呀仔返暑期託管第一日巳出事.. 唉

小白427

仔仔今年暑假後升小二, 現在在油麻地的精神科度覆診.

今日第一日返兒童全日的託管, 放學時我巳被社工了解仔仔的背景.

又係果d坐唔定, 駁咀, 唔守規距都ok, 社工話呢d係小問題.

但較嚴重的是.... 仔仔擅自拿取老師沒收同學自行帶來的玩具 (老師係擺係抽屜內). 後來要檢查同學的書包, 在仔仔書包內找到, 仔仔話唔知點解係書包. 當然是excuse吧, 託管的社工姐姐處理好好, 好有經驗.

但社工姐姐話如果佢有d傷人的行為, 就唔可以再係度託管的了, 我問有冇具體d的例子, 佢話例如打人, 而不太好的消息是仔仔今日巳有少少這方面的舉動, 因為他起飛腳, 差點踢到隔離行的同學仔.

到我同社工姐姐了解完後,就加埋仔仔同我地傾, 我問佢, 係度開唔開心呢 (開心), 想唔想暑假係度返託管 (想), 咁我即刻講, 你今日唔係太守規距同擅自拿取他人物品我巳經知道, 如果你想留係度, 就唔可以再做, 姐姐講明, 如果你再唔守規距, 就唔可以係度託管啦, 佢好似明咁... 至於做唔做到, 我諗要拭目以待.

我好認同頭痛的媽媽個topic, 話點解好多媽媽咁希望自己既仔仔係資優, 佢既體會亦係我心聲, 我自己亦會對佢好忟憎, 尤其有d問題發生(eg. 擅自拿取他人東西, 巳不是第一次發生, 地點亦是, 如百貨公司, 書店, 學校訓導主任, 校長等), 甚至我忟到帶佢去差館見警察, 佢先有d醒覺咁, 之前都係渾渾噩噩.

返託管亦都係我考慮左一段好長時間因為我都驚佢不守規距導致影響他人, 本來5月巳接受報名, 我不斷考慮考慮到7月亦未敢報名, 直至同教育界朋友傾計, 佢提醒我, 選擇的託管如是非牟利機構的會有社工註場, 他們應有一定經驗巳應付.  因為這朋友的說話我亦決定去報名. 點知返第一日巳被社工知道佢有行為問題. 而社工的處理手法我亦好滿意, 主動講發生乜事, 處理方式, 老實講學校的社工我根本沒有聯絡溝通了解. 他跟進我仔仔的行為問題進度如何我亦全不知情.

對於我仔仔, 我覺得佢有d聰明反被聰明誤的感覺.. 有點可惜, 佢知道自己資優, 有d認叻, 要面子怕失敗, 佢上堂唔留心, 唔知老師教乜, 返到黎要自己諗, 明明一個鐘便可完成可以做三個鐘, 英文單字永遠串唔掂, 冇耐心唔認真去串, 到第二日, 佢自己唔識就使出茅招, 會捉老師痛腳(如覺得老師讀得唔清楚), 乘機發脾氣唔黙書... 咁我問佢, 係咪識, 佢話係, 我晚上同佢黙, 佢當然原形畢露... 呢d情況好多時發生, 亦令我忟到不得了.. 我記得, 學期尾大考, 學校有哂提示會串乜野生字, 我當然要佢黙, 足足花左幾日, 要我好嚴厲, 好有壓力地同他串字, 他才認真記入腦. 當然佢亦喊到花面貓咁... 知道呀媽唔會放過佢, 因為他是有能力去記, 但他選擇不記.

第二個例子係書的兒童遊戲要找出不同處, 他找不到, 我提議他, 每個地方去做對比, 如眼, 口, 鼻, 如果照我的邏輯去做, 會找到的, 因為我巳找到了. 最後結果是不了了之, 因為他話不想去找. 我索性問他是否找不到, 他才說是, 我重複叫他用我的邏輯去做一定得, 但最後他不再嘗試了.

唉.. 暫時分享住咁多先. 因為我都累了.

soong

小白427,

媽媽係偉大的！做資優生的媽媽更加偉大﹐要更多忍耐同心機...同佢地無休止咁周旋﹐真係一d 都唔容易！
加油！為你地打氣！

veronna

你講既情形, 我囝囝都試過一次, 亞sir沒收左一個小朋友既野放左係櫃桶. 不過囝囝唔係

0603d1

你小朋友case 較為嚴重, 你有沒有俾你小朋友上course. 我suggest 你可以上小童群益會.