小西灣迦南幼兒園

Meisuen

我囝囝11月1日返n1啦, 有冇媽咪個小朋友都係尼間架? 交流下啦! 多多指教!       

Meisuen

hello hello!

Meisuen

今日陪左囝囝番第2日學. 上午9:30-10:30 今個禮拜適應期, 明天家長不能陪.  學校派左好多書本比軒軒, 估唔到幼兒園都要教課本.

第1日, 我囝同兩位小朋友都係插班.  但果兩位小朋友已兩歲半仲識講好多野, 而我囝岩岩兩歲, 只識講2, 3個單字, 一入課室, 老師要佢地洗手. 兩位老師照顧10個小朋友.  老師淨係同果兩個新女仔去洗手, 叫我自己同我囝洗手, 我有點不高興. 之後, 食早餐, 可能老師見果兩個新同學識講野, 就成日坐係佢地側邊同佢地玩, 其實都有家長陪啦, 應該要照顧下我囝, 我囝習慣起身已食包包, 所以不肯食, 老師就不理佢, 由佢去囉玩具玩, 其實係要食完放好d碗先玩.  老師淨係教果兩個新同學放好. 所以我很不滿意.  之後排隊去另一班房玩遊戲, 我囝不肯去排隊, 爬地樓計, 老師都不理, 我終於忍無可忍叫老師"可唔可以睇下我囝, 人地已經識咁多野, 而且我囝最細係咪應該多加照顧, 妳淨係顧果兩個女仔", 跟住老師答我, "我念住有妳係到可以睇住佢!" 比佢激死.

尼兩日好左好多, 自從話完老師, 佢地明顯留意多d我囝.  如果亞囝讀得開心我會繼續比佢讀, 但如果比我發現d老師梳忽我囝, 我一定轉校!

Meisuen

hi hi!

ian723

Hi, Meisuen

我囝囝都係係呢間讀2歲班.

情況可能有些不同, 因我囝囝不是插班生, 大家一齊開學, 而我又唔係一個細心既媽咪, 所以未有察覺到類似情況.

老師可能講得0岩 – 諗住有妳係到可以睇住佢! 但如你所說那小孩的家長都在場, 她就不對了 ! 作為一個老師對學生應該一視同仁, 明白你的感受.

可能是老師本身是比較喜歡女孩子吧.

果陣我囝囝都喊左成個月先適應, 最重要都係睇你囝囝返學開唔開心.

Meisuen

ian723 ,

好高興識到妳又係迦南返學.  妳住太和, 都係尼樹讀既? 我囝返左4日都冇咸, 但今日工人話我知佢入班房時咸.  最衰我返朝9晚5, 好難請假再去睇佢上堂上成點, 所以都有點擔心.  我已在手冊上問我囝的情況, 希望老師今日call我啦!

ian723

我囝囝3歲前跟奶奶住小西灣, 03年8月先搬返來大埔讀K1. 因11月生細女. 終於可以唔做做 weekend 媽媽.

我仔仔喊左成個月至收聲, 但好記得有機會湊他放學時, 他一見到我即刻撲過來攬著喊晒叫 ”媽咪”. 問佢鍾唔鍾意返學佢話鍾意.

希望你困囝快D適應啦 .

Meisuen

ian723 ,

咁即係妳囝囝已讀完n1啦! 妳可否講下妳對尼間學校comment? 因我睇"海濱迦南"個topic, 有d家長不滿d老師梳忽照顧小朋友, 有個家長仲退學tim. 所以想知尼間迦南會唔會咁! 我終於都等唔切老師覆電話, 我lunch time打左比佢地, 老師都交代得好清楚,  佢話我囝淨係咸左一陣, 一食早餐就冇事,所以我都放心.

Meisuen

hi hi

ian723

Sorry, 忙左D.

我囝囝讀果年係2002年0既9月. 我唔知學校對學生及家應該係知至算”好”. 但呢間學校比我既印象0唔錯, 至少一路都好放心, 小孩有乜損傷會第一時間通知我.

我奶奶住富景9座, 落樓行過2座就到, 你呢, 住邊架 ?

Meisuen

ian723 ,

多謝妳分享下妳對迦南意見, 聽妳咁講都安樂d.  我住筲箕灣, 搭巴士番學都好方便! 我囝番左6堂啦, 老師話佢淨係一要佢入課室就咸, 不過老師抱住佢同佢玩一陣就冇咸. 暫時都算ok啦! 希望老師keep on 照顧我囝多d, 因佢係班到最細岩岩2歲, 其他已2歲幾!

Meisuen

hi hi!

ian723

Hi, 我細女都岩岩2歲啦 !
我係一仔一女.

我見你post左個問題 “有冇生囡好秘方 ?”

如果你一心想生多個女, 但即使是”仔”都一想喜愛, 那你就當聽故仔吧.

這方法是我媽聽說的, 我們3姊妹及大嫂所生孩子的性別, 末照超聲波媽媽已猜對了.

醫生照到是男嬰, 妹妹以為媽媽老作,  9月尾我妹妹誕下女嬰.

方法是”咩咩”日子在女性”單數”年齡生男, “雙數”年齡生女.

假如你現在是32歲, 要在33歲生日前”咩咩”咁就係女啦.過左33歲生日”咩咩”咁就係仔啦.

但如果錯左唔好怪我喎

Meisuen

ian723,

又比妳發現左tim    !

照妳咁講 (假如你現在是32歲, 要在33歲生日前”咩咩”咁就係女啦.過左33歲生日”咩咩”咁就係他仔啦.) 咁係咪生日果日前dodo 或是總之生日前邊日都ok?

ian723

Yes !

Meisuen 寫道:
ian723,

又比妳發現左tim    !

照妳咁講 (假如你現在是32歲, 要在33歲生日前”咩咩”咁就係女啦.過左33歲生日”咩咩”咁就係他仔啦.) 咁係咪生日果日前dodo 或是總之生日前邊日都ok?

winnieong

hihi~~
我想問下各位媽咪幼兒班0既學費係幾錢呢??
thanks!!

serenacheung

Meisuen :
我出現嘞!!!好耐無見, 因為呢排返工勁忙, 又要幫孖b搵幼稚園, 所以無上網!
見你個仔仔都適應得幾好喎, 我都好想孖b好似你個仔咁呀!!!咁其實迦南點呢???係咪都ok???
係呢, 你有無報其他幼稚園呀??
我地有報呀, 暫時呂郭碧鳳收左, 不過仲想睇多d!
我估我地多數只係比孖b讀幼兒班, k1會轉校, 因為我唔想佢地咁辛苦(k3好多功課)
唔知其他媽咪點睇呢?

SN

hi~
我表弟妹細個果時都係讀哩間(小西灣),
咁我又冇聽過我舅母講有咩問題~
但而家就唔知, 因為格左咁耐^^;

Meisuen

winnieong 寫道:
hihi~~
我想問下各位媽咪幼兒班0既學費係幾錢呢??
thanks!!

Winnieong,

幼兒班(分上下午班)學費$1800, 雜費$700.

Meisuen

serenacheung,

我冇報其他幼稚園, 因迦南可直升, 而且佢派d小學都好好, 又唔想亞囝綱適應又轉校, 所以繼續比佢係到讀!  我囝番左7日學, 我打過比老師, 佢地都好詳細交代, 因我囝係班最細岩岩兩歲, 所以我叫老師多d照顧佢, so far 佢番到學校會咸小小, 老師會抱佢入班房, 跟住佢會停咸.  18號學校仲比n1 d 小朋友模擬出外野餐, 都幾好.  每個星期五有手冊派, 家長亦可寫字同老師溝通, 又可知道囝囝學左d mud!  仲有呀, 學校有個清潔牙齒運動, 如小朋友同家長合作仲有獎囉tim, 幾好!可鼓勵小朋友學擦牙仔!