06年小一新生家長

wyl

已問了學校職員, 華比銀行即是中國工商銀行, 所以可在任何一間中國工商銀行開戶即可。

TWMa

may22999 & wyl:
Thanks for your information.

Boris

wyl:

謝謝。中國工商銀行方少少，不過最好都係家長自行選擇轉帳銀行。

wyl 寫道:
已問了學校職員, 華比銀行即是中國工商銀行, 所以可在任何一間中國工商銀行開戶即可。

wyl

係呀。要特登去開個戶口轉賬, 真係好唔方便, 仲要記住入錢, 而且好像也有最低存款額, 少於某個數, 可能會收手續費之類, 總之好煩!!

wyl

今日新生家長會, 各位家長是否都有去? 還好今早不算很大雨, 不然就麻煩了。

小女被編到1C班, 還與一位幼稚園同學仔同班, 小女很高興。你們呢

今日聽了很長的briefing, 覺得都幾有壓力, 各方面都好有要求。尤其是當佢哋話協恩有95%學生有學鋼琴時...因為小女冇學過

Boris

我和太太也有去。聽完 Briefing 後，我們覺得這學校比預期更好，覺得囡囡真是很幸運。

我囡囡也被編到 1C 班。似乎沒有囡囡幼稚園的同學 (也許不認識吧)。

我都認同有壓力。學校有很多東西要學，甚至星期六也可能要去課外活動。學術要求似乎也很高，聘請補習老師又怕囡囡倚賴，不聘請補習老師又怕我們兩公婆放工後太晚沒時間，真煩惱！

聽完 Briefing 後，我們認為協恩小學很全面，老師對小朋友很有愛心。

你囡囡有沒有報名加學校的拼音班？

wyl 寫道:
今日新生家長會, 各位家長是否都有去? 還好今早不算很大雨, 不然就麻煩了。

小女被編到1C班, 還與一位幼稚園同學仔同班, 小女很高興。你們呢

今日聽了很長的briefing, 覺得都幾有壓力, 各方面都好有要求。尤其是當佢哋話協恩有95%學生有學鋼琴時...因為小女冇學過

wyl

咦? 這麼巧 今天我們排隊試食時剛好有位與小女同班的同學仔排在我們後面也是讀SC的, 又是住長沙灣的, 難道.....是你們嗎? Boris你女兒是不是叫"爽爽"

Boris 寫道:
我和太太也有去。聽完 Briefing 後，我們覺得這學校比預期更好，覺得囡囡真是很幸運。

我囡囡也被編到 1C 班。似乎沒有囡囡幼稚園的同學 (也許不認識吧)。

我都認同有壓力。學校有很多東西要學，甚至星期六也可能要去課外活動。學術要求似乎也很高，聘請補習老師又怕囡囡倚賴，不聘請補習老師又怕我們兩公婆放工後太晚沒時間，真煩惱！

聽完 Briefing 後，我們認為協恩小學很全面，老師對小朋友很有愛心。

你囡囡有沒有報名加學校的拼音班？

Boris

wyl (Cherry?):

哈哈! 正是正是! 小女就是爽爽了 (恐怕沒有第二個小朋友叫爽爽這麼「騎呢」吧?), 我那個傻女還說自己坐第八行, 真係笑死人。 :

你囡囡是 Tung Yan (拼音) 吧? 當時我心裡想有可能是你了, 因為那個小朋友是讀崇真的。

wyl 寫道:
咦? 這麼巧 今天我們排隊試食時剛好有位與小女同班的同學仔排在我們後面也是讀SC的, 又是住長沙灣的, 難道.....是你們嗎? Boris你女兒是不是叫"爽爽"

wyl

係呀! 我就係Cherie呀! 睇嚟我哋兩家人都幾有緣噃, 希望將來我們的小朋友都會成為好朋友啦! 我與你太太已交換了電話號碼, 以防將來萬一有啥不清楚或者抄漏家課之類可以交換情報呢

各位家長, 請問有冇人可以話我知學校話要買的墊枱紙, 即係咩 我唔識買  

Boris

wyl:

又真係幾有緣噃。因為我們當日沒有見到相熟的小朋友或家長，所以我太太非常努力地四出搭訕，其中一個竟然就是你！另外，你們住青衣，如果不搬家的話，那麼我們的囡囡還有可能坐同一輛褓姆車添，因為好似只得一架褓姆車 (No.2) 由荃灣去協恩。

至於墊枱紙，我太太話佢一早就諗住買，以方便囡囡吃飯時不會弄污桌子，又可以吃完飯後簡單地將墊枱紙摺起便可帶回家洗，沒那麼混亂。

wyl

Boris,

校車應該唔會同一架, 我搵到一架由青衣去協恩架, 仲喺我屋企樓下有站, 不過未知幾點上下車, 但最少有車到就唔駛搬屋了

請問你講的墊枱紙是哪種? 是薄膠的還是紙的? 在哪裡買?

TWMa

wyl, Boris:
請問果日既試食活動如何? 阿女病左, 聽完 Briefing, 帶阿女返屋企休息, 冇再繼續.
學校既 Briefing 的確令新生家長對學校有更多的認識, 而且, 對學校感覺良好, 我反而覺得讀協恩可以可輕鬆, 但課外活動肯定多采多姿
暑期 Phonics 班唔會參加, 因阿女學過, 果日係學校測試, 佢12題答啱11題 (一條聽唔清楚), 但星期六會返學校揀樂器, 你們是否都會返呢?

wyl

我都覺得協恩真係有好多活動, 我雖然都覺得好多元化, 不過就有啲驚我應付唔嚟! 因為我要返工, 主要驚唔能夠配合學校的要求。

試食唔錯, 我囡都好中意, 訂飯我就一定會訂, 反而開學頭半個月冇飯訂, 要自己帶, 我覺得仲煩!

Phonics因為我囡依家都喺外面學緊, 而且要返幾日學, 又冇人接送佢, 所以我都唔打算俾佢返協恩嗰個。TWMa, 你囡好叻, 啱11題咁多, 我囡就做錯好多, 但之後問返佢, 佢又識喎, 我問佢點解錯咁多, 佢話聽唔到喎 係呢! 你囡編咗邊班?

下星期六我會返, 其實我囡而家喺外面啱啱學緊小提琴, 所以如果學校有得學, 我就唔俾佢出去外面學嘞!

明天舞蹈校隊個甄選, 你們會參加嗎? 我囡一向冇跳開舞, 所以我唔打算去lu~

TWMa

wyl:
你囡編咗邊班?>>> 又係同班囉  
阿女依家學緊鋼琴, 但聽學校咁講, 都會俾佢學多一樣樂器. 佢都冇跳開舞, 不過對音樂、舞蹈方面都有興趣, 之前現代舞暑期班因有幾堂時間同認字班撞堂, 冇同個女報讀, 但今日會返學校試下, 如果入選就當玩多一樣嘢.

wyl

嘻! 咁啱o既, 我哋幾個喺度傾計o既都係同一班, 咁以後可以喺度多d交流吓啦!

係呢! 個舞蹈甄選結果如何? 上嚟報吓喜吖!

我今日填自動轉賬張form, 大家記得銀行名要填"中國工商銀行 xx分行", 另外最重要係account no.個銀行編號應該係"072", 千祈唔好填咗佢sample寫嗰個029, 係以前華比個銀行編號嚟架, 而家唔啱架啦!!!

wyl

請問各位知唔知開學要交幾多張相？ 我睇哂成份memo都冇提到

may22999

九月開學後學校會安排影相，又平又靚。

wyl

收到， 唔該哂！ 咁我唔駛幫亞囡影定lu∼∼∼

may22999 寫道:
九月開學後學校會安排影相，又平又靚。

仲有， 想請問吓墊枱紙係點架

may22999

係咪視覺藝術用，我就買膠

TWMa

阿女入咗現代舞預備班, 正式校隊名單9月先確定.
前晚列出阿女開學後仲會保留既校外活動 (游泳, 鋼琴, 英文), 如果再加現代舞、學多一種樂器, 咁, 會唔會好忙! 仲未計學校本身提供的視藝活動、星期五下午果兩堂、其他由學校提供的興趣班...
仲有, 社團平時會唔會都有活動需要參加呢? 阿女好鍾意合唱團, 我應承咗小學會俾佢繼續參加 (小一有冇得加入合唱團?) 諗諗下都覺頭痕
原本見學校咁早放學, 心諗, 返到屋企仲可以瞓半個鐘先做功課、練琴, 依家睇嚟, 時間似乎都頗緊湊! 開學後真係要觀察下先決定玩邊樣嘢.
至於墊枱, 我見到出邊有膠墊賣, 似乎都合用.