真道話自己唔係Happy school?

littlefaith

YanKanMom 發表於 19-3-22 15:45
孩子不肯的，暫時我們亦不覺得有此需要。

有好多時覺得某啲家長好好笑，乜都成績掛帥，然後又以為成績好係同學校軟件、硬件有莫大關係。

我教咗都廿年書，已經非常明白香港考試式教育嘅玩法，成績好根本唔係淨係睇學校師資，仲有好多其他因素，包括intake、汰弱留強、校外補習尤其係去補天王天后、貼士、多唔多課外嘢，學校軟硬件呢個因素其實只係一部分。(如果傳統名校真係得，我間band 2中學就唔會年年都收收埋埋咁多嚟自各大名校嘅「失敗者」啦，好多時見呢類學生，毫無自信，真係好心嗡。佢地嚟到我間中學先開始搵返自己嘅價值，咁你話名校值唔值？)

事實上，如果家長真係成績行先，唔該，唔好再諗，一條心入谷到死嘅名校，只要你小朋友生存到，响呢個弱肉強食嘅學校環境下，仍能keep到成績，上到band 1英中，咁咪如你所願囉。

可悲。家長呢頭見到小朋友為學業壓力自殘自殺而慨嘆香港教育之不濟，嗰頭又一窩蜂爭入傳統谷到死嘅名校，有時真係唔知邊個先係真正嘅自己。

教育，怎能量化？真正的教育，成績以外，更重要是育人，培育小朋友健康、正面地成長，擴闊視野，了解世間的運轉法則，以及作為社會一份子應有的操守及素養。這一切，我的兩個小朋友，在真道中，找著了。當我同太太見到兩個小朋友每天早上蹦蹦跳跳地返學，下午開開心心地回家，對身邊不同事物都充滿好奇，每事問，愛看書，這比年年考第一，更珍貴。


愉快地學習，唔係堂堂黃子華棟篤笑或堂堂玩呢樣玩嗰樣，而係愛上學習、樂於學習，因為發現新知識、新大陸而喜悅，而不是為成績而學習。成績好但不愛學習，對事物失去好奇心，這才是現今香港教育最大的問題。

littlefaith

mamaishere 發表於 19-3-22 14:09
不要心存入了XXXXX學校就會 everything get well automatically 呢種不切實際既想法.

乜有真道或者其他新 ...

對於嗰啲「數據」、「成績」掛帥嘅家長，佢哋唔會明架，只會係對牛彈琴。

littlefaith

mcl203 發表於 19-3-22 18:47
見到老師你形容貴校學生為失敗者，感覺頗震撼，小學生啫，又話唔應該單專注成績，但，失敗者～～～:igiveu ...

你誤會咗我嘅意思喇，我係指佢哋响名校係「失敗者」(否則就已經成功升返原校啦），佢哋响原校備受忽視、歧視（因為成績差）。佢哋入讀我校，我哋唔會放過任何一個學生，係我哋扶返佢哋起身，幫佢哋搵返自己嘅價值。

littlefaith

mcl203 發表於 19-3-22 19:57
始終，作為老師，唔應該用失敗者去形容任何學生，不論係自己或他校學生，教育制度既成功失敗，老師係有一 ...

那改為「失意者」會好一點嗎？
始終，他們在原校經歷太多「失敗」，卻沒有在原校得到適切的扶持，所以形成強烈的自卑感。因為成績差，原校不會讓他們升上其英中，這種汰弱留強的傳統，為保業績，雖然無可厚非。但既然學生是自己由小一揍大，是否應該給予多一點幫助呢？

littlefaith

mcl203 發表於 19-3-22 21:08
老師，你似乎用左成績去衡量學生係失敗或後稱既失意喎，是否背離你對真道既教學看法，求學不是求成績～～ ...

「失敗」其實係學生的親身感受，因為在原校他們面對成績差帶來的無助和挫敗感。我任教的中學不會好像某些名校，只看重成績，反而不斷給予學生不同機會去發揮自己的天份和潛能，使他們重建自信心。所以，歷屆很多畢業生，都經常回校探望我們，為以往學校的栽培而感恩。

littlefaith

nkd 發表於 19-3-27 12:26
\\我既選擇係要求小朋友日後"有能力自力更新", 就算做地盤, 水電亦無問題, 只要唔好做萬年考生去浪費光陰. ...

同意。BB仔食咩奶粉，用咩尿片，梗係父母揀。但去讀揀小學，我哋當年同仔女周圍睇唔同學校嘅開放日、簡介會，最後真係問過小朋友想入邊間，以此作參考去報學校﹐而唔係父母一言堂。

可能有人會話，得嗰5歲人仔點識揀？其實真係唔好睇小小朋友，只要父母適當地問，係可以明白小朋友最適合入邊種學校。

littlefaith

miujoey 發表於 19-4-6 21:11
其實我唔係好明，真道一條龍全部係親生仔，讀ib嘅亦都係真道教出來,成績唔差好過好多國際學校，所以又點可 ...

咁啲人係鍾意插，點都可以响雞蛋裡挑骨頭。
都係嗰句，嗰啲所謂神校，如果F1盡收Band 3學生，可以令學生考DSE 100%入U，咁先算神校。否則，咪又係掛羊頭賣狗肉。
當年開創直資，係希望可以讓有心發展教育的人，另闢溪徑，引入以學生為本的教育理念，為教育開創一條新的道路，讓有心的家長、學生有得選擇。某些神校，就趁這個機會，紛紛轉直資，但仍堅守傳統精英教育，正式掛羊頭賣狗肉。