小一中默, 你地背默 or 讀默?

Hei-Hei

你地小一中文默書, 係背默 or 讀默o架??

kitty

我女上年小一下學期就背默,
上學期就讀默 , 你呢 ?
而家細女小一就自己背默 (因我唔得閒同佢默)

ayesha

第一, 二次默書係讀默, 第三次開始背默

Hei-Hei

阿仔小一一開始就背默......... 嗚~~

仲愈背愈長..... 嗚~~

Shietkw

係呀!我個女間學校個個星期中文都要背默, 真係慢啲都應付唔到.英文就讀默, 仲要每次都成七八句, 得個五,六歲, 真係好慘!都唔知香港教育制度為物要咁辛苦, 學習係要啟發, 唔係迫, 啲小朋友真係好慘.....

CKC

我都覺得香港的小朋友好慘, 都唔明點解要教咁深, 有d天份無咁高的, 真係俾父母迫死架 ...

Shietkw 寫道:
係呀!我個女間學校個個星期中文都要背默, 真係慢啲都應付唔到.英文就讀默, 仲要每次都成七八句, 得個五,六歲, 真係好慘!都唔知香港教育制度為物要咁辛苦, 學習係要啟發, 唔係迫, 啲小朋友真係好慘.....

SKW

係啦, 我都識人小一已開始背默中默, 真係可憐!!!!

點解要咁迫 d 小朋友?? 慢慢來教唔得咩??

朗媽

暫時都仲係讀默，最近o個次多默一個範圍以外o既詞語，個詞語o係另一課教o既。

Shietkw

其實好簡單, d學校驚如果齊體表現唔好, 會被殺校.要生存便要有最佳表現先可以留低.d細路感受就唔理得咁多.

karencircle

我個囡都係背默.....不過佢地不用成日默書，
課文多數都會背.....但就唔係課課都要默，
佢地背默係咁：﹣

老師派紙，佢地自己背住去填＿

床＿明月＿，＿是地上＿，
.............

Charlotte_mom

所以我好surprise(真係好surprise)我老闆話佢個仔o係聖保羅男女讀, 從來都無"背默"呢回事
(本來就係, 背黎做咩鬼! 留返d精神記d有意義既野好過)

Jackielee

Charlotte_mom 寫道:
所以我好surprise(真係好surprise)我老闆話佢個仔o係聖保羅男女讀, 從來都無"背默"呢回事
(本來就係, 背黎做咩鬼! 留返d精神記d有意義既野好過)

我都好surprise喎！
我個女小一到而家小三都唔洗背ga wor！

Hei-Hei

咪係, 小一就背默真係好慘!!

名校都唔要背默......... ??? 真係好好多!!!!

Charlotte_mom

咪就係, 唐詩三百首就話有意義姐, 果d"今天天氣好"背黎做咩

Jackielee 寫道:
我都好surprise喎！
我個女小一到而家小三都唔洗背ga wor！