専注力不足及過度活躍症(ADHD)兒童家長站

當媽

Peanuts
當一知道阿仔有ADHD時，見佢成績又差，都明白很難催谷， 已經做定心理凖備入BAND 3學校，因入了BAND1又如何？他會開心嗎？但只望他不要群壞吧了！

  

當媽

露絲、小彬女
eyeQ味道很腥，小朋友不一定食到，你們看看是否入些少試下先。

Peanuts

anna_gigi,

你咁講令到我好驚呀


當媽,

你仔仔只係食左3個月藥, 遲d可能會好d呢~

我女由小一開始冇一份卷係可以完成, 做野又慢又冇記性, 升小二之後默書好多時都唔合格, 經常欠交功課, 有時明明做左又搵唔到, 成日上上下堂瞓左覺, 試過默書同考試時瞓左覺交白卷, 佢成績一直都係28/35, 幾年都冇變過, 舊年6月見左醫生開始食藥, 開學初期都唔太好, 不過冇恰眼瞓, 同埋可以完成功課, 第一次考試27/35, 但第二次就11/35, 全上學期16/35, 佢班係全級最差果班, 所以名次唔代表佢成績好, 不過睇到佢有進步, 今次考試派番黎d卷全部合格, 係咁多年來第一次, 雖然未派成績表, 但我巳經好安慰~

小彬女

當媽,

咁我係咪要打去問下有冇得試呀~~

penants,
咁好彩我仔小一既成績又未去到咁差, 全年佢都係唔記得帶一兩次功課, 只係成日唔見擦膠, 間尺, 上學期測試考試佢都可以攞到到高分, 不過操行就麻麻     希望今次考試唔好太差就得.

其實我好早都懷疑佢係adhd, 不過你地知政府排期有幾快架啦.     

anna_gigi

各位ADHD家長
你地知唔知道要食藥定義,醫生有冇解釋過你地聽,食左藥就唔係要佢一定成績好,會考到第一,係要佢固定情緒,例如破壞性強,到處擾亂地方,失去自制能力,跌親損傷,橫衝直撞,唔好令到自己身體受到傷害
Peanuts
睇你個女唔似adhd,就似我同事個女一模一樣,叫大頭蝦,無心裝載

Cow仔

露絲,小彬女,

你們可溜覽 : www.equazen.com 這網頁,內有詳細資料,怎樣幫到ADHD小朋友及網上訂購,訂五樽送一樽,下次再訂更有優惠.

看到各位ADHA家長都各有所難,我也有很深的經驗,從來未做過一件事,感到咁困難咁無把握, 就是他在學校考試及表現, 無論你跟他以溫習得多熟,在家裹很乖, 回到學校完全表現唔倒,只有令你難過的成績和投訢.

小兒8歲半,我也找了兩年,才找到它ADHD,才真相大白,但慶幸我一直與小兒感情很好,到現在食了差不多一年藥,表現尚可,斑主任說他考試很努力,成績都唔錯,但未食藥時,考試每科只得二,三十分,老師以為他唔讀書很懶,當時我再三強調,他比其他小朋友讀得辛苦,因唔記得,溫完又再溫, 所以我深信那裡一定出了問題,當時同老公常常有很大分歧,幸好一年前有了轉機,我相信我們永遠要向好的方向唸,有藥物控制,總比不能自制好,有副作用,就得衡量輕重,改變藥物份量或找出減輕副作用的方法,在食藥過程中,我也不段改進,只要一心想著怎樣幫他才令他感最好,我們家長一定找到最好的給他們,他們也一定感受到, 我常常稱呼小兒 “靚仔,乖仔” ,他會說多謝媽咪,他知我不段讚他,鼓勵他, 我相信我們用愛去改變他.

Peanuts

anna_gigi,

我第一次聽到ADHD係託管中心D姑娘同我講, 我撐左2年, 頂唔順送佢去補習, 補左3個月, 補習社攪佢唔掂, 叫我同佢去CHECK下係咪有問題, 最後去左託管, 託管左2個月, 姑娘同我講懷疑我女專注力不足, 俾左D資料我睇, 之後我去精神科排期見醫生........開頭我都有D懷疑, 但醫生好肯定咁講係ADHD, 重寫左封信俾我交俾學校~

ADHD有分專注力失調同埋過度活躍, 有D小朋友係2樣都有, 而有D就只有一樣, 食藥係令佢地可以習中精神同埋穩定情緒, 唔代表成績會突飛猛進, 可能我舉嘅例子唔好, 或者令人誤會, 我只係想講個女因為專注力好左所以進步左.....

我同事小朋友都係ADHD, 佢2樣都有, 但係佢嘅過度活躍唔係四處走黎走去失去自制果種, 佢係個腦不斷轉, 不斷諗各種各樣嘅野, 醫生話都係屬於過度活躍~

Cow仔

很多書籍或講座都比如食藥好像近視要帶眼鏡一樣,近視的人帶了眼鏡會看清事物,而ADHD的小朋友,食藥後可看到他的真本性, 當他們食適當份量的藥,而發揮到作用,就會見到一個有自制能力,可適當地選擇應做和不應做的事,好像沒有ADHD的小朋友一樣,食藥是令他有能力自制,不是令他考試會好或由曳變乖,但食藥可令他專心溫習後努力完成試題,他們成績底,很大機會是考試時分心或不能自制去完成試題,藥可以改變這些行為,跟本他們就不笨及唔曳,只是不能控制幾時應該做,幾時不可以做.但食了藥偶然也會不聽話.
聖誕那時,我層經有過一個經驗,我帶小兒到外地遊玩,當時他一直想要買玩具,怎樣也不聽話,完全好像沒有食藥一樣,一定要我買給他,不講道理以的,當時我很怕,是否藥物是沒有效, 但回酒店大家平心靜氣和想一想, 沒有ADHA小朋友都有扭計的時刻,都偶然會不服從大人的說話,他們食了藥等同一個普通小朋友,他們都有不想服從大人的事刻, 這是很正常的,了解他多D,不會令我對他有過份的要求.大家感情都好D.

anna_gigi

幼稚園-->小學-->中學
對於ADHD已經認識好耐,同時捱左咁耐,醫生話到中學會可能好番,現在只能期待
各位希望你地各位小朋友會好快好番

小彬女

anna_gigi,

你都叫做捱左咁多年, 可能已經望到佢好番, 但係我先係剛剛起步, 仲有好慢長既時間. 我仔剛剛食左藥都係1個星期左右, 但係見到我仔食左藥係會定少少, 但d藥力過晒, 好似仲衰過未食, 完全都不能自制, 攪到公公/婆婆完全唔知點好, 個個個都好唔鐘意佢, 就連我自已都係.  

有時唔係想鬧佢, 明知佢有病唔關佢事, 但係睇到佢不受控制, 情緒更加唔駛講, 不停咁破壞, 自已都覺得好無助. (好似長期抗戰咁, 好辛苦)

    

露絲

HI 當媽, yionyoyo, 小彬女,

好多謝你們的資料呀...   

其實大家所講的問題, 通通都可以在我個仔身上見到.

他的破壞程度及情緒問題什為嚴重, 在他上幼班3歲時已看得出, 不過個老公話無問題, 重話有問題是我, 真是很唔開心.   我的臨床心理學專家話ADHD是一種遺全的問題(同老豆有關), 後天唔會形成, 只會加劇.   不過這數年來真是要多謝我老公同99, 唔係他們的話, 我個仔唔會那麼嚴重.   懷疑小兒有問題後7年來, 我老公不斷供他看超人卡通, 買超人玩具, 高峰期一個禮拜試過買4-5日玩具給他, 他說買什麼就買什麼, 放假又唔教個仔做功效又唔CHECK手冊....等到我放工回家教個仔做功課默書, 真是人都癲(日日成9間才做完).  這時候小不免個人勁ANGRY, 所以馮人必閙.   個老公都唔知唔識分邊樣是對邊樣是錯, 往往同我相反.  話比佢聽個仔好NAUGHTY屋企水浸, D野瀾曬, 日日打細老, 佢又唔閙又唔教又唔講道理, 還買玩具給他. 唉~~~~~     叫佢同個仔講道理, 佢還帶個仔入BEDROOM關燈看恐怖片及打架片, 真是嚴個仔未夠嚴重, 結果個仔比我閙及老公的無知的適心引導下, 情緒勁差及不平衡, 果陣子我真是很慘足足6年後才CHECK到是ADHD.  

我老公唔肯接受, 還說我有問題, 其實醫生話我老公都是ADHD, 你地話我慘唔慘呀?   不過我放棄了分工差不多兩年, 現在可算是第1季的收成期, 兩個仔好了很多, 行為及情緒還算有很大進步.   唔知第2期幾時收成?   但肯定同個仔的關係好了很多...   

大家記住唔好比個仔看打架片, 就算小小都唔好呀?  因為個影響性是很大...   你是唔會知D小朋友看完後在想什麼的及下一步在做什麼的, 我兩個仔就是一個例子, 大仔看完D恐怖片心理上很有問題, 個細仔看完D打架片就學人打架, 試過看完周星池的功夫, 無端端拿張接椅向我後腦打下去, 好彩細力, 如果不是的話, 怕且我死鬼咗啦!   (真是要感謝我老公的關照    )

我帶大仔去看中醫, 她話好多小朋友更本唔係NAUGHTY或是有ADHD, 只是因為小朋友的身體出現毛病, 要發出來, 要叫, 所以D人未話佢地好NAUGHTY囉, 只要對症下藥個小朋友就會有改善.  (佢地話個五臟六腑有火, 要發出來, 個腎差, 所以形成成日無記性, 其實唔係佢地LAZY或無耳性.  只要適心調理便可.)  話時話個仔看了幾次, 好似真是大食咗, 記憶好了小小, 要是以前考完試後D課本早已還返曬比老師, 什麼也記不起, 剛剛帶他考轉校試, 他竟然還記得一些, 我真是很開心.

不過最令我失望的是, 他竟然在老師面前說他更本唔喜歡這學校, 我真是想死    , 就算考得好人家都未必收他, 佳因這類人就是這樣, 說話前唔想清楚才說..   我想今次無希望了.   

當媽

覺得大家跟老公分歧很大，我都和你們一樣。
其實，在仔仔一年班時，已

小彬女

露絲
咁睇中醫係咪要日日煲藥架, 因為我唔係全職媽咪, 更加冇咁多時間, 再多問聲你在那裏睇中醫架, 收費貴唔貴, 如果有更好既方法我都盡量想去試.

當媽
你講既發展成對立性反叛行為, 我仔而家就好似咁, 佢d藥力過晒就完全都唔授控, 叫佢做東佢偏係同人作對, 大吵大鬧. 我都唔敢想像如果暑假唔食會有咩後果.


    

露絲

"但提起副作用，就好大壓力了"..........我很同意

今年8月12日再做評估, 望有大進步. 唔需要吃藥啦~~~

小彬女

當媽/露絲

"但提起副作用，就好大壓力了"======>你地可唔可以話我知呀, 睇到我好擔心呀

  

anna_gigi

小彬女
副作用- 消瘦,冇胃口,有時頭痛,嘔心,訓唔到教
活躍程度-食左藥過後藥力消失,嚴重過未食藥果陣
我未同你地講青春期仲嚴重,成日想打架
                

小彬女

anna_gigi


副作用- 消瘦,冇胃口,有時頭痛,嘔心,訓唔到教===>暫時只係見到佢有時話頭痛, 反胃想嘔, 會唔會係越食得耐d副作用就越勁呀???

活躍程度-食左藥過後藥力消失,嚴重過未食藥果陣====>點解會係咁架, 如果係咁, 藥力過晒咪仲辛苦過之前, 心理壓力真係好大.

曾經想過放棄佢, 就連我自己都放棄自己, 但問心又唔可能咁做. 但係佢地呢個病根本好似冇可能好起黎, 點算呀?

萁菖媽咪

Hi! 我兩個仔都係ADHD要食藥。

大仔今年升小五，食ritalin已差不多兩年，現時每天要吃四粒 ，過幾天要再見醫生可能又要再加，他愈來愈無胃口，因為唔夠營養由肥仔變到依家好瘦和近視急促加深，早幾日開始試食加營素，之前試過好多種維他命都無用。

細仔今年升小二，今年三月開始吃藥，每天吃粒半，暫時未有副作用。

每天晚上七點左右藥力無晒，他們會大跳大叫、跑來跑去…，無晚安寧。我最慘的係連老公都好似有ADHD，同兩個仔一齊癲，叫極都唔停…

雖然老公無反對他們吃藥，但每次家庭聚會老公的兄弟姊妹都比好多說話我聽，如：陰公囉瘦

shouxi

我係一間小學老師﹐ 學校裡面有好幾個ADHD 既學生﹐ 大部份都有食藥。我覺得食藥既學生﹐ 藥力剛發作時還好﹐ 經一段時間﹐ 佢地就會好'dup', 好疲倦﹐ 無精神。然後藥力過後﹐ 又開始活躍。  不過我見有D例子係無食藥﹐ 父母係日常飲食上控制糖份﹐ 效果比食藥既好D﹐ 另外﹐ 我有個學生媽咪經常幫仔仔用一種香薰油刮痧﹐效果都好顯著。 佢地既情況好似穩定D。
另外﹐ 如果要補充營養﹐ 我建議可以食天然保健食物---螺旋藻﹐  佢含有比母乳更豐富既營養﹐ 如有興趣知道更多關於螺旋藻既資料﹐ 可以PM 我。 仲有﹐ 牛初乳都係好好既營養補給品。

anna_gigi

萁菖媽咪
ritalin每天要吃四粒,使唔使咁多,咁你點比食法,例如幾多個鐘頭食一粒,記得過左下午四點唔食得,因為會訓唔到,醫生有冇解釋比你聽ritalin其實係一隻減肥藥
好彩我第二個係囡,唔係兩個都係仔我實自殺,當時大仔睇ADHD覆診醫生問過我尼胎仔定女(當時大緊肚),我就話女,後來佢叫我放心,因為女比仔低幾度