今年怪事特別多

hkpapa852

ar_mak 發表於 17-8-14 20:40
唔係掛,有漏洞,但對大局影響其實好輕微,所以唔去堵塞,由得佢算數?

你自己都承認升學制度是複雜,咁其實係同 ...

所謂的漏洞(其實只係我地認為係)，只係俾你試多次自行。除非你係個一年有方法提升自行既分數，否則一年後可能又係得個桔。
就算第二次自行成功了，是否沒有代價？當然不是，家長/小朋友至少也花多了一年買不回來的時間。

如果有人只懂一直去鑽研/批評制度上既問題，郤不認真去瞭解遊戲規則，最後只懂人云亦云咁去為子女填表，呢種家長，到底係正義超人上身，還是想戴定頭盔去合理化自己不負責任既行為？

Winnie3q

wat123 發表於 17-8-13 12:10
如果真的話，"甲一乙一"可以去教育局投訴了, 大原則下，假的居多

點解假？只要你排位早過人就一定得。

SCboy

Winnie3q 發表於 17-8-20 09:26
點解假？只要你排位早過人就一定得。

似乎你要看看EDB的CD，了解下抽獎點玩。如果同一間學校乙一都已經有人派唔到，乙二是冇可能有人派到。無論幸運號碼幾前幾後都一樣。

wat123

回覆 Winnie3q 的帖子

排位早過人，都冇可能乙二嗰個得，乙一那個唔得，一定處理晒乙一，有位剩先俾乙二

se6b03

wat123 發表於 17-8-20 12:25
回覆 Winnie3q 的帖子

排位早過人，都冇可能乙二嗰個得，乙一那個唔得，一定處理晒乙一，有位剩先俾乙二 ...

有一個情況可以，就係教育局睇表入機果位人兄入錯機，將人地原本第二志願入錯第一志願。相反，人地第一志願又輸入錯左變第二志願，就會出現這情況。所有選校表都係人手處理輸入電腦，所以入錯可能性係存在。

karen55407

piyohk 發表於 17-8-12 21:28
今年小一申請，真的令我眼界大開：

1. 家長認同借地址申請小一，沒有什麼大不了。孩子若派入寶校，才是恐 ...

今年最怪係明天更好的出現

hkpapa852

ar_mak 發表於 17-8-15 14:50
如果根據番之前既兩個例子,一個自行例子,一個係問野例子,你都偏向選擇用制度以外方法去解決,但我就偏向選擇 ...

你個建議:

剩落黎就只講大抽獎,我假設一個情況,如果填表是按意願,順序由乙一,二,三......一路排落去,根據目前情況,所謂填錯,意思係指在乙二或三等位置,填上一間根本已經冇學位提供既學校.......如果制度係可以幫家長跳船,即是排乙二學校冇位,自動由乙二頂上去抽,如此類推,咁至少,不至於攪到要棄權,同時減少左需要"計數"既情況(因為阿大哥你本人就叻姐,唔係個個家長都識呢D野)

咁即係只要隨機號碼前, 就先處理晒佢所有學校排名, 派咗學位俾佢先, 咁其實對家長嚟講, 連依家唯一可以去考慮既"填表策略"都唔駛用, 齋鬥運氣, 呢個又係理想既方式?


相信所有"升學專家"都會反對, 因為如果咁做, 佢地仲憑咩可以去收錢教人? 甚至什麼保証90%機會派首3志願?


到時, 大家可能要一窩蜂去搵蘇師傅, 玲玲姐催運就真


其實有時我覺得, 家長太自我中心了,  成日以為學位分配係為佢地而設, 所以應該滿足佢地既要求.


學位分配, 其實係EDB同官津學校商量後訂出嚟既機制, 好似一個國家既足球總會同球會商量後訂出既球例.  要承受呢個機制結果既, 其實係官津學校 (球會), 唔係家長或者小朋友 (球員).

Binlojai

hkpapa852 發表於 17-8-14 17:54
制度上係有D不為人知既"漏洞", 但對大局影響其實好輕微
但唔去理解基本遊戲規則就去填表, 乜都"聽聞", "以 ...

同意...我見好多人對呢個大抽獎點玩都只係道聽途說... 所有資料都係聽返來, 自己無親身了解過...

例如我識人今年大抽獎都玩完, 都答唔出弟妹將來入返同一間官津小係唔係必收... 真心覺得O咀, 仲要佢都有個細嘅跟尾, 佢地兩公婆亦唔係無學識嘅人, 又或係唔緊張子女嘅家長...

另一個我識既人情況一樣, 但佢後年先開始玩呢個遊戲, 我叫佢開始睇定學校資料, 佢話好煩唔想睇... well, 小學都嫌煩, 中學點搞...

真係唔太理解, 教育對小朋友咁重要, 而大部分人又無可避免地要抽獎, 點解唔花多D時間了解下點抽... 教育局張抽小一單張都清楚易明, 但有D人連睇都唔去睇...

大檸樂

Binlojai 發表於 17-8-21 12:40
同意...我見好多人對呢個大抽獎點玩都只係道聽途說... 所有資料都係聽返來, 自己無親身了解過...

例如我識 ...

我聽過最O咀,但又係真人真事.細佬入唔返啊哥個間. 不過我估9成佢係自行機會個部份去搏第二D所謂名校.之後就同人講.唔知咩玩法.細佬居然入唔返啊哥個間....

tkinwong

Binlojai 發表於 17-8-21 12:40
同意...我見好多人對呢個大抽獎點玩都只係道聽途說... 所有資料都係聽返來, 自己無親身了解過...

例如我識 ...

仲有嗰隻DVD其實講得很清楚易明。

仲特登舉例說明點解乙二放熱門學校會派唔到。

可能家長連放隻DVD看看都怕麻。

hkpapa852

tkinwong 發表於 17-8-21 13:50
仲有嗰隻DVD其實講得很清楚易明。

仲特登舉例說明點解乙二放熱門學校會派唔到。

我諗呢度有回帖既人, 起碼有一半無睇過
小一派位係D有複雜, 亦唔會因為EDB出多咗隻DVD而變得簡單咗, 不過如果真係"有睇過"隻DVD, 相信就算學識不高, 但智力正常既家長都應該都可以明白到遊戲規則係點.

所以我成日話, 做家長唔可以懶, 想懶就唔好做家長

se6b03

ar_mak 發表於 17-8-21 15:07
我有咩方法,可以知道自己填乙二既學校,到底抽果陣係"有位",定係"冇位"?你有冇?介紹下.
...

我曾經提議過用六合彩及房署居屋公開攪珠果種方式，公開整個大抽獎過程比家長睇，咁大家就知道點樣進行派位程序，但有人話呢個方法行唔通。

karen55407

hkpapa852 發表於 17-8-21 13:56
我諗呢度有回帖既人, 起碼有一半無睇過
小一派位係D有複雜, 亦唔會因為EDB出多咗隻DVD而變得簡單 ...

我有睇呀！

hkpapa852

se6b03 發表於 17-8-21 15:12
我曾經提議過用六合彩及房署居屋公開攪珠果種方式，公開整個大抽獎過程比家長睇，咁大家就知道點樣進行派 ...

你當時都未答我, 要點樣"監察"攪珠過程.
1. 一直望住部電腦直至佢出晒派位結果? (有咩用? )

2. 如果全部採用六合彩方式, 當佢只有20,000人要抽, 請問要花幾耐時間?
    - 如果為每位參加者安排一個隨機號碼, 再加核對, 當佢快要10分鐘
    - 跟住將20,000個號碼順序抽甲1, 每個號號當佢30秒內完成, 即1分鐘完成2個申請人, 20,000人共用10,000分鐘, 即166.67個鐘, 約6.9日先完成甲1....... 跟住甲2, 甲3, 乙1.......

    咁抽獎可能要4/5月開始直播, 否則9月前應該完成唔到.......
    嘩! 一個小一派位"運作"歷時可能長過整個奧運會, 應該可以入健力士世界紀錄大全