成日欠功課....

洋蔥頭媽咪

hi_baby 發表於 17-3-10 12:40
我個女正正係唔係第二日交嘅就唔記得交

呢樣問題好易解決啫。我仔升中就比左個日曆佢放響書枱，會遲交嘅功課、默書、測驗、要帶嘅嘢都會寫在日曆上要交功課的前一天，每天執書包/執功課時就睇下個月曆， so far 我仔暫沒有有帶漏嘅情況，不過而家佢已經懶唔會寫在日曆上，我就教佢可以好好利用手機嘅日曆做記錄，手機亦有提示功能。其實孩子剛剛升中可能未摸索到如何管理自己，家長可以提點下方法，待孩子習慣了，就能建立到自我管理嘅模式。只要佢肯做，其實一定有方法，問題在於孩子是否有責任心啫。

CPLA

洋蔥頭媽咪 發表於 17-3-10 12:58
呢樣問題好易解決啫。我仔升中就比左個日曆佢放響書枱，會遲交嘅功課、默書、測驗、要帶嘅嘢都會寫在日曆 ...

我仔寫家課冊時，將功課索性寫喺交嗰日，並會寫低收到功課日子。例如今天10/3老師話26/3要交剪報，佢就喺家課冊26/3嗰欄寫「10/3 - 剪報」。咁佢就日日揭往後兩三個星期嘅家課冊睇住來做，佢連默書、小測、各科幾時要指定帶乜都係咁mark，所以佢嗰本唔係家課冊，係「交貨冊」。

洋蔥頭媽咪

CPLA 發表於 17-3-10 19:53
我仔寫家課冊時，將功課索性寫喺交嗰日，並會寫低收到功課日子。例如今天10/3老師話26/3要交剪報，佢就喺 ...

做功課本來就是學生基本責任，最重要孩子自己都有責任心，各施各法，佢地自然會搵倒啱自己嘅方法 。

mother904

我女中一上學期都係經常欠功課，到學期尾俾老師扣左平時分，係佢讀書以來成績最差既一次之後，佢就開始交足功課

如果學生覺得交功課緊要，佢自然搵到方法令自己記得要交乜咩，如果根本冇心做，就算你搵籐條日日fit佢，佢都係唔會做，家長可以督促一時，唔可以督足成個讀書生涯。

如果你小朋友明知就快要記缺點都唔肯行動，唯有等佢自己撞板後領悟

little_yolky

洋蔥頭媽咪  做功課本來就係學生基本責任，要用錢去交換先做，我就唔多認同啦   發表於 3 天前


人哋個仔, 我緊係唔出色, 咪食花生囉。仲等佢成日話我個女點點唔得。

JJDBB

little_yolky 發表於 17-3-10 12:38
同我親戚仔仔一樣, 無辦法, 佢伯爺就同佢講, 如果佢到學期尾無再欠交功課俾人記缺點, 會獎一千蚊俾佢, 咁佢 ...

咁樣做，第日只会睇錢好大，一些好處都無

littlelamlam

hi_baby 發表於 17-3-8 15:27
我個女中一成日欠功課，又唔寫家課冊，仲有兩次就記缺點啦，點算？
...

唉! 我個仔ㄧ樣, 成日欠功課, 上學期已比人扣過分, 而家下學期已經7次,好快記缺點~佢有eclass有班羣登手册添, 奈何吾上心至死

hi_baby

littlelamlam 發表於 17-3-13 15:10
唉! 我個仔ㄧ樣, 成日欠功課, 上學期已比人扣過分, 而家下學期已經7次,好快記缺點~佢有eclass有班羣登手册 ...

我諗只有你明白我！

littlelamlam

hi_baby 發表於 17-3-13 15:12
我諗只有你明白我！

唉~我真係好明! 吾提佢吾做, 提佢又好似好煩, 佢有ADD, 夠膽堂課都吾做! 攪到英文UT有80分比平時分拉到吾合格!!!

我都吾想理佢, 但又怕佢會一沉不起, 好頭痛

鋒媽

回覆 hi_baby 的帖子

明白你的感受，　無奈又無助，　小兒case 跟你一樣，　我校還不幫助學生，　叫話呢樣是學生責任，　不是學校責任．　所以中１時都不知記過多少缺點了．

粉紅虎

我個女都是中一生,昨晚就這,問女女點解既真的無時間抄抵,她說懶及無責仕心問題,我跟她說希望你保持住有讀書責仕的心態.

nintendo

hi_baby 發表於 17-3-9 13:03
平時佢唔做功課就係響屋企meme momo 睇下小說、睇下漫畫、畫畫...，屋企唔會俾wifi佢用，我已經搵相熟家長影當日功課俾我，同時班主任話會督促佢寫好手冊先放學，學校冇eclass 睇功課提供

原因就係唔想做，懶，奇在佢唔怕後果。
我就唔贊成用錢做獎，考頭五名之類獎佢就合理。
做功課係基本責任，咁都要比錢？
其實應該要好好傾下，甚麼是責任。
靠用錢去吸引佢做本來是本份的事，長遠只有比佢不良價值觀。

tingting2018

我嗰個一樣

TwinWong

nintendo 發表於 17-3-21 11:36
原因就係唔想做，懶，奇在佢唔怕後果。
我就唔贊成用錢做獎，考頭五名之類獎佢就合理。
做功課係基本責任 ...

用錢吸引泥做事 以後同你講金 唔講責任心就斃

littlelamlam

hi_baby 發表於 17-3-8 15:27
我個女中一成日欠功課，又唔寫家課冊，仲有兩次就記缺點啦，點算？
...

我仔終於因欠功課記左次缺點~唉! 以後好快再欠又再記多次了, 不過我要講既講晒, 罰既奬既斱做齊, e class又有提做功課, 連班羣都有影手册, 但佢吾上心無法子, 都中一生了, 唯有同佢講自己承擔後果了

hi_baby

littlelamlam 發表於 17-4-7 08:11
我仔終於因欠功課記左次缺點~唉! 以後好快再欠又再記多次了, 不過我要講既講晒, 罰既奬既斱做齊, e class ...

我明白你嘅心情，其實我哋做家長嘅角色真係好無奈，一直提點佢都冇任何幫助，唔明佢哋呢種小朋友嘅讀書心態係點嘅，以前我哋讀書寧願早啲返去抄功課都唔想欠功課，希望你仔仔今次記缺點後有警惕作用。
我呢家每晚都會提點阿囡要在群組睇吓有冇同學問聽日要交嘅功課，我都唔知道一直咁提佢對佢冇幫助，但我諗每個父母都唔會希望自己嘅仔女被記缺點，你依家仲有幾個月我希望最後兩次欠交唔會發生。

littlelamlam

hi_baby 發表於 17-4-7 08:29
我明白你嘅心情，其實我哋做家長嘅角色真係好無奈，一直提點佢都冇任何幫助，唔明佢哋呢種小朋友嘅讀書心 ...

青春期既少年係難攪D, 提多次又嫌你煩, 吾提自己又過吾到~唉! 我仔有ADD, 專注力不足, 自我控制力弱, 有時我都好擔心佢犯錯, 但佢大個了, 做媽媽既只有比意見和支持, 其實我仔有少聰明記性佳, 可惜hea懶既性格拖累佢, 佢無補習考試靠我同佢温, 歷史通識我迫佢背, 可能有人覺得我怪獸, 但我仔係吾迫可能成績得個位數, 迫下有7~8字頭既人~唉! 我同佢講你要中三選理科就吾可以hea, 最多我push到就push

有時, 吾係個個小朋友一樣, 我細女就係自律又考得好既人~ 做亞媽的我已盡力, 以後聽吾聽都係靠佢自己

kawaiimasaki

hi_baby 發表於 17-3-8 15:27
我個女中一成日欠功課，又唔寫家課冊，仲有兩次就記缺點啦，點算？
...

我女一樣
缺點已經有
幫佢check， 有時都欠，因為手冊寫唔齊，有心幫佢又覺得我中一管住曬

今年試升中二
成績差
無心機
之前數學成日欠（因為唔識）就俾佢補習，欠少左
英文差又唔識又欠，要面子，唔想人笑佢，唯有依家搵英文補底老師
但唔知邊個好～

唉

hi_baby

kawaiimasaki 發表於 17-8-27 20:30
我女一樣
缺點已經有
幫佢check， 有時都欠，因為手冊寫唔齊，有心幫佢又覺得我中一管住曬

我十分明白你嘅心情！ 嚟梗我都女升中二，我都開心擔心欠功課問題，我女係冇責任心多囉！

skkeung

hi_baby 發表於 17-3-9 11:47
傾過.... 佢嘅籍口係唔習慣寫手冊嘅家課日誌，其實小學咁多年都係咁寫，又問佢係咪功課多，佢又話唔係，好 ...

是否好多補習，興趣班？