuen18 發表於 17-2-4 15:31
回覆 hugub 的帖子

TTCA轉了校長後，有沒有影響，例如行政，老師流失率。

嗯！大家都知我對另外幾間直資比較心儀及上心，但為了安心我之前都是註冊住崇真先，最後阿女讀邊間，我依家平常心了，真心交由上天安排。

1月我註冊崇真前都有 Mayyuen18 呢啲問題的憂慮及擔心，不竟一間中學十幾年內換了3個校長始終唔係咁理想，3任校長真擔心改朝換代新人事新作風，學校唔能夠有長遠穩定及堅定的信念落實及實踐教育理念，受害的是學生。

上個月我自己花了一段時間在網上搜尋現任校長的資料，當時只片面知道現任校長只在崇真做了校長2年，因為我對她一無所知， EK 好少人談論讀崇真嘅情況及EK 好少崇真資料參考，為了俾自己多啲資料了解崇真及現任關校長情況，我搵到以下的資料後我對現任校長及學校管理層管理學校好安心及好放心了，點解？

1) 現任關校長，原來崇真創校時已在崇真做助理校長，即是她在崇真中學並不是短短 2年時間，而係創校開荒時她已在崇真，她在崇真超過十幾年了，她同崇真一起開始，一起成長，一齊面對及經歷崇真過去十數載的風風雨雨，流言蜚語，她對崇真非常了解。即是她咁多年來深徹了解崇真辦校理念及教學方向，她十數年來都一直有參予及落力實踐。咁即係我唔需要擔心她接任新校長會完全改晒學校所有野了，我亦都唔會咁擔心她會將崇真有翻天覆地嘅大改革。。Pls refer to: 第一屆家長教師會執行委員會 http://ttca-pta.hk/pdf/Circular_2009_2010_01.pdf (關愛珠助理校長)


2) 崇真今年 Brochure http://www.ttca.edu.hk/wp-content/uploads/2016/08/TTCABrochure1617_Web.pdf P.2 有學校現任顧問丘頌云先生 Consultant Joshua Yau, 原來他是崇真創校校長 refer to this web: http://std.stheadline.com/archive/fullstory.asp?year1=2004&month1=12&day1=31&month2=12&day2=31&id=20041231g02


3) 現任校長 Ms. Kwan Oi Chu, Jenny （關愛珠女士）如果我無理解錯及誤會，她與顧問丘頌云先生之前相識及共事超過廿年，關校長與顧問丘先生三十年前已在大埔沐恩中學共事了，純推論，之後二人一齊由沐恩中學跳槽過來崇真中學創校開荒。Refer to these webs: http://www.ilc.edu.hk/ComitWeb/PTA_web/A_schnewsletter/issue/09_200402/html/index.htm ; http://www.ilc.edu.hk/ComitWeb/PTA_web/A_schnewsletter/issue/09_200402/pdf/pg0506.pdf
【服務二十年教師】丘頌云校長/楊永傑副校長/劉仰山助理校長/趙汝儉老師/何順鑽老師/孔雪兒老師/關愛珠老師/伍焯佳老師/鄧萬成老師/容艷玲老師/

真係純個人推論 （唔知係咪真係咁呀，我係咁諗咋），學校管理層顧問丘先生與關校長相識共事超過三十年，佢哋兩個溝通及默契我估無問題，佢哋兩個應該彼此了解亦深，純我個人見解咋，佢哋呢個密切及緊密關係對管理學校非常好及非常重要，因為佢哋可以好一致及好同心咁落實教學方向。如果佢哋關係好似特首梁振英與前財爺曾俊華咁樣不咬絃就不敢想像啊！

4) 以下所講嘅呢點真係純粹個人私人感情原因呀！去年12月尾崇真第一輪取錄時阿女落空，當時自己拿拿淋即刻填寫2間自行中學，其中一間就係大埔沐恩中學。後來崇真來電通知取錄阿女及我係網上搜尋資料時發現創校校長丘頌云校長及現任校長關愛珠校長係來自大埔沐恩中學，感覺好似好親切及有無咁橋呀嘅感覺。

小時了了

Mayyuen18 發表於 17-2-5 00:40
回覆 小時了了 的帖子
利害，咁都比你揾到。

嗯！再分享多少少我2014年時有關崇真的一啲資料搜集，當年我做呢啲資料搜集時從心底相信崇真係好有 HEART 及堅決心去提升學校的收生素質, 從而希望提升崇真的學術水平。 真心相信崇真堅有 HEART 去辦校，真係未必只睇 ＄＄＄，呢樣野我本人相信以世人眼光去諗真係唔係咁多學校會咁勇氣及勇敢會落實去咁做，因為咁樣做嘅代價係學校每年學費收入少咗超過一百萬以上。不為五抖米折腰我個人認為及相信真係唔係好多間學校有呢個勇氣及決心去咁做。真心堅相信。




雖然崇真係直資需要收學費，有＄＄＄的需要及壓力，但崇真唔會為咗 ＄＄＄ 而勉強收太差學生 e.g Band 3，如果收生時無達標嘅學生，崇真堅有勇氣及落實執行 "寧缺勿濫"，真係唔收的，唔收唔係1個半個，係唔收2班50人嘅中一生，以＄＄＄來衡量以當年學費計算＄＄＄係少了百萬計一年，而學校這樣自動縮2班唔單止係一年的，但持續幾多年我唔係家長唔太清楚喇。我好記得3年前係崇真簡介會，當時校長（即是依家現任匯基東九龍校長鄭建德博士）好堅決咁同在座聽簡介會嘅人(包括我) 講教育局批准崇真開5班，如果學生水平唔達標崇真寧願少收學生都唔勉強咁濫竽充數而勉強開5班,嗰時嗰校長好堅定咁講。因為當年我第一次及第一間中學聽簡介會，鄭校長咁講我以為佢好似 Sales 咁Sales 崇真咋，無諗過鄭校長唔係講咁簡單，係堅真係咁樣做。


以下呢3點資料係 EK 有關崇真討論搵返來的，當年（2014年）這討論我亦在場熱烈討論過崇真，網友唔好問我呢啲資料係 EK 邊度，如果你哋真係好想知道我嘅資料真偽，網友自己花啲時間係 EK 搜尋崇真逐個帖去睇一定搵到以下的資料的。


1) 基崇2008/2009年度 有學生850人，F1學生153人，其中37人來自崇小。http://www.ttca.edu.hk/wp-pages/plan_n_report/School/report_08-09.pdf （已過時，條LINK睇唔到了）
2) 基崇2009/2010年度 有學生814人，F1學生127人，其中29人來自崇小。http://www.ttca.edu.hk/wp-pages/plan_n_report/School/report_09-10.pdf （已過時，條LINK睇唔到了）
3) 基崇2010/2011年度 有學生723人，F1學生107人，其中32人來自崇小。http://www.ttca.edu.hk/wp-pages/plan_n_report/School/report_10-11.pdf （已過時，條LINK睇唔到了）


崇真係艱難時候現任關校長亦在崇真做助理校長，相信崇真面對及克服逆境時關校長身在風暴中。依家她升任校長，純個人意見，相信關校長有心有力去管理好崇真, 我個人意見及感覺係咁諗咋！

小時了了

原本我打算阿女如果真係要讀崇真的話, 唔知搭 270B 上水朝早7:00頭班車去深水步嘅特別班巴士返學唔知趕唔趕得切? 我呢排搭過5日呢班車, 7:05分上車, 8:00鐘係祟真對面馬路落車, 一程巴士搭車好近學校, 好方便.

之前唔記得問崇真幾點打鐘上堂, 剛才打電話問學校 7:55 打鐘, 過咗打鐘時間就係遲到. 唉! 即是搭唔到最方便最快捷嘅路線返祟真, 如果真係要搭, 只可以放學時才有機會搭 270B 特別車了.

小時了了

Mayyuen18 發表於 17-2-10 11:00
回覆 小時了了 的帖子
如沒有直接車到, 你會考慮搭咩?

270B 特別車九巴都係好似舊年先至開呢條巴士線之麻! 270B 我屋苑門口亦係第二個站全程有得坐!

嗯! 無直接車呢, 就要早十幾廿分鐘出門口轉車囉, 無辦法了. 前幾個月朝早6點8左右, 我係自己屋苑巴士站見到一個崇真男學生搭接駁車巴士去粉嶺火車站, 我估佢巴士 + 火車 + 地鐵 (~ 1.5 鐘車程加行返學校, 全程無得坐囉)

我就諗住叫阿女搭279X 去青衣轉東涌線, 再轉荃灣線  (~ 1.5 鐘車程加行返學校,搭 279X 時可以坐~30-45分鐘, 其餘就要企了)

其實, 如果培基阿女有機會讀, 嗰條返學路程都唔野少, 要係自己屋苑是旦搭經大老山隧道嘅巴士係大老山隧道落車, 然後行差不多廿分鐘才行到培基, 咁樣一程車都要約一個鐘先去到培基. 如果另一方法搭火車係火炭再搭綠 van 或校巴去培基, 其實又係要~ 1.5 鐘車程而全程企多


唉! 住北區, 只係返大陸近, 去其餘香港地方都係無可避免地遠

小時了了

hugub 發表於 17-2-10 11:58
升中要轉學生八達通, 學生搭巴士無優惠要收成人價....車費好貴

吓! 有啲咁嘅事?自己未有仔女讀中學, 原來依家中學生巴士, 地鐵車費係咁計架, 咁樣, 我同 C6 再積極啲賣樓搬屋了.

P.S: 其實我已係舊年9月開始放樓了, 但無人買之麻, 都唔知搬唔搬得成當初打算如果培基收搬去火炭銀禧或第一城; 如果其他直資收, 搬去德福

小時了了

hugub 發表於 17-2-10 16:56
中學生Only 地鐡有半價... 巴士就收成人車費... 搬, 中學太多課外活動好多時晏放學, 車程45分鐘内就perfect... 我仔返學車程+腳程約35分鐘

真係大家吹下水, 美孚指標屋苑三十幾年樓齡好唔好住呢? 定係德福好呢? 因為我自出娘胎都係北區住, 未出過省住唔知住九龍咩野情況!

小時了了

Mayyuen18 發表於 17-2-10 17:08
回覆 小時了了 的帖子

要搬就搬到最近, 搬去四小龍如昇悅居/碧海藍天.

有諗過, 係中原網站睇過成交, 好貴同埋單位細咗. 另外, 我唔係好鍾意荔枝角工廠區, 我好記得當年容祖兒唱某樓盤主題曲時去過一手單位參觀, 一上到去我係咁咳, 因我有哮喘, 空氣唔可以太差

小時了了

twhkleung 發表於 17-2-11 16:39
回覆 小時了了 的帖子

小時,其實依家荔枝各都冇也工厂了,所以我估空氣應有所改善了。

第一輪收生
1ST IN：2016年12月3日
2ND IN：2016年12月17／18日
取錄通知：2016年12月29日 pls refer to P.6 #105 kkhon
帖 "發表於 16-12-29 剛收到offer信"  http://www.edu-kingdom.com/forum.php?mod=viewthread&tid=3388942&extra=page%3D1&page=6

小時了了

homuimom 發表於 17-4-11 16:28
我地都係今朝收到電話offer，已註冊咗德信中學，宜家唸緊轉唔轉。。。唔知大家有冇崇真公開試成績
...

# 25 - 27 帖有相睇舊年DSE 成績
https://www.edu-kingdom.com/forum.php?mod=viewthread&tid=3403659&extra=&highlight=%E5%B4%87%E7%9C%9F&page=2

請問長沙灣基崇是band幾？http://www.edu-kingdom.com/forum.php?mod=viewthread&tid=3402399&extra=page%3D2: 2016 年DSE 3322 - 56.3% (HK: 42%)

小時了了

wongkaka 發表於 17-4-11 16:11
今早收到call取錄我女, 她是第一輪的waiting list
講真我和女好開心, 因女得到肯定
女決定仍然選擇第一取錄她的中學, 所以我中午已打電話回覆崇真, 放棄註册, 盡快騰出學位给其他期待中的同學!!
大家不要放棄!!
祝福您們的孩子收到call

您女叻叻呀!

想問下, 我記得您講過下女女第一輪係 waiting list second in 的, 今日崇真打俾您收女女, 即是您女女無經歷過 second in 依家呢個階段都照取錄, 係咪咁呢?

小時了了

homuimom 發表於 17-4-12 11:52
我地屋企喺地鐵上蓋，屋企有巴士door to door到德信，車程20分鐘，基崇唔近地鐵，但行少少都冇問題。。。我地應該會轉去基崇

如果您真係諗住轉, 好快啲打電話去德信問小六資料表交咗教育局未? 唔係好似新界東另一直資, 明明承諾書寫4月20日或以前呈交教育局, 但上星期提早交咗, 令到想改變主意想取消註冊該直資都唔得喇

如要轉, 好快啲決定及儘快攞返小六資料表呀