是否真的要....加強呢?

yeunglam

小兒升小4, 就讀九龍塘私校. 成績 在70分左右...他對學術有興趣, 不是LAZY. 對課文的內容又明..又肯看書..平時在家做EXERCISE. 是可取到高分. (當然程度未必跟學校一樣)
但一測驗及考試就失準. 可以唔小心, 錯滴百出. 唔夠時間做.
我也不清楚可以怎樣幫他. 謝謝.

Jane1983

如果佢對學術有興趣，課文又明，人又唔懶，咁果30分係點扣呢？

如果學校無教淺考深，咁做一份卷有30%答錯，即係有學得唔明白，或者了解唔透徹的地方。係要幫佢，打好基礎好緊要。

Yanamami

你分析過佢既卷扣乜分？點錯，點漏，點唔小心？搬字過紙都錯？中英數常都一樣禁錯？要講得具體d~做練習如唔跟貼學校程度同模式就變左浪費時間同精力了。唔夠時間做卷......諗好耐？寫字慢？讀題唔明？平日做功課情況如何？

1998Ruby1998

已經升小四，讀私校（assume 你係考入去），按道理學生資質應該唔差，點出錯都唔會扣 30 ％ 咁多。我以前大頭蝦，踩陷阱，都只係扣 15%－25% 左右，仲只係一份卷。又肯睇書，又對課堂有興趣、又肯做練習（assume 你嘅練習同學校程度唔會差好遠），咁乖咁勤力，應該唔止 70 分，除非間學校鍾意教淺出深。

有冇分析下、睇下錯咩？錯漏百出係 careless，定係成題唔理解？唔夠時間係咪自己遊雲／寫字慢？我以前都寫字好慢但係都唔會唔夠時間做。

你間學校應該谷谷地，溫書範圍廣，可能就係呢度出事。

咁少資料我地外人好難知道點樣幫你。

momama

點解要做一啲比學校程度低嘅練習？

mch411

如果又唔懶又有興趣讀, 除左壓力太大,
我諗唔到有其他原因

HaYi

我估KTS 的考核有點轉弯，可能小朋友的了解只限表面，到应答時無法用消化左的嘢有条理地寫出，因為我仔学校亦有點如是，不是勤力記熟便可取高分.你可以自己試下按学校出券方式試問他，可能發现他答错比自已預想多.

Yanamami

HaYi 發表於 17-9-11 13:24
我估KTS 的考核有點轉弯，可能小朋友的了解只限表面，到应答時無法用消化左的嘢有条理地寫出，因為我仔学校 ...

如果係KTS既話，中英文两科根本唔洗温課文，溫工作紙就夠｡我女果时六年都未温过课本，考前做下補充當温习，温下功作紙~考試全考应用，無乜要背要死記既野~数学唔算tricky, 有三題禁多思考題分高下~GS更易，同学往往－早答完僕底瞓教等收卷｡KTS教快教深，多考理解，如果真係明白，又無乜careless mistakes既話，9x分大有人在，100分既都有~可见考卷並晤算好难｡楼主話錯漏百出、唔夠时间完成｡中英文考阅讀理解花太多时间？又唔知佢边part失分最多……

HaYi

Yanamami 發表於 17-9-11 18:03
如果係KTS既話，中英文两科根本唔洗温課文，溫工作紙就夠｡我女果时六年都未温过课本，考前做下補充當温习 ...

其實考理解需要高D層次的技巧同分析/寫作, 是最難取得穩定的分的.  
我睇過下一D熱門一線官津小學, 轉彎的數學科較多, 中英常都少. 但幾間熱門直私就4科都會多呢D野, 小朋友的能力更是備受考驗.

yeunglam

好耐無上BK..原來咁多有心人比左意見..多謝大家..大家果然係好好的過來人..不是KTS. 也不遠矣了..我會整合大家寶貴意見再調整方法. 謝.

sina60

yeunglam 發表於 17-9-9 12:31
小兒升小4, 就讀九龍塘私校. 成績 在70分左右...他對學術有興趣, 不是LAZY. 對課文的內容又明..又肯看書.. ...

一至三年級成績如何？還是升小四課程明顯深咗？