ASD /ADHD supplement 經驗分享

george.c.w.chan

本帖最後由 george.c.w.chan 於 23-10-30 13:31 編輯

我自己有一個有自閉傾向和adhd嘅小朋友。今年讀小二。同好多人所講都會有啲專注力，行為，情緒問題。

一路見啲人都喺俾魚油或者益生菌俾佢地嘅asd 或 adhd小朋友食。今醫生本身都開咗Atomoxetine(一種adhd藥物）同Vayarin.專注同衝動喺有改善，但始終唔夠。我都有俾益多菌佢食，但唔見有明顯效果。

上個月上網無意中睇到話外國做咗個研究話腸道健康同自閉症有關。簡單講就腸裡面太多惡菌，於是釋放出毒素攻擊大腦，而且唔夠益菌所以無造做足夠嘅神經傳效物質，最後腦嘅運作受影響。我唔講太詳細，有興趣自己上網睇腸腦軸嘅資料。

調整返腸胃嘅微生物生態，令好菌多返，今惡菌就會被抑制，可以改善部份asd/adhd 症狀。

但通常啲A仔好挑飲挑食，鍾意做煎炸嘢，少食菜同水果。而當中蔬菜嘅膳食纖維其實喺啲好菌嘅食物，食太多油炸食物又少食菜就容易便秘，大便喺腸長時間先排出嚟，就會加劇發酵滋生更多惡菌。

今我個仔就喺呢種，唔鍾意食菜，經常便秘。所以我就喺每日飲嘅水加一茶羹（茶餐廳飲咖啡果種大細）菊粉（Inulin),喺iherb有得賣
唔好加過量，過量會肚痛。另外盡量每日都要食一個蘋果，有時整個食，有時榨汁連渣一齊飲。或者食 一碗 麥皮吸收足夠纖維，防止佢便秘。

經常三個星期，突然有好大改變。首先，eye contact主動同多咗。同佢講嘢時或影相時，雙眼唔喺游咗去其他地方。

另外，成個人定咗好多，食藥都無今好效果。之前去百佳買嘢，如果用購物車要睇實，否認有時失控，差啲撞到貨物。而家佢控制得好好，唔會衝動，而喺好小心，慢慢行。出街時，亦唔再會自己好心急行前好多，而喺同我一齊慢慢行。行前咗會等埋我。

而且之前叫佢沖完涼著衫都要叫幾次先有反應。而家叫一次就有反應。


而情緒方面，亦唔會太容易忟憎。之前做啲抄寫嘅功課寫錯一個字都會忟憎，而家唔會啦。

亦都有耐性聽我講嘢。管教上比之前容易同有效

但啲固執嘅性格就無改變。但喺已經好好多。喺屋企同出行街都輕鬆咗唔少。唔駛下下睇實佢。

呢個做法no harm, 無副作用，成本低。大家可以試下。

最後外國有個叫nemechek protocol 都喺叫人食菊粉+魚油+橄欖油。好多外國嘅父母試過都話有改善。有興趣嘅自己上網search嚟睇。

今我都剛開始試下每日亞仔食埋食油，睇下有無更多改善。

分享完畢。

mk_lyhaa

本帖最後由 mk_lyhaa 於 23-11-21 07:04 編輯

多謝分享

kambobo2003

george.c.w.chan 發表於 23-10-30 13:02
本帖最後由 george.c.w.chan 於 23-10-30 13:31 編輯

我自己有一個有自閉傾向和adhd嘅小朋友。今年讀小二 ...

多謝分享，請問你係食那個牌子，我見iherb 有很多不同種類嘅牌子

george.c.w.chan

我食now

george.c.w.chan

update 下最新的試驗。
話說亞仔成日起身時都話無訓過。晚上即使閉上眼，其實未能入睡。
我亦試過半夜細聲叫佢，佢亦會馬上回應我，代表真係未入睡。缺乏足夠嘅深層睡眠當然每朝起身時都無精神。

睇過外國嘅asd 父母嘅Facebook group, 睡眠困難喺好多ASD兒童嘅問題。佢地通常會俾小朋友臨訓前食一粒melatonin. 佢即喺褪黑激素。 喺一種本身人體分泌出嚟，令人晚上眼訓嘅物質。但A仔有部份人天生身體分泌不足，所以佢哋會難入睡，訓得唔臨。

今我就亦試下。睇過啲研究論文，1mg份量其實已經有效。不過watsons賣嘅最低喺3mg.今我廢事要自己將佢分三份。所以照俾3mg佢睡前食。食咗後真喺好快訓著，亦無再話訓唔著。就算11點半先訓，起身返學時亦比之前有精神。唔會再話好眼訓。

george.c.w.chan

另外最近睇咗啲資料講ASD 兒童通常都缺乏維他命D. 而有臨床研究做過ASD兒童補充vitamin D後佢地都有明顯改善。 vitamin D喺主要靠曬太陽時皮膚製造出嚟。如果少曬太陽喺會令viaminD不足。而我個小朋友絕對唔鍾意曬太陽，佢身體好大機會都喺無足夠vitamin D。 所以我都嘗試幫佢補充vitaminD.

而一般市面買嘅vitamin D 一般只喺每粒含有1000ui。而對於ASD兒童要補充嘅份量喺要多幾倍。之前臨床嘅研究時要補充嘅份量喺體重（kg)x 300ui. 而上限喺5000ui. 所以30kg體重的話就每日要補充上限5000ui. 之後再驗血睇返血液中嘅vitamin D是否處於optimal嘅水平。

今我就照每日補充5000ui嘅維生命D俾小朋友。打算下個月見醫生時會叫醫生安排驗血睇下個整體嘅維他命水平嘅點。

食咗一個星期嘅維他命D後，我就見到佢無再今容易因為小事而唔開心。之前每日都會因為小事會覺得唔開心。而家感覺佢成個人心情開朗咗。無再因為小事而有情緒影響佢做功課同溫書。當然而家就嚟放聖誕假，唔駛點做功課，心情輕鬆都唔奇。所以要一月開學後先見真章。

george.c.w.chan

本帖最後由 george.c.w.chan 於 24-2-5 13:02 編輯

本帖最後由 george.c.w.chan 於 24-2-5 13:02 編輯

放完聖誕假後返咗一個月學，恢復返去一個要做功課要溫書有壓力嘅生活，我觀察到我個仔唔會再好似以前咁經常喊，今代表啲supplement幫到佢減少焦慮。

上星期同佢去左驗血，檢查佢身體vit b12, vit d, calcium, potassium, magnesium 水平。睇下有無唔夠要補充，之後我嘅研究應該就到此為止。想試嘅都試曬。

喺哩個實驗裡面，我學咗幾樣野。

1. 雖然醫生同你講ASD係冇得醫，只有做訓練去改變佢嘅行為。但喺世界上的確有人通過生物治療就改善到佢地嘅asd小朋友部份徵狀。佢地恢復說話意欲，多動，專注，衝動同情緒方面都有明顯改善。

喺佢地嘅分享和網上嘅醫學臨床研究論文上有唔少嘅資料。特別要留意喺服用嘅補充劑成份和服用份量，同埋有無提及有副作用。

就好似個個都知食益生菌有幫助，連醫生都會今講，但喺唔用講要食幾多先有效。如果只喺跟盒上指示食其實喺無用。啲A仔需要嘅份量喺多幾倍。所以要參考臨床研究同埋其他人嘅分享先知道食幾多先至有效。

2. 改善咗以上幾方面後，其實整體已經好好多。雖然固執,不願意接受批評喺改變唔到，但起碼有耐性聽你講。唔喺一話佢就即刻大喊同抗拒。同佢講嘢亦會馬上回應，唔再喺叫幾次先應你。成個家庭都融合好多。

3. 從網上blogger的分享，唔喺對每個小朋友都一定有效，因為個個情況都唔同。但一般只喺asd傾向的話，改善效果都明顯，而且越細個開始治療效果越好。

4. 佢地身體血液含嘅部份營養水平往往比一般人低。可能天生腸胃吸引能力弱，而且又揀飲擇食。喺臨床研究裡面發現補充足夠後佢地嘅情況都有改善。

5. 暫時我試過嘅生物治療有以下幾種
 1）改善腸道健康
        服用益生元（菊粉，乳果糖）（說話意欲，過動，衝動都有明顯改善）
       Butyric acid （每日500mg)(唔覺有明顯改變）

   2）維他命
Vit B6 (100mg every day)
Vit B12 (2mg every 3 days)
Vit D(5000ui every day)
(焦慮喺減少咗，無再經過喊。）

Vit k2 (100mcg every 2 days)
(喺作為預防血鈣發生）

To be tested
Magnesium (200mg)


3）抗氧化
NAC(600mg every day) （無明顯改善）

4） 消炎
Omerg3 (1000mg every day) (唔覺有明顯改變）

  5）戒敏感食物
      唔知關唔關事。但係而家腸胃的確好咗，冇再不知名今肚瀉。

6. 比起一般精神科藥物，以上嘅嘢副作用低好多甚麼無，比較安全。 一般精神科藥食咗又暈又嘔又無胃心又會情緒暴躁。

而家只喺需要叫醫生安排驗血睇下有邊啲嘅水平比較低，就補充嗰種。 如果見到有效就同醫生傾下點樣防止過量補充。

而點解今簡單又無醫生叫我地今做呢？因為好多研究處於研究階段和小型臨床測試。而且喺無藥廠會資助做大型臨床試驗，因為賣supplement喺賺唔到大錢。無錢去大型臨床試驗當然攞唔到美國FDA approval作為認可嘅治療方法。所以醫生當然唔會叫你今做，費事無效時又俾你告。

而喺臨床測試當中喺有部份asd小朋友有明顯改善。今我真喺等唔到。等研究攞到FDA approval 可能已經喺好多年之後嘅事。所以就選擇自己試，起碼俾個機會小朋友。如果有效，就可以改變佢嘅一生。就算唔work,亦no harm。 不過補充下體內嘅營養，變得更加健康。

最後我都帶返頂頭盔，以上嘅都喺我個人見解。大家要自己去睇多啲資料同問醫生攞專業意見。

george.c.w.chan

結局篇

驗血報告終於出咗, vitamin D 經過兩個月補充後，終於去到optimal 水平。magnesium嘅水平就正常偏下。所以開始每日補充200mg magnesium.

去到而家，可以試嘅都試咗。發現有啲有效，有啲無效。而總體效果亦理想。餘下嘅嘢，例如，做功課時唔願意專心，唔肯認錯。根本喺性格嘅一部分。要靠平時做心理建設，引導佢了解現實社會嘅規模。

如果supplement 效果係一直可以持續落去，打算暑假時同醫生傾下減少adhd藥嘅份量。

Remark: 香港市面上賣嘅magnesium補充劑都喺以magnesium oxide為主。而magnesium oxide水溶性好低，所以基本上食咗身體都吸收唔到。 而想又平又身體吸收到嘅選擇就喺magnesium citrate. 上去iherb有好多選擇。

另外有一種Magnesium L Threonate話效果更好，但價錢貴。

pear000

george.c.w.chan 發表於 23-10-30 13:02
本帖最後由 george.c.w.chan 於 23-10-30 13:31 編輯

我自己有一個有自閉傾向和adhd嘅小朋友。今年讀小二 ...

請問係一次過加晒菊粉+魚油+橄欖油一齊食,定分開比都得?

george.c.w.chan

pear000 發表於 24-2-28 15:32
請問係一次過加晒菊粉+魚油+橄欖油一齊食,定分開比都得?

分開就可以。

mm88mm

多謝分享，我仔4歲，有自閉同發展遲緩，我前排開始比仔食緊bened life既Neuralli，類似腸軸益生菌，成份係PS128 ,改善自閉症同柏金遜人士症狀同埋情緒，食咗第一日開始已經瞓得好咗，平時半夜都會坐起身大叫或者喊，食咗之後明顯減少甚至冇，瞓得好咗，不過缺點就係貴2700百幾食得三個月，有需要可以試下，睇完你分享打算俾仔補充吓維他命D同埋菊粉睇下有冇幫助，謝謝分享。

george.c.w.chan

PS128我之前都俾過仔,但喺又唔見有明顯改善。食咗三個月就停咗。而且佢喺唔可以喺腸道內繁殖落去，即喺要一直燒銀紙去維持效果。

FYI--維他命D要食一個半月先見效。維他命B12就快啲。大約兩星期就見到改善。

至於益生菌方面，有一種益生菌叫羅伊氏乳桿菌 DSM 17938。BioGaia 賣嘅益生菌就喺li種。 有人試過每日5粒，連續一個月，都有明顯改善。另外增加社交意欲。而且你可以用這種益生菌自己整yogurt。長食長有。不停補充益生菌。唔駛錢。

Bugi_bugi

回覆 george.c.w.chan 的帖子

1日5粒係跟指示定佢自己咁食?
係要食幾多億有用? 最近都研究跟魚油同益生菌比我個A 仔

george.c.w.chan

Bugi_bugi 發表於 24-4-25 16:35
回覆 george.c.w.chan 的帖子

1日5粒係跟指示定佢自己咁食?

1日5粒喺佢自已咁食。
之前睇過一篇研究資料總結部分做過嘅益生菌研究和結果。有講食幾多同有乜改善。我唸quote返嗰source 更直接。大家可以自己睇。

https://www.ncbi.nlm.nih.gov/pmc/articles/PMC10060862/

簡單講要食一段時間先見效，同埋所有研究都顯示喺有改善。但喺食邊種益生菌同食幾多先可以喺最短時間內改善最多，就未有結論。
所以食咗喺一定有用，之後就等二，三個月。

當你去到某一天發覺照顧佢好似輕鬆咗，聽話咗，無今嘔血，今就代表你成功啦。

或者講多少少，A仔缺乏嘅菌喺好多種。食益生菌不能完全補充所有無咗嘅菌。但喺益生菌喺腸道內繁殖後會改善腸內的環境，令其他種類嘅益菌可以喺腸內生存，從而增加益菌嘅種類同數量。所以喺要俾時間去等。

所以我最近睇緊一樣嘢。可能喺最快補充益生菌嘅方法。

（以下內容只供參考，不喜勿插）

嗰方法喺用FMT (Fecal microbiota transplantation).
外國做咗一個試驗將腸道健康嘅人糞便中的微生物移殖去A仔嘅腸道內,之後發現佢地嘅ASD symptom都有改善。聲稱甚至有差唔多50％改善。

我quote返個source先。研究由美國亞利桑拿州大學進行。 現在去到第二階段臨床研究研究治療成人嘅效果。

https://news.asu.edu/20190409-discoveries-autism-symptoms-reduced-nearly-50-percent-two-years-after-fecal-transplant

我覺得FMT喺一個好徹底嘅做法， 因為佢係將一個正常人腸道裏面嘅所有微生物都移植過去A仔腸內。畀起食益生菌更加全面恢復整個腸道內所以微生物而且快見效。整個治療要三個月，但效果去到兩年後都仍然存在。即喺啲微生物已經成功住喺腸道內。而家籌錢做第三期大型臨床試驗，就可以申請美國FDA嘅approval作為ASD認可嘅治療方法。

有部份外國嘅A仔父母就唔等，佢地搵醫生或者自己DIY做FMT治療小朋友, 有人都聲稱有用。不過見到嘅分享唔多。

Bugi_bugi

george.c.w.chan 發表於 24-4-30 11:15
1日5粒喺佢自已咁食。
之前睇過一篇研究資料總結部分做過嘅益生菌研究和結果。有講食幾多同有乜改善。我唸 ...

謝謝分享！