直資取録註冊後

cc_0913

被一間直資取録而註冊後、如有叧―間直資取録、可向前註冊學校取回小六學生資料表？再後者被取録學校註冊？

王家爸爸

可以

cc_0913

是否在任何時候也可以？

b3410

記得之前有post 問過，都有萬一的情況。

Cat108

之前有人post出來
「終於搵到個帖了，

能否取回學生資料表?????http://www.edu-kingdom.com/forum.php?mod=viewthread&tid=2770247

Rachelwong2036
我在A直資學校交了留位費, A說會一定要在3月29日交學生資料表上敎育署,並放棄大抽獎。但本人心儀的B直資學校四月初才放榜, A 學校說那時要自己上教育署取回小朋文之學生資料表。請問有冇家長真的試過上教育署取回小朋文學生資料表？ 因有同事說資料表上了敎署後，是不可以取回的，請問其實是得或唔得？和手續是否繁覆?需要幾多天時間??

ohnono
邊間學校咁大整估！直資最遲要在四月尾呈上取錄名單就可以，唔明點解佢要咁早呈上名單。

上年有同學試過問教局喇，教局話唔關佢地事，呢d係你跟學校的協議，佢地都係叫你返去跟直資聯絡。

如果你係直資轉直資的，我覺得不用太擔心，應該話亦沒得擔心。一係你預先取消原先的學校的註冊，但當然沒理由咁做。唯有等你最後的心儀學校結果，一但心儀學校取錄就照往原先的學校取消註冊。然後再跟心儀直資商討因為未能取回註冊文件的事。因為上年又有家長有相同的情況，只要心儀學校容許你在沒有取回舊有的註冊文件下為你保留學位的話，那麼只要你在統一放榜當天攜同派位証往心儀直資註冊即可。方法等同放榜後往叩門一樣。

理論上，在這段期間，你的註冊文件不需要呈上教局的，教局只會在9月新學年開學後，塵埃落定了，各學校才需要將所有註冊文件和學生資料整理好後呈上的。之後有甚麼更改都要由學校作申述，不是由家長跟教局聯絡和取回文件的。這直資真的豈有此理！

假若是直資想轉回玩統一派位就完全不同情況，一定要確保取回所有文件和取消註冊，所以要先跟原先註冊的直資索取最後取消註冊的日期才好。

Cat108

candysandra
上年親身經歷及留言：
《多謝各位提供資料!
打了電話到教育局, 內部都有一點亂。
最後請了半天假,寫了封信去到之前間直資校想取回student record form,堅持不能退回,再打電話聯絡新校......很長很長的故事,最後沒有student record form 也註冊了》

之前間學校不知是不是留難我們，但好彩最後註冊的學校D職員很幫手， 現在發現校規比想像中嚴，但讀得很開心！

Cat108

希望以上的舊post可以幇到你！
傳聞⋯該直資是在九龍的！

TTMA

如果註冊了直資，之後想取消去抽奬，應該點做

banhung

註冊了直資，交出小六學生資料表，教統局抽走該學生，不會進入抽獎階段的

小時了了

TTMA 發表於 17-1-18 18:22
如果註冊了直資，之後想取消去抽奬，應該點做

Pls refer to this: http://www.edu-kingdom.com/forum.php?mod=viewthread&tid=3406989&page=1#pid44099050
有清楚解釋

總之，你要係直資交小六資料表俾教育局日期之前去直資學校攞返就可以大抽獎, 過咗 deadline日期 就要問教育局可以點做喇。前兩日有網友講過佢學校學姐前兩年用「自己的理由」係教育度取消直資註冊，但點樣「自己的理由」去取消就無詳細講了。


純個人意見，上咗教育局要取消直資學位會比較困難，如真係有意取消，千祈千祈係直資學校交小六資料表俾教育局前去取消學位最妥當。

P.S. 每間直資交俾教育局嘅DEADLINE不同，如崇真今年要4月18日前，天水圍李兆基要4月20日前，大家要自己留意日期。


請問一下自行和考直資: http://www.edu-kingdom.com/forum.php?mod=viewthread&tid=3210542&extra=page%3D3&page=4
silvia_ng : 早兩三屆，有同學註冊左直資，再去津校自行INTERVIEW。見過津校後，發現自己好大機會入到，所以藝高人膽大，去教育署用「自己的理由」- 例如︰家庭狀況突變等(我唔知佢用咩理由，我亂作)，要求取消直資註冊，參加返大抽獎。最後真係比佢入到果間自行。

P.S. 直資&自行兩間都係BAND ONE頭女校

mickychow

如果心儀只得直資A和直資B，直資A不被取錄，直資B取錄亦註冊了，已決定不參加大抽奬，亦已交所有文件給直資B。到放榜日直資A可供叩門位，我又可否去叩門？

謝！

cc_0913

多謝大家提供意見
如小時了了所説每間直資交俾教育局嘅DEADLINE不同、我可以在哪裏査到？

VV2016

回覆 cc_0913 的帖子

可以打去教育局, 問 XXX直資中學, 是否已提交小六資料表.

教育局職員, 理解家長苦況, 會樂於解答. (問職員貴姓,  記錄在案.)

同時, 要問直資學校, 退學手續, 確保可以取回小六證,  便萬無一失.

cc_0913

回覆 VV2016 的帖子

明白～