醫科收生

JustAParent

nanadog 發表於 18-8-6 12:45
港大個所謂enrichment year 係有啲問題-虛渡光陰

Enrichment year絕對係一個大問題。頭一年迫你讀到死，之後enrichment year唔知做乜，變咗hea year。 相較之下，中大正常Ｄ。

JustAParent

nhi 發表於 18-8-6 10:40
http://hd.stheadline.com/news/realtime/hk/1283715/
唔知真定假，今年港大醫學院收少了很多文憑試考生。
...

唔夠分點收？食乜野言呢？

JustAParent

nhi 發表於 18-8-6 16:26
The Dean said 75% of intakes come from DSE, but only 48.5% this year!
According to press, the minimu ...

首先我唔知75%個source來自哪裏， 你有資料可以update下大家。 都係呢句，就算大學肯收，都要有夠分嘅人報。

至於點解有1分半分差別， 一啲都唔奇。中大話42分，亦有41分或更低的學生。兩大有special consideration scheme, 亦可能少數學生有"特異"功能大學"豪"一分半分畀佢， 呢Ｄ例子平常學生唔需要考慮啦。

JustAParent

mrimpossible 發表於 18-8-6 16:48
呢個亦係Jupas 同non Jupas 嘅配額問題
無論港大同中大都含含糊糊

Jupas收生，我覺得現時分數係合理價。要提高Jupas %, 即係要下調入學資格。下年加醫學院學位，已預期入學分數會低一分。如果社會共識36,35甚至34分都入得醫學院將來出來醫大家既，係可以下調。

不過又咁講，我同意DSE收低1,2分，反正IB咁易入，調高IB要求，調低DSE都合理。

JustAParent

mrimpossible 發表於 18-8-6 17:39
Non Jupas 除左本地IB, 亦可以係U grad, 2nd 或3rd year, 外國同國內生

我知有其他學制考生。不過我就係覺得IB易，我係biased睇唔起IB，我認㗎

JustAParent

nhi 發表於 18-8-6 18:31
http://www.med.cuhk.edu.hk/eng/home/press_releases/2018/2018_08_06.jsp

HKU Medic 今年好像真係收唔夠 ...

我唔明點解會有人覺得CU亂吹或者語言偽術。我小朋友係應屆考生，兩大醫學院 收生其實清清楚楚，由面試，到比CO，又信又email又電話，同學生講晒要幾分，點放位。如果最後個學生都唔識睇餸食飯唔識走位而搞到A1 failed，佢將來都係唔好攞病人條命"靠飛"。

JustAParent

mrimpossible 發表於 18-8-6 22:11
會唔會零願空咗啲位都唔收低一兩分?

你想多了，不會空的。

JustAParent

freespeech 發表於 18-8-7 00:43
係唔會空左，社會都不接受啦，一直說医生唔夠呀！
但要HKU降低少少分數收夠人，依數據來說未能高於CU，就唔 ...

其實如果你仔女係呢一兩年應屆考生，你可能都知兩大醫學院已經降咗分啦。

空位？呢頭同政府講下年加學位，大樓都裝修緊，轉頭你同我講今年有空位？咪玩啦，點會呢？

JustAParent

jessimm 發表於 18-8-7 09:07
"HU醫學院院長梁XX公布醫學院新學年的收生安排，指醫學院新學年學額由235名增至265名，學院會在11月至12月 ...

我覺得梁卓偉做得太多無謂公關。"學生唔駛估估下" ??? 難道今年要估嗎？一陣又開記者會，當眾叫班尖子放低壯元身份虛心學習。虛心，就不要高調開記招啦。

中大也好不到那裡去。其實收DSE生多過HKU又如何呢？兩大有時間隔空互串，花Ｄ時間，合作搞好香港公營醫療，提高醫護質素好過。

JustAParent

ANChan59 發表於 18-8-7 13:00
我的小小了解：

1。面試時教授的態度－一間當你是準醫生平起平坐的面試，尊重你的另類觀點，面試完送你出 ...

選擇中大港大醫學院，應以課程設計，自身承受能力， 校譽，將來人際網絡、前途等為首要考慮。

面試教授，咪話佢食飯盒，佢食自助餐都唔關我事。好多時，外人看一件事可以好片面， 可能教授真係少少時間都擠唔出迫住面試食飯，又或者佢真係高高在上看待"外人"。So ?  將來班學生成為insider成為大醫生，可能態度更囂一點。

資料提供，今年冇教授面試期間食飯，放心。

JustAParent

mansdom 發表於 18-8-7 13:39
何解你會覺得IB易, 純粹想知多點, 別無其它意思

你可以比較吓香港DSE/IB考生狀元比率，入香港八大比率，UCAS points map幾多分等等等等，你就知DSE/IB邊個易考。老實講，呢Ｄ所謂認授性高既國際學制，同亞洲人設計既考試比難度，真係得啖笑。最好再同國內高考比較吓，就知乜嘢叫小巫見大巫。

我從來覺得資助大學應該留多Ｄ學位比DSE考生，而唔係幫有錢人繞過本地考試制度，搵日讀夜讀既本地學生笨。

JustAParent

freespeech 發表於 18-8-8 01:19
你覺得香港各大學是 傻的嗎？如果IB學生唔夠DSE學生好，為何還收咁多1B學生？我相信DSE的學生是日讀晚讀， ...

你唔使咁激動，無人迫你仔女做牛喎，香港好自由，你有權行IB捷徑的。

JustAParent

ANChan59 發表於 18-8-8 11:41
好事，終於有進步！

連基本禮貌都沒有，學生自己會識選擇，特別不是填鴨仔。

哈哈，我想講嘅係，有啲嘢真係唔需要咁介意。 入到去， 學生就會發現， 不論中大港大醫學院， 其實Ｄ教授對學生都唔錯。

你講嘅無禮高高在上例子，令我諗返起女兒升中面試時，不停有人話校長囂張故意刁難學生等等，入到去先發覺佢人品好好，好受學生歡迎。

選校，好多其他考慮比對某教授片面印象重要。我最近都聽過朋友仔仔話某Ｄ教授好串㗎，我講笑咁回應，講到串你哋中學既學生都響曬朵唔輸蝕啦。

JustAParent

回覆 mansdom 的帖子

我睇IB,GCE等學制在港與DSE既競爭，不限於醫學院，亦包括其他學系。我話IB係捷徑，除了我睇IB唔起，我都認真比較過幾個學制喺香港學生人數，入大學率，試卷等。若然有人堅持IB同DSE在香港係公平機會均等既兩個考試制度，fine，數據都唔理既，我冇乜好爭辯。

至於有人話香港IB受各大專院校歡迎，有乜問題？ 我正正覺得呢個係大問題，各大專校長亦肯定唔敢大大聲話冇問題。

香港唔同英國，英國大專教育已經產業化， 學位多過本土學生，學位點派冇大所謂。香港呢？有幾多％DSE學生入到大學？我唔明一個地方點解可以偉大到在大部份市民子女都無冇大學讀既情況下，將大量學位放比有錢走捷徑既人。 當然，"唔同學生有唔同能力，需要唔同學制" 係一個好華麗嘅藉口。 如果教育局真係咁認為， 首先，佢就應該把免費教育分拆為DSE和IB，任全港學生選擇。

JustAParent

mansdom 發表於 18-8-8 22:26
你覺得香港IB受各大專院校歡迎呢句話係大問題，各大專校長亦肯定唔敢大大聲話冇問題,同樣有家長相信,各大 ...

很幸運地，我小朋友DSE考得好好，我個人家庭亦從沒有因IB而有任何不快經歷。
我的反感，純因香港考試制度不公及對某些學制傾斜而致，別無其他。

我把話題扯得太遠了，也說多了。大家還是關注一下今年醫學院收生情況吧。

JustAParent

nhi 發表於 18-8-9 09:37
m.mingpao.com/pns/dailynews/web_tc/article/20180809/s00002/153

今日的我打倒昨日的我，為了收生成績比 ...

我早說過，捷徑很好走   有足夠盤川的，不妨走走，見識一下鳥語花看的康莊大道。

JustAParent

dolala 發表於 18-8-10 08:33
家長控訴港大醫學院「搬龍門」

https://news.mingpao.com/pns/dailynews/web_tc/article/20180810/s00002/ ...

咁你即係想講乜？家長醫學院兩個都有錯？？獎門人咁： 呢鋪 ... 打和! Super !!?

JustAParent

73662710 發表於 18-8-10 08:54
針唔Guk 到肉就唔知痛，好可憐。

我會咁睇呢件事，報導中陳女士所講既入學計算，係一條初中數學題。放榜當日我已經計過，佢既估算係無錯既。

不過，佢忽略咗最重要一點。兩大醫學院， 其實一早已經同所有面試candidate講清楚最低分數同排位要求，佢當人發噏風，錯在於佢。 就算佢話首輪冇選醫學院唔知詳情，改選時冇向其他同學老師收料，亦係佢選科策略失誤，怪不得人。

陳女士一早應該清楚，DSE36分，正常情況下係入唔到港大醫學院既。

至於佢對IB既指控，我完全同意，不過，捷徑就係咁開，你咬政府教育局食咩？

JustAParent

73662710 發表於 18-8-10 09:20
既然今年少人選港大，咁港大應該適當隆分，冇必要死守37，其實36分已經好勁，大約DSE500名內，我覺得不比IB ...

你有啲嘢搞錯， 中大計7科，最低41分。

JustAParent

73662710 發表於 18-8-10 09:30
其實睇返中大啲data, 如果只計6科，有唔少36。另中大收唔少 中文和通識 科失手的40分，聽聞甚至39分也有。  ...

我唔太信"聽聞"，我所知的資訊都是Information Day中大醫學院收生組公開說的。中大計7科好清楚，讀6科中大點處理，少數個案我覺得冇參考價值。至於40-40.5分者，有可能係M2 compensation，中大亦有講。低過40分，我冇聽過，no comment。 Again, special case, 我覺得無參考價值。