上智vs 華英

fishcakes

hundred100 發表於 21-7-10 16:10
一間男女校，一間女校。如果最後整體成績差唔多。我會覺得男女校勁滴。

都係，男女校，而現時派位機制同一條隊無分男女，如要收一定比例男生，一定蝕底，如最終都有好成積，代表補底能力強，而且男女校學科較全面，女校競爭相對單一，稍唔夠強已經被迫退而求其次，有朋友經驗分享
當年聽上智簡介會，感覺校長都幾高傲，強調要成績好好先好apply ，不過上智英文應較強，始終語文女生有優勢，至於交通，何文田出晒名交通方便到唔駛地鐵 ，而且都中學生，影響較細啦

Monosaru

我係上智畢業，當年全部畢業生都讀大學，現在都已經各有所長，事業有成，以前大部分都係公屋長大，我嘅感覺係上智嘅女仔好乖，冇咩公主，大家都能捱苦。當時冇任何金錢外補，讀中文小學，結果F2開始都能說出流利英語，仲記得套校服真係好靚^^
我路過睇睇仔仔升中資料，說算我生女嘅話我都會揀華英，讀上智真係有點辛苦，金字塔式淘汰成績追不上嘅學生，能夠留到考DSE已經係非常叻，當年可以穿上高年級藍裙白水手衫會感到非常榮幸。

piglet0529

樓主最後註册左邊間？

johnwooo

Monosaru 發表於 21-7-12 05:13
我係上智畢業，當年全部畢業生都讀大學，現在都已經各有所長，事業有成，以前大部分都係公屋長大，我嘅感覺 ...

請問怎樣淘汰?  留班? 勸退?

Monosaru

johnwooo 發表於 21-7-12 08:35
請問怎樣淘汰?  留班? 勸退?

以前係金字塔式，F1-3每班44人（5班），F4-5每班40人左右（5班），F6-7每班30人左右（3班），能夠上F6-7，100%入大學，大部分都讀埋master，而且大部份人都係公屋出身，冇屋企學術及金錢支援進補，讀得好吃力。03年畢業，唔知現在嘅制度係點，中學生活好難忘，亦都唔希望自己小朋友咁辛苦，所以生女都唔會揀上智

johnwooo

Monosaru 發表於 21-7-12 08:55
以前係金字塔式，F1-3每班44人（5班），F4-5每班40人左右（5班），F6-7每班30人左右（3班），能夠上F6-7， ...

聽聞D數好深下, 同埋操得好西利

Azzurro

hkpapa852 發表於 21-7-10 18:17
過去兩年至未來兩三年，多得林鄭出招攪學位量化寬鬆，香港學位夠晒俾達3322率既學生（除非3322率高過6成） ...

今年 IB 分數量化寬鬆
我見到 DSE 3322 的人越來越少（人口問題或其他原因）
如果有一天少於學位供應，估計 DSE 分數就會自動量化寬鬆了

hkpapa852

講咗咁耐, 大家都只係齋吹, 無實質嘢比較過:
過去8年兩校DSE成績:

上智

畢業年度	2012 - 2013	2013 - 2014	2014 - 2015	2015 - 2016	2016 - 2017	2017 - 2018	2018 - 2019	2019 - 2020
主科4+率平均	71.58%	73.10%	67.25%	76.88%	71.70%	74.23%	76.85%	75.18%

華英

畢業年度	2012 - 2013	2013 - 2014	2014 - 2015	2015 - 2016	2016 - 2017	2017 - 2018	2018 - 2019	2019 - 2020
主科5+率平均					28.35%	30.60%	36.70%	29.88%
主科4+率平均	71.50%	73.00%	68.83%	66.23%	70.60%	71.00%	75.20%	73.08%

Ktfk

hkpapa852 發表於 21-7-12 12:30
講咗咁耐, 大家都只係齋吹, 無實質嘢比較過:
過去8年兩校DSE成績:

睇落，以主科4+計都係 上智 成績較為優勝少少。

Thank..

Ktfk

fishcakes 發表於 21-7-11 06:27
都係，男女校，而現時派位機制同一條隊無分男女，如要收一定比例男生，一定蝕底，如最終都有好成積，代表 ...

同意，一般女生讀語文較優勝。不過 上智 英文不算強，數學才是比較突出。唔計傳統名校，聖羅撤 英文成績好過上智..

另外，銀仔有兩面，女校也收唔到好成績嘅男生...

Ktfk

Liv017 發表於 21-7-10 16:08
2020年，上智畢業生出路：本地學位94%，當中45%入三大（即大約整體42%）

都好亮麗。

上智 唔係近地鐵站咁簡單，係 近、近、近 到極...

不過 上智 校舍細，其實係幾細。冇樂團、想發展下體藝技能可能就要靠多d自己...

mcl203

Azzurro 發表於 21-7-12 10:02
今年 IB 分數量化寬鬆
我見到 DSE 3322 的人越來越少（人口問題或其他原因）
如果有一天少於學位供應，估 ...

DSE唔使鬆，大學鬆緊啦，已經去改計分方法～～～

gigayan

上智和華英，成績、校風我自己覺得係同級，睇吓鐘意女校or男女校吧！我自己當年兩間學校都係心目中之選，最後因為中辯隊（兩間學校辯論都好出色，由其華英有賴老師帶隊）華英大賽主要出高年級，上智則會高、低年級都會有機會出賽，最後無揀華英了。

上智中英數都比較深，老實講自己唔加把勁，都幾難拎高分，只靠上堂和做學校功課，由其數學如果自己唔操吓，可能只係達mean，因為考試題目深又多，要自己訓練解題速度。數學DSE有咁好成績，都係其中一個原因。感覺如果一直達mean，應該拎4都無咩問題吧！仲有，我記得問過一間九龍城補好多MCS學生數學嘅補習社，佢話上智數係深，所以會用協恩嘅數教，但最終我無試，係唔係真就唔知道了……

好大壓力我就唔覺，因為無精英班，只要唔入補底班就會打散晒，反而啲女會為自己成績緊張，良性競爭，同埋學校係訓練自己為自己負責，可能計分功課你唔交/遲交都唔會追你，因為分數是自己的，自律性比較低嘅同學要慎重考慮……

課外活動基本想玩都會俾你試，除非技術性高的活動。無樂團，樂器唔算太重視，可能有些家長和小朋友會覺得大問題，有啲都想上中學繼續發展，呢方邊真係較弱嘅。

仲有，我成日都見唔到我女做功課，除咗長假期，但就成日有test quiz，阿女唔鐘意無UT，開頭以為只考兩次試好爽，點知無UT係大伏（佢話），佢覺得有UT可以攞正牌早放、無上堂，可以多啲時間溫書，宜家無UT但其實都要Test，要正常上堂，就好唔夠時間用，非時間管理大師又係要慎揀……

gigayan

Ktfk 發表於 21-7-12 14:17
同意，一般女生讀語文較優勝。不過 上智 英文不算強，數學才是比較突出。唔計傳統名校，聖羅撤 英文成績好 ...

英文真係教淺考深，自己唔睇多啲、唔聽多啲，真係……其實學校如改善下教個方面，應該成績會有提昇，或者學校覺得同學在外自己可以接觸英文機會比較多吧！

gigayan

neineii 發表於 21-7-9 11:26
我都好奇怪呢度咁多人like上智，諗過會唔會係佢哋老師/呢度的會員家長喺度「大力宣傳」
我朋友都係做過教 ...

眼見好多位EK裡上智家長都無乜偏向狂讚學校，反而將最真實一面呈現俾大家（數學操得勁、英文教得麻麻、無乜課外活動揀會好悶，又要自主學習、校舍細又舊、高中揀科係套餐形式），如果都吸引到人，應該係間學校真係有啲特質吸引到某種家長或同學，先會有人like。

都係個句，唔好齋睇4+DSE成績和入U率選校，還有其他配套設施應該都要去自行了解，揀學校應該係揀合適嘅。

利申：對我嚟講，以上唔好嘅對我女無乜影響，所以無影響我揀呢間學校。

kirstyau

gigayan 發表於 21-7-13 00:45
上智和華英，成績、校風我自己覺得係同級，睇吓鐘意女校or男女校吧！我自己當年兩間學校都係心目中之選，最 ...

家姐學校UT冇放早 係正常返學，中間抽堂考。

gigayan

kirstyau 發表於 21-7-13 01:03
家姐學校UT冇放早  係正常返學，中間抽堂考。

呢種係「比悲傷更悲傷」嘅故事……

Ktfk

gigayan 發表於 21-7-13 01:00
本帖最後由 gigayan 於 21-7-13 01:51 編輯

眼見好多位EK裡上智家長都無乜偏向狂讚學校，反而將最真實 ...

適應到 “自主學習” 呢套學習心態其實畢生受用，上到大學也大概係行呢一套。

課外活動也未至於悶，我見辯論隊同幾個 dance club 都攪得有聲有色，好多同學參加，玩得好投入同好開心。

學校係細，未至於舊，普普通通啦。好多次到學校都見到地方清潔整齊，校方管理做得幾好，與學生自律性高有關未定。

Ktfk

gigayan 發表於 21-7-13 01:00
本帖最後由 gigayan 於 21-7-13 01:51 編輯

眼見好多位EK裡上智家長都無乜偏向狂讚學校，反而將最真實 ...

家長質素...

也反映子女質素，多少也反映學校特質 (物以類聚)...

( 哈哈！ 算唔算另類嘅狂讚呀....)








純粹講下笑輕鬆下啫～～

gigayan

Ktfk 發表於 21-7-13 16:27
適應到 “自主學習” 呢套學習心態其實畢生受用，上到大學也大概係行呢一套。

課外活動也未至於悶，我見 ...

百貨應百客，可能人哋覺得唔好嘅，對我嚟講反而係好事，所以揀學校，真係唔好齋聽人講，自己了解咗先，對自己個位適唔適合。