醫生,智力評估中心出錯,我小朋友是正常的(真實例子)

cheechi

sylvia0924 發表於 17-6-9 15:06
樓主，我都好想知，最終點樣發現自己小朋友原來唔係自閉？我之前2 公婆返工，比嫲嫲湊，都係平時餵飽佢，有 ...

自閉成因醫學界尚在研究中，有部份原因係腦部欠缺某些功能，令他們不懂觀察/模仿等能力，如果睇iPad 睇YouTube 可以令小朋友患上自閉症（！！），咁相信現代社會大部分小朋友都有自閉症吧

babylawyuen

shuna 發表於 17-6-9 17:38
我同意有一d 醫生會評估時唔夠準確, 但都通常因為當時個小朋友年齡同能力唔及同齡而引致。 有一部分小朋友 ...

我小朋友都是言語及沒有眼神交流，玩車，腳尖行路，自轉，眼耳口鼻不懂指，就評估為自閉症譜系。

最為攪笑，我回家後安排再問囝囝，佢就識餵bb食野，問佢眼耳口鼻，都指到。現在腳尖行路，自轉都沒有。我叫佢都有望住我，不過對陌生人就差少少眼神交流。

我都希望醫學生睇錯，還我囝囝一個清白。

hst476

回覆 crabooo 的帖子

你好，謝謝你的分享！我兒子今年兩歳，也是剛剛在上週被評定有自閉症譜系，心情十分低落，很擔心兒子將來
請問你在這兩年間有沒有做訓練？
你如何確定兒子並沒有自閉症？
謝謝！

shuna

babylawyuen 發表於 17-6-10 00:22
我小朋友都是言語及沒有眼神交流，玩車，腳尖行路，自轉，眼耳口鼻不懂指，就評估為自閉症譜系。

最為攪 ...

我覺得與其期望醫生評錯, 不如做好訓練改善小朋友能力, 我好肯定只有訓練才能令小朋友進步, 自閉症既人望人既眼神係唔同架, 係有一點空洞喺度, 可能望父母會好d 但望其他野, 好多時都有點空洞。

Olympian

shuna 發表於 17-6-9 17:38
我同意有一d 醫生會評估時唔夠準確, 但都通常因為當時個小朋友年齡同能力唔及同齡而引致。 有一部分小朋友 ...

不是的。在政府CAC評過是自閉的，這個診斷就不會改。兒子今年9歲。兩歲在政府CAC評為嚴重自閉。安排讀特殊幼稚園。過左約一年，仔3歲左右，轉介去油麻地精神科，我記得心理學家清清楚楚講，以前被評過是自閉的，就不會改這個診斷，就算之後冇左自閉病癥，都不會更改。入了S位，在一次單對單上堂時，治療師輕描淡寫話，你個仔唔係自閉，係有遲緩，性格內向，自閉唔係咁。到了6歲，又去返CAC,做小一入學前評估。好搞笑，個心理學家係咁問我：佢真係自閉？邊道check話佢自閉？我話：咪2歲係呢道check係自閉囉。佢又問：咁油麻地精神科有冇再check佢係咪自閉？我話：精神科果邊話 CAC check 左係就係。咁我小朋友做完個小一入學評估，心理學家話做了一個心智解讀測試，推斷我個仔係自閉。個測試係咁嘅：小珊收埋左個公仔係個A箱入面，當小珊行開左的時候，你將個公仔，由A箱拿了出來，然後放進B箱。咁你認為小珊回來時會到A或B箱找那個公仔呢？我仔答B箱。所以心理學家就總結兒子是自閉。真兒嬉...

Olympian

今日年仔升小三，成績級前列，英文好好，品行優良，從來冇投訴，係唔多同人玩。小二已無需社交訓練及語言治療。普通一個小學雞。升了小學加埋妹妹同佢玩，進步得好快。

不過，佢好彩特殊幼稚園對佢幫助好大，始終各方面有遲緩，讀不到主流幼稚園。

我都有研究自閉診斷手冊，覺得佢可能係，又可能唔係咁囉，都冇執著了。只係擔心，佢大個左點同佢講，同埋怕會遺傳。

legolas625

評估係小朋友當日表現的結果。

其餘好多人都有所謂"自閉"特徽，評估係達到一定的分數，就叫自閉症

shuna

Olympian 發表於 17-6-10 12:45
不是的。在政府CAC評過是自閉的，這個診斷就不會改。兒子今年9歲。兩歲在政府CAC評為嚴重自閉。安排讀特殊 ...

你講那個心智解讀test 係好出名既test. 而自閉症小朋友就係只睇倒眼前既野, 唔會諗人地點諗。
至於話可否改除'自閉症' 呢個名, 有一個心理學家又講過話可以叫精神科醫check 然後除名既, 但詳情點做就唔知。

Radiomama

shuna 發表於 17-6-10 14:09
你講那個心智解讀test 係好出名既test. 而自閉症小朋友就係只睇倒眼前既野, 唔會諗人地點諗。
至於話可否 ...

我最近也為一位小朋友而苦惱，他已經3歲多，讀K2, 每次走入課室都猶疑不決，不知坐那個位才好；要待10分鐘後才肯自行坐下。

問他問題都要考慮很久，然後沈默；基本對故事兒歌動作都沒有反應。

他媽媽說健康院曾告知可能是自閉，但檢查後又說不是，應該是感統問題。

究竟兩者有何關係？我只是一個星期才見他一次的導師，感覺他與其他小朋友太不同。想請教大家。

shuna

Radiomama 發表於 17-6-11 15:14
我最近也為一位小朋友而苦惱，他已經3歲多，讀K2, 每次走入課室都猶疑不決，不知坐那個位才好；要待10分鐘 ...

你覺得他智力正常嗎？有一些小朋友訊息處理比較慢, 你就當他是1997年的電腦, 仍能運作, 但運作需時, 反應很慢。需要感統訓練去提升醒覺度和反應敏捷度。你可以去上下比導師上既堂就會知多d .

tweety82080

請問如何知不是自閉?2年間可變化佷大
其實自閉証係好廣，病証個個不同會年歲改變

crabooo

今日好忙, 我簡單回應家長D疑問.

BB出左世之後, 其實無論所有野都唔會令佢由無自閉變到有閉. 後天係唔會令到佢由有變無, 或者由無變有.

但係睇YOUTUBE, 睇廣告, 玩車轆個D,係會令佢有自閉症狀, 但係係可以改變的,因為係後天.

我個仔係好嚴重, 只鍾意睇廣告, 超鍾意玩車轆, 去街, 見到人地父母推住架BB車, 佢都會"MOUTH"低轉人地個轆, 我勁唔好意思.但係, 但係, 哩D都係可以改到, 只要佢唔係天生自閉, 所有自閉特徵都可以由有變無.

我知道好多家長好急問我, PM我,但我真係忙, 一有時間就覆

love_son

回覆 crabooo 的帖子

咁請問邊啲行為可以睇到到為先天的真自閉？

aryi12

回覆 crabooo 的帖子

請問樓主平時點樣訓練仔仔，希望可以分享下！

rainy123

我的情況一樣，小朋友1.5歲前就只是食飽看youtube, 好少去玩，好少出街，工人姐姐照顧，全英文，結果2歲都未開口，脾氣大，控制唔到自己。

政府評為懷疑自閉。

因為有朋友做精神科醫生，說有情況係小朋友母語發展唔到，所以表達唔到，我開始同他做訓練，買好多玩具同他互動的玩，用精油，上英文oral story的班，上言語自療(中文)，自己再用英文引他講，而家3.5歲，已經有很大進步，脾氣亦都無左，又開始會主動問問題，我問他會答我sentences，local school老師當然話他乜都唔明，但相同的野用英文他完全答到，所以下年重讀全英文幼稚園。

其實有無呢個標籤唔重要，只是大家唔好放棄，同小朋友互動多d，去公園，玩玩具，會有好大好大幫助。

6437oooo

我個女都被那打素醫生評錯

其實是我有自閉  我個女正常   只是我個女細個時跟得我多  學咗我啲行為
漸漸長大就知醫生搞錯了

我自己是天生自閉  其實我自己覺得係冇得醫    現在有針炙個腦  但其實冇乜用

verysadar

支持~

Bridgetdarcy

6437oooo 發表於 17-6-19 11:33
我個女都被那打素醫生評錯

其實是我有自閉  我個女正常   只是我個女細個時跟得我多  學咗我啲行為

其實醫生都係睇小朋友行為去評估有冇自閉症特徵, 如果你個女學左你既行為, 而醫生睇到佢有特徵, 就自然評估佢有自閉症，所以其實個醫生係冇評錯你個女, 只係佢既自閉症徵狀好轉或消失左姐。其實大左可再評一次, 冇晒徵狀，叫醫生幫佢除去呢個病名囉！
你已成年, 針灸未必有效, 之前研究都話針灸對6歲以下小朋友最有效, 大左效果減少。

luckybaby2011

回覆 Olympian 的帖子

我好坦心，其實主要係話入精神科令我好唔舒服。。。即係CAC評佐就一世？

Olympian

好似唔會keep你資料一世的。最重要唔好擔誤小朋友治療的黄金期。