小一交表日子逾近心情逾緊張

barryalice

phoebepanpan,

所以咪好煩lor,  官小就貪佢同官中有聯繫, 如果馮晴就好驚功課跟唔上同壓力大, 港澳信義會就較遠小小同埋未咁了解此校lor, 好煩呀.......

homingm

barryalice>>我朋友係塘尾道官小教的，我有問過佢tko官小好唔好，佢話呢間唔係咁好的bor。港澳信義會都唔錯ge。

wan7911

我連發夢都夢見d小學呀

zimba

好難揀呀! 報咗, 入唔到, 又唔知跟住要點......

Charlotte_mom

wan7911 寫道:
我連發夢都夢見d小學呀

我都係, 由第一間私校開始有form download開始, 我幾乎每晩都發住夢, 唔係塡表就係交form, 唔係interview就係有消息...
我就黎痴架喇

CD

我都係o牙!  為左亞仔升小一, 緊張到

winwin323

CD 寫道:
.....入左後波, 撞埋架的士度, 好彩high 花左少少。
o矣, o尼個"升小一遊戲", 真係令我增加左無形o既壓力。             

雖然係好緊張, 不過都要小心d呀, 只係1st round 咋:-|

最緊要目標要一致(1st &2nd round都選同一間), 同時亦唔好咁易放棄(我朋友已經幫囝囝做晒校服&買書, 3rd round最後都叩到入佢間心儀學校)

我朋友係2nd round未放榜之前, 已經send左份profolio去心儀學校.  但係150個小朋友入表只收10個, 結果係....唔得.
好奇怪~ 過左都好耐下, 但未開學, 間學校又突然叫我朋友帶囝囝去interview, interview後校長即時收左佢.
所以未到最後一刻都唔好放棄

barryalice

hi homingm,

thanks ar!   
其實我都覺得奇o架啦 開個topic完全無人回應我究竟將軍澳官小好唔好,唉........咁我就只好揀港澳信義會了.  

vvmama

phoebepanpan,

你心儀嗰間教會學校喺咪宣基呀？呢間學校亦係我首選，上星期四我去咗聽簡介會，校長話好多人話宣基好難入，但實情不是。她說去年1st round大概10揀1, 2nd round大概是４揀１, 而只要你1st & 2nd round 都揀佢, 縱使都入唔到，到3rd round (即最后自行敲門嗰輪), 校長都會見你，到時就係２揀１，所以入到嘅機會率好高。往年收同宗教嘅只佔三成左右，所以無宗教份嘅都唔洗太驚。



你話你仔仔屬好動形，咁宣基就非常啱佢，老師充滿愛心又盡責(我有很多朋友的仔女都在此校讀, 所以略知一二), 功課量不多，考試只考中、英、數, 頭三年讀得比較輕鬆，但佢唔係唔谷ga, 到四年班開始就比較緊張。所以如果你真係好鐘意宣基，可以再考慮一下。

phoebepanpan 寫道:
我個仔好動型, 太約束既學校一定唔岩.
我想選教會學校, 但此校在將軍澳區勁HIT. 實爭蹦頭.
又怕D 學校太多功課, 默書, 到時大家攬住一齊喊之餘仲日日勞氣到傷感情.   

phoebepanpan

vvmama,
THANKS!   我就係心儀勁hit 既宣基啦.
我都考慮過點都張佢做首選,  保良局既學校放次選.
聽你咁講就安心好多啦.
另外, 我知sept 24 佢地都有簡介會, 可怕我要去聽播道簡介會, 分身不暇

WChan

Hi vvmama and phoebepanpan,

我只是路過的, 不過如果我住將軍澳區我都一定選宣基, 因為校長真係好掂.  有好嘅龍頭間學校一定唔會差.

phoebepanpan

WChan ,
宣基校長好掂 ? 有冇例子 ?
我透過HOMEPAGE留意依間學校兩年了.
我最欣賞佢地辨外地交流團, 因為時下老師工作壓力都好大.
佢地都仲咁有心思按排外遊活動, 好值得     

muicc

Hello 咁多位

諗掂未呀?仲有幾日咋...           我就仲係15/16,昨晚雖然收到一間私小收了我女女,但都仲好想考間好津校,享受下九年免費教育的權利。

WChan

宣基是第一間小學使用繳費靈智能卡系統, 當年校長提出用嘅時候好多家長都不太接受, 大家都知宣基都是比較屋村嘅學校, 家長們未必個個都咁叻, 突然要佢地接受咁新嘅科技(果時八達通都係啱啱開始用), 仲話要上網查數, 好多家長都有d卻步, 但校長就好用心咁安排左好多不同渠道教家長如何使用, 甚至連上網都教埋佢地, 佢話希望家長可以同小朋友一同進步, 緊接時代, 光是這種有教無類嘅精神就好值得人敬佩. 結果一個月後所有家長都對呢套系統讚不絕口, 仲受到多張報紙嘅報導.  相對佢地附近嘅小學就應用唔到呢類型嘅系統因為家長反對而校長又唔敢堅持.

以上只係一個例子反應一間學校嘅龍頭係好重要, 一個好嘅校長了解學生及家長嘅需要, 選擇不同嘅課程及配套比佢地, 但都要懂得同家長溝通令佢地明白呢個選擇嘅好處, 當中一定有家長反對, 校長懂唔懂得堅持及推行就好重要.

校長之後仲有好多新嘗試都係比人行先一步推行, 所以可以係咁短日子就有咁嘅名氣.

mercury16

muicc 寫道:
Hello 咁多位

諗掂未呀?仲有幾日咋...           我就仲係15/16,昨晚雖然收到一間私小收了我女女,但都仲好想考間好津校,享受下九年免費教育的權利。

me too,但我都試吓自行得唔得,6年條數好金,希望得啦.

phoebepanpan

WChan,
Thanks ! agree   "學校嘅龍頭係好重要"