有關兒子由14歲打機荒廢學業至今的變化

洋蔥頭媽咪

stanleypyk 發表於 23-8-23 10:48
各位網友, 不知還記得九年前我發出的另一帖子嗎? (以下是連結)
有關和小兒在學習和打機及電子媒體使用上的 ...

樓主，見到你開帖子，突然有份熟悉的感覺，你同太太近來好嗎？
我兩個兒子已上了大學，現在都少了上來論壇，衹是間中路過會回覆下。


世上沒人係完美，做父母可能都是摸著石頭過河，過去嘅日子，感覺到作為父母的你們其實已經很努力，無奈兒子選擇行嘅路非你們所想，過去的事已成事實，孩子亦已是成年人，你們可以做嘅就是與兒子保持關係，將來佢想過怎樣的生活就隨他吧。
23歲尚算年青，由他自己歷練一下，又或者鼓勵佢申請 Working Holiday 出外闖闖，當佢明白到世界好大，天外有天，知道自己嘅不足，或許會改變佢嘅諗法

洋蔥頭媽咪

stanleypyk 發表於 23-8-29 19:45
高興收到妳這位當時熱心的媽咪回覆, 妳兩位兒子已上大學真替妳高興, 我已過退休生活在內地, 太太和兒子在港 ...

經一事長一智，年青人有時係需要磨練下，當年都有提意你，囝囝喜歡打機，可以發掘下有冇興趣學電腦，寫遊戲，但原來佢全無興趣，衹有興趣炒股，但又唔肯努力嘗試響呢行發展，可能佢真係無咩目標無自信，個腦衹係諗住不勞而獲想發達，明白父母已經盡力，沒辦法改變佢嘅想法，既然係咁，就放手等佢自己試，年青人有的是青春同時間，佢仲輸得起，前途係佢自己嘅，衹要唔犯法就由佢自行決定吧 !

睇得出你哋其實仲好錫佢，否則就唔會話想佢買樓，心裡面其實想幫佢出首期，比啲時間佢啦，現階段最重要保持好關係，到佢定落嚟，遲早就會明白父母嘅苦心

洋蔥頭媽咪

Jessy 發表於 23-8-29 22:55
謝謝樓主分享，我家也有一個只打機不讀書的青少年，我都要慢慢爬下你個舊po參考下

...

水能戴舟亦能覆舟，我經常説，打機並非洪水猛獸，懂得操控亦會有其好處。我兩個仔都有打機，但我深信，教懂孩子自控往往比父母監控來得更有效，所以家長引導同支持係非常重要。


有段時期我大仔亦曾經試過迷失，幸好佢除了打機，還會上網吸收不同資訊，亦因此令佢對電腦產生濃厚興趣，最終揾到啱自己行嘅路。


「子女好與壞，在乎溝通與關懷」，加油  

洋蔥頭媽咪

stanleypyk 發表於 23-9-1 07:19
宏觀身邊朋友, 大多能教出乖巧的子女, 大多是母親犧牲不工作, 在子女幼兒時已在家中從旁管教, 但現今社會,  ...

時代唔同以前，上一代思維裡子女必定要服從聽教，跟著父母嘅指令要求去幹才被認同為乖巧孩子，會博咀有自己思想嘅孩子是否就教不到，個人認為絶對不是，教育子女方法不能一成不變，但無可否認孩子年紀越細越容易教，所以良好嘅品德/自理/自學/自控能力，甚至親子關係，都必須從小就要養成。

唔太認同全職家長才能教好子女，在職家長就不能，相反見唔少全職家長未必懂得如何教育子女，就算全日時間對住小朋友，往往祇懂管束及責罵，小朋友變得非常倚賴亦欠缺自制能力。當然亦有部份全職家長教得好好，同意全職家長可以多些時間陪伴孩子，但在職家長或是全職家長查實並非重點，最重要係揾到小朋友嘅長短處，因才施教，揾到孩子肯接受你教嘅方法。

父母做嘅決定通常都係為子女好，但有時有沒有想過孩子感受是否與你相同，呢點必須要取得平衡，若孩子心底裡反對家長決定甚至反感，無論家長原意幾為孩子，衹要孩子感受唔到的話其實都係無用，講白啲呢項管教就算係失敗。

樓主當年開帖時兒子已經14歲，個人覺得呢個年紀嘅孩子性格/思維早已成形，如果錯過咗小時候嘅階段，升中後想改變佢並不容易，現階段再去歸究是誰問題已無意義，如果從分享或討論角度去睇，如何減低孩子對電子產品/電子遊戲嘅沉迷，個人認為從小做起效果會好好多。

洋蔥頭媽咪

洋蔥頭媽咪 發表於 23-8-29 23:28
水能戴舟亦能覆舟，我經常説，打機並非洪水猛獸，懂得操控亦會有其好處。我兩個仔都有打機，但我深信，教 ...

沉迷電玩呢個話題，我有講過，教懂孩子自控往往比父母監控來得更有效，句説話好簡單，但要做到父母往往要動動腦筋花點心思，由監控層面慢慢放手去養成孩子自控能力。

或者分享下我細仔，我係在職家長平日要返工，每日放工時間緊迫，所以從kg開始已經訓練囝囝放學後自己做功課，自己的事要自己負責，我從不對功課初小時衹會對下齊唔齊，kg開始已經買好多玩具/圖書比佢，不同繪本/漫畫/益智玩具都會訂購，平日晚上會陪佢玩陪佢學習，所有假期都會為仔安排。

記得我仔小二升小三開始接觸電子遊戲，當時爸爸買了 I pad比佢及下載遊戲，同囝囝講平日做完功課，佢可以光明正大拎 I pad出嚟玩，教佢自己安排時間，比佢感受到我係信任佢有自制能力，亦會經常洗佢腦比佢知道沉迷電玩嘅後果，灌輸遊戲好玩有樂趣可以作為學習工具，但長時間玩樂害處，會影響眼睛，課金買武器會比人偷令自己損失，同時會比零用錢教佢學習應洗先洗，養成儲蓄習慣等等...。
小四開始正式比佢用電腦玩 minecraft，我哋會經常陪住佢玩，陪佢睇 youtube同佢討論，甚至會投其所好，買好多 minecraft 嘅嘢比佢，初初買圖多字少嘅書(英文版)，到後來係全文字嘅小説，亦因為我仔經常睇所以英語能力進步神速，亦從來未試過沉迷不能自拔。

中一果年阿仔同我講，班上一半以上男生都有打機習慣，平日會圍在一起討論，仔説曾經跟同學失去討論話題，原因係某些遊戲佢冇玩所以插唔到咀，兒子説班 group有部份同學係一放學就打機，晚上十點先開始做功課，但由於我仔已經習慣自己讀書方式，放學後佢會先做完功課，才開始玩網上遊戲/上網同睇書，十點半已經上床訓覺。

或者你可能會話我仔乖易教啫，但我認為生活模式同態度潛移默化慢慢影響佢，又好似我唔喜歡人食煙，從小就幫兒子洗腦強調食煙好臭，肺會變黑色影響身體，所以我兩個仔都唔鍾意煙味，響街有煙味佢哋就會走開。孩子跟父母親子關係好，在管教方面都會較為容易。從小我已經比好大自由度啲仔，我仔係一個好有主見嘅人，有自己嘅諗法，但無論如何，跟子女保持良好關係，就算現在我仔已成年，好多事佢都會願意同我分享。所以如果想改變沉迷電玩對孩子嘅影響，建議家長從小就要做起。