優才書院家長分享站

Farm

我都買左兩套    

我個仔唔喜歡穿黑鞋和襯衫, 如果將來可以日日穿運動服就最適合佢啦, 請問要不要買3套替換呢?

Farm

meimeilam

我只係買左兩套, 我日日都洗, 同埋屋企有乾衣機, 但我都計劃買多套比佢 :    :

tracyfo

dabbycheung,

你好, 雖然我未係優才既家長, 但我都好鍾意呢間學校, 好想知道多d呢間學校既資料, 你介唔介意pm當晚的內容比我睇下呀, thanks

仲有想問下其他家長, 來跟小一你地的小朋友係將軍澳校讀定旺角校讀呀?

跳跳虎

我報名時係兩間校舍都揀,學校就收咗仔仔係將軍澳讀。

Farm

Hi meimeilam, Gitmee and DabbyCheung

我有一個問題是關於阿仔的課外活動班的, 希望你們能抽空回答.

阿仔現時每個星期二晚飯後(7:30pm)會去上英文堂, 可跟NET學英文, 星期三晚就上畫畫班(他十分喜歡, 還覺得自己畫得很好, 阿sir又錫佢, 自信心亦由此建立不少, 有時又可透過他的畫了解下他的心事), 星期六上午上游水(阿仔不甚喜歡運動, 這是他唯一曉的, 已曉自由式25公尺, 正在學背泳和蛙式, 不過學了兩年都只是咁, 老公有的微言), 下午上英文拼音班(已學了半年, 同班最細是他, 還有個小四生呢).  

九月上小一後, GT已有很好的英文課程和外藉老師, 加上小學生活比較忙, GT又有自己的興趣班(我知好似都有游水和畫畫, 阿仔還說喜歡學圍棋), 你們認為是否還有需要繼續現時的四個班呢? 一來是時間問題, 晚上學完興趣班回家已九時多, 之後洗白白, 擦牙, 講故事, 看小小卡通片, 上床已十時, 有時他還在床上不停問問題, 十一時還未睡, 第日就唔肯起床上學.

第二是錢, 四個班合共每月也要2,000, 加埋小一的學費, 車費, 飯錢, 都幾多, 我希望可節省些, 留給弟弟用.

但是, 現時的興趣班中心出了通告, 一次過交7,8,9月學費有9折, 還可參加畫展, 阿仔學了兩年, 這是第一次有這個機會, 我想給他學畫畫至九月底, 之後再算. 你們認為如何?

請各位備D意見.
Farm

dabbycheung

Farm,

首先你有無安排暑期活動比你個小朋友？
如果無，我覺得呢四個活動，你可以只參加7,8月。雖然一次過交3個月會有9折，但其實只參加7, 8月會唔會仲化算？
至於果4個活動，我認為你可以cut2個學英文既course, 一來優才響G1已經有拼音學，所以我覺得唔洗再比$出去學。而另一堂英文堂，亦都係第日優才有得學，除非你個仔返學後，覺得跟唔上，先至再出去學都未遲。
至於另外果2個course, 可以先繼續，直至才華班有定案(9月中至9 月底)至決定都未遲。因為如果你小朋友鐘意上晝晝堂，就無謂cut,除非才華班又係編左去學晝晝，到時就可以cut左去。
而游水，我唔記得好似學校係唔係要比錢學？如果要比錢，就無謂cut.

希希媽媽

Hi Farm, 及所有優才家長,

我一向都好少在BK留言, 今日路過, 很開心見到多左優才家長在此交流, 亦忍唔住同大家打打招呼!

我個仔今年在優才讀緊小一, 去年我在這個時後亦開始考慮課外活動時間的問題，因為升上小一後, 始終同上幼稚園有些分別, 包括做功課及閱讀時間, 所以當時我都有重新考慮阿仔的課外活動, 最後決定如下可作分享:

一.        繼續上畫畫班, 因為畫畫可以持續地幫助他建立自信及加強他的表達能力
二.        運動是不可缺少的, 由於學校有兩項才華班供學生修讀而不收費用, 你可以考慮選擇一些運動課程如跆拳體操等, 而我個仔可惜最後未獲錄取, 我唯有在出面幫他報學羽毛球.
三.        英文方面, 我同你一樣都有讓他學Phonics and Oral, 最後我決定停上Phonics, 一來因為他已讀了一年多, 有了基本概念, 二來學校一年級開始已有Phonics課程, 所以我決定繼續上英文會話, 希望他多講英文。

希望以上的分享可以幫到你, 另外, 歡迎你的小朋友加入優才的大家庭!

希希媽媽

gitmee

Hi Farm,

優才沒有泳班，只是家長曾經自己組隊，在學校集合，由泳會安排接送，但這個學年已沒有了，大家都是各自在外面的泳會上課。

由於優才有 phonics，故大可停讀英文併音班。

至於畫班，則視乎小朋友開學後選修那個才華班，而才華班大約到十月才開始呢！所以你打算給他學到九月底，是不錯的編排。當然，若他真的很喜歡畫畫，繼續也無妨呀！

雖然我囝囝已經四年班，但都分享一下他平日的活動，希望有參考價值。

首先少少背景資料，我囝囝是個不喜歡上興趣班，又不太喜歡運動的人，但最近總算改善了一點，以下是他考試前的活動時間表：

星期一：學校課後資優班（奧數)
星期二：學校才華班（視覺藝術）
星期三：學校 Individual Education Program（數學)
星期四：學校才華班（大

Farm

希希媽媽, DabbyCheung

多謝你們的意見, 咁我就幫阿仔繼續報畫畫至九月, 他就可以keep住自己的興趣, 又可參加畫展啦, 呀, 是不是G1九月份會上半日學, 幾點放學?  以及十月才知道入甚麼才華班? 因為我想幫阿仔的畫班change 到下午, 咁就唔洗咁夜啦.  

至於其餘3樣, 我就只報7月和8月先, 因為暑假都無安排特別活動給阿仔, 只是打算再加多二日游水, 就係屋企個club house學, 近近地, 方便工人接送.

到左九月, 就一於停左英文和拼音, 游水就留住先, 看看阿仔會唔會派到游水才華班之類.

希希媽媽:

優才的英文課程應該好好, 為何還要讓小朋友在外學oral呢?  可否分享一下.

謝謝
Farm

Farm

Hi Gitmee

謝謝你.

我想問下是不是才華班免費, 其他就要另外收費?

星期四上完才華班又去上私人英文班, 會唔會太晏? 你會安排在下午幾點? 或是晚上?

謝謝
Farm

gitmee

Hi Farm,

課後資優班和 Individual Education Program 由老師推薦個別學生修讀，是免費的。學校還有一些課後收費課程（例如小提琴、足球等），學生可自由報讀。

星期二和四的才華班是課堂的一部分，3:30便結束，所以不會影響其他課外活動的。我囝囝的英文班上到6:00而已。

回應你上一個 post 的問題，優才九月不是整個月返半日的，應該只是頭兩星期。

至於上英文班的原因，不是優才的英文課程不好，只是我囝囝太喜歡看中文書，相對不太主動看英文書，所以我希望增加他接觸英文的機會，從而提起看英文書的興趣，現在已有成效啦！

希希媽媽

Hi Farm

我繼續英文會話因為我個仔幼稚園是全英文, 接觸英文時間較長, 相反上了小學後, 只有在英文課堂才講英語, 相對接觸英文時間較短, 所以還是繼續英文會話。而他的所謂會話班, 我只是請了位外藉老師到家同我個仔玩, 希望他從輕鬆的環境下學英文。

希希媽媽

Farm

Hi Gitmee 和希希媽媽:

謝謝, 我明白了.

Farm  :

跳跳虎

gitmee,
我仔仔也十分喜歡數學,對數學很有天份,應怎培養他?
我見到才華班有珠心算及奧數,那樣比較好呢?看了才華班對奧數的介紹,但我仍不是太明奧數是學些什麼,可否介紹下?EPGY MATH是什麼呢?
我也想給仔仔報"大膽創意大聲講",你仔仔參加了一段時間,有沒有增強了自信心、表達能力?

gitmee

跳跳虎：

我囝囝從小已對數字很敏感，我和先生嘗試向他灌輸一些較深的數學概念，發覺他能夠應付，便逐漸把程度提高。我們並非很有系統地刻意培訓，只是平日當作遊戲般與他玩玩而已。

入了優才，囝囝才華班選修奧數，初時導師可能認為小朋友年紀太小，所以只教他們一些巧算的方式，不注重講解背後的概念，囝囝雖覺好玩，但不滿足。今年課後資優班似乎沒有這個問題。

至於 EPGY，全寫是 Education Program for the Gifted Youth (詳情請按此），是美國史丹福大學研發的資優課程，香港的代理為 Infokids（詳情請按此）。由於是美式課程，因此與香港的課程不盡相同。我曾問過 Infokids 的導師，也把囝囝的 handouts 給在傳統中學教書的朋友看過，他們表示 EPGY Grade 5 約等於香港中一至中二的程度。囝囝很喜歡這個課程，因為比較

sonma

gitmee,

多謝你的資料!

請問你小朋友是幾歲開始讀EPGY的MATHS programme?

謝謝!

sonma

gitmee

sonma,

我囝囝是三年班升四年班的暑假開始讀。暑假讀一個月的 intensive course，一星期上三堂，每堂兩小時。開學後則一星期一堂，每堂一小時。

sonma 寫道:
gitmee,

多謝你的資料!

請問你小朋友是幾歲開始讀EPGY的MATHS programme?

謝謝!

sonma

sonma

gitmee,

我剛剛打電話去問,佢地話要send學校成績後要考試先至知到可唔可以讀wor. 份paper係考九歲d題目, 我想囝囝去試下, 但又驚佢唔識睇題目而又深

gitmee

sonma,

你囝囝幾年班？他們要求報名者在學校的數學成績為頭5%，然後才可以考aptitude test。試卷中英對照，事前無須準備，都是考邏輯推理之類，當玩遊戲便可。

sonma

gitmee,

我囝囝ｋ３，學校冇名次ｇａ！佢ｄ數學同ｄ推理都幾好（我諗數學都是頭５名卦），如果係考邏輯推理都可以俾佢試ｇｅ．Infor Kid　話６歲都可以考．