有冇讀緊培僑的家長

2849

我相信每間學校都有好/不好的老師, 睇你好唔好彩, 同埋不好的老師唔好到咩地步囉, 我女個6年級班主任係外籍人, 而且係副校長, 我個女好肯講英文, 因為老師好錫佢, 比好多機會佢上台講野, 雖然係副校長, 但絕對唔嚴肅, 同D學生打成一片, 呢D咪叫好囉, 但另一方面睇, 可能有D家長又會覺得: "嘩, 你身為副校長咁偏心一個小朋友, 個小朋友英文都唔係好好o者,  成日比佢上台表演" 就係咁都已經有分別了.......如果有睇過我之前的POST, 我都曾經讚過一位數學科老師, 佢用好生動既方法去教書, 畫公仔在黑板解釋內容, 笑到班學生卡卡聲(我女話我知的), 呢間學校理念本身就係愉快學習, 我係在職媽咪, 其實都真係唔多機會去學校, 但一年都總有3-4次, 我次次去到我都見我女同D老師好FRIEND, 5年級時, 有一次返到學校, 老師整緊壁報版, 我個女突然拍個老師膊頭, 個老師嚇一嚇, 我都正想上前鬧鬼佢, 對班主任咁無禮貌, 點知班主任無話佢, 仲好開心笑住同佢講:"Hey, 豬豬, 你返左黎啦?! 你睇我壁報靚唔靚"由此看來, 呢個就係佢地平時相處的方式........我女最唔鐘意中文科, 都係因為好鬼悶, 但家長日我同老師傾計, 我見佢都係用好鼓勵, 好苦口婆心的口吻去同佢講, 你要點點點呀, 平時要點點點呀, 要做多D咩咩咩, 總括來講, 我女讀左5年, 佢無遇過對佢唔好的老師, 佢亦生活得好開心, EVEN同學仔及老師都好玩得埋, 只是我的經歷, 未必代表全部人, PKC唔係果D傳統學校, 也不是天主教要小朋友好刻制的學校, 可能有家長會覺得呢個STYLE太FREE, 未必適合某D小朋友或家長, 所以家長理念同學校夾係好緊要, 否則大家好辛苦