深旺道St.Margaret 的優點與缺點??

G-Ma

sky_pan2000,

想不到學生對bk這類型網站也有興趣. (還是新加入的國民)

為什麼你會覺得同一棟校舍不可以有band 1同band 3的分別? 小學部的老師大部份都是新請的, 很多是外籍或非本地老師, 我相信與你在學時已經有很多不同.

至於你所講的師生戀, 其實很多學校都有這情況, 就算我自己讀書的年代都有.  有時也只不過是學生相互之間鬧著玩的遊戲, 旨在取笑同學或作弄老師, 未必是認真的.

我不認為St.Margaret 是選擇有錢人, 但當然家長為了小朋友受好的教育都是願意付出學費的, 大部份都是有心人就真, 正因如此就我所見小學部的學生都是有禮貌有教飬的小朋友, 絕對不是你所講的band3學生

我同意一間學校校長是很重要, 但學生質素也同樣重要.  幾好的校長遇著band3學生, 幾有能力有時都無可奈何. 但我覺得校長可以爭取到政府資助去辦一所一條龍直資中小學, 並非一件容易的事, 當中必然要過五關斬六將, 所以我認為校長是有能力的人.  再者我相信校長憑過往經驗更清楚知道如何辦好一所學校.  

我曾與好幾位中小學的家長談過, 他們小朋友已經讀了好幾年對學校也是很滿意的, 像你這麼不滿意學校我還是頭一次聽見.  有很多人喜歡以st. margaret過往的歷史去抺黑它, 亦有一些家長可能太想小朋友入讀此校而製造一些謠言去擾亂其他家長, 我希望你真的是本校的學生而不是前者.

G-Ma

Hi Freddielau,

雖然你小朋友尚未入讀St.Margaret , 但仍然這麼支持我們, 真是很感謝你.  大家都知道St.Margaret 是一所新校, 沒有數據可供參考, 所以我相信選擇得這所學校的家長都一定經過深思熟慮, 一定會做過長時間的觀察及了解, 不會隨隨便便的就把子女送進來.

我同意BTau and Marymama88所講, 我們要相信自己, 相信自己的小朋友, 相信學校.  我們小朋友在學校每一天所經歷的就是最好的証明. 每天看見他們愉快地上學, 回家後滔滔不絕的匯報在校的趣事, 英語及普通話均有明顯的進步, 亦看見他們不斷地在吸收新知識, 行為舉動都無不良情況.  我想這樣已經足夠了. 我亦相信只要家校合作, 幾年後自會有公開成績去証明.

Freddielau希望你小朋友可以很快加入我們這個大家庭.

G-Ma

Hi hongkongpiglet,

學校每年收生若80個.  我囡囡兩年前考時只係考英語, 無考普通話, 今年情況就要等其他家長話比你知.

原文章由 hongkongpiglet 於 07-7-13 17:46 發表
I am interested in applying P1 for my daughter in 2008-09.  Do you know the quota for P1 admission in 2008-09?  Apart from English as medium of instruction, about the Mandrin??  Thx

G-Ma

hi scbhongkong,

學校最注重小朋友英語能力, interview都會以英文進行.  其他課外活動, 一生一體藝, 有已經可以, 又唔駛精通十八般舞藝既.

原文章由 scbhongkong 於 07-9-11 00:34 硐表
各位聖瑪加利家長，本人女兒今年就讀K2, 明年將會報讀P1 St. Margaret, 是否要預備 叩門 Profile, 精通十八舞藝?

G-Ma

hi d2343130,

通常都應該有信通知既, 如果你再收唔到, 不妨打個電話去問吓啦, 又可以表示你既誠意.

原文章由 d2343130 於 07-9-20 17:37 硐表
G-Ma:

想問如果學校唔收已1st interview的學生, 會唔會出信通知??

因bk 另有位媽媽的小朋友,與我個仔同日1st interview(不同時間), 但已有通知下星期一2nd interview???

如果甘樣係代表無行的話, 我唔使係到等... ...

G-Ma

hi d.fish,

幾年前你遇到既中學生好可能係以前St.Margaret女校既學生, 一間學校要改變都需要時間, 無可能即刻換哂D學生.  宜家小學部有收生權, 亦係學校一手由細培養出嚟, 相信到佢地升上中學就唔會再有你遇到既情況.

原文章由 D.Fish 於 07-9-22 16:34 硐表
Hi,
我的兒子今年讀P.3(不是在St.Margaret),我對呢所學校認識不多,但只想講一講我的感覺,當年我也有到St.Margaret取P.1的application form,但老公就極力反對,話n年前呢間係band5中學,不過我覺得去一去都無壞,學校都 ...

G-Ma

hi d2343130,

通常打電話去都係表示吓好有誠意讀, 仲可以搵多d機會去見吓校長或者ms. lee, 等佢地記得你小朋友, 咁機會就大d.  

原文章由 d2343130 於 07-9-23 15:28 硐表
HI, G-Ma:
多謝回覆!!
我唔敢打去問, 都係得收信算啦!!
因為學校又未有set 個application deadline, 相信佢地仲挑選中,而且以我個仔甘的表現, 都係衰咗啦!!
thanks!
...

G-Ma

每年加幅按你入學時既學費加$1-200左右, 如果以你地出年2800計, 到小六時都會到3千幾左右啦.  不過以學校既師資, 都好抵架.

原文章由 ycdy 於 07-9-23 17:25 硐表

thanks！一家三口，點解年年都加幾佰，如考到，上到P5、P6會否到$4000水平呢？

G-Ma

hi catcatmom,

跟通脹加都係正常, 一般通脹都係5-8%左右啦, 咁咪差不多$1-200到.  我地小二今年加左$200, 不過亦加咗外語班比小二學生讀(之前要小四先有得讀), 咁我都覺得值.

原文章由 catcatmom 於 07-9-27 12:07 硐表
G-Ma

係簡介會果日我問過校長學費既問題, 我說:識現有既家長, 佢話學費每年會加一佰, o甘出年9月係$2,800p1; $2,900p2.......$3,300p6.

佢話: e+唔係o甘! 加學費要睇真正需要,如通"脹"特因素. 要加大圍一起加..... ...

G-Ma

Hi Catcatmom,

我地小一係hk$2,200/月, 宜家小二係hk$2,400/月.

原文章由 catcatmom 於 07-9-28 00:36 硐表
Hi G-Ma

唔該曬!咁講即唔一定每年加一百, 校長仲話可能唔加, 要睇情形.
咁你囡囡今年升p2( 對嗎?) 實則交緊幾多錢／ｍ？

G-Ma

hi madku109,

聽講今年五年班多左地理, 歷史呢d課程, 唔知深唔深呢, 小朋友習唔習慣?

原文章由 madku109 於 07-9-29 19:38 硐表
Hi! G-ma and everybody,
我囡囡今年５年班，今年學費加咗３００，
加得最多就係今年啦！

G-Ma

CheCheMan,

其實近年直資學校都好受家長歡迎, 因為大家對政府"大抽獎"既政策都有意見, 與其靠運氣去抽一間學校, 不如自己揀, 自己考一間心儀既學校好過.  加上直資學校有收生權, 學生都係被挑選過, 質素會有保證d.  學校亦可以自行編制課程, 會切合社會需要多一d.

好似聖瑪加利咁, 佢受歡迎原因多是以下幾點
1. 英語環境好好(十多位外籍老師)
2. 小班教學 (二十幾人一班)
3. 一條龍直上, 中學唔駛煩多次
4. 可以多學一種外語 (法文, 日文, 西班牙文)
5. 中文用普通話教學

我囡囡今年讀小二, 環觀佢既同學仔其實都好乖, 當中有d係活潑d, 多口d, 但都睇到佢地本質唔壞, 都好有教飬.  英文同普通話既進步最明顯, 英文已經可以寫到文章, 雖然有grammar mistakes, 但都可以表達到佢地想表達既意思.  我囡囡好鍾意返學, 對學校好有歸屬感, 功課壓力亦唔大, 每日都係得幾樣功課. 見到佢每日開心成長, 我覺得就算係要比學費都係好值得.

小五開始學校為配合中學課程, 所以課程中加插咗中學課程, 有歷史, 地理及科學, 我聽高年級既家長講程度都有中二那麼深, 相信對於佢地將來升中會打好一個基礎.

原文章由 CheCheMan 於 08-1-24 18:03 發表
Just have time to read thr' messages abt other schools.

I have applied SM a couple months ago coz I only applied 2 schools for my son at that moment.   Now, my son is luckily got a place from one sch ...

G-Ma

Hi CheCheMan,

其實課程大概同一般官津差唔多, 係英文係學校自訂一套課程, 同出面教法係唔同, 多以project/topic形式教, 例如 holloween, christmas, fariy tales咁, 係每一個topic裡面等小朋友學多d生字同文法, 鼓勵小朋友多寫作.

直資始終要交成績, 如果唔係收生就會有困難, 所以到小三開始都會慢慢加多d練習, 不過學校唔多抄寫功課, 主要都係操練中文理解, 因為大陪份小朋友都會鍾意英文多d, 所以學校會加強中文既操練.

原文章由 CheCheMan 於 08-1-25 12:09 發表
Hi G-Ma,

聽落都幾好喎。但我都想知 St. Margaret 係 P.1 - P.6 時課程是否同其他 local primary schools 一樣？或好似 cky 咁自行訂制課程？

話雖輕鬆，但以新校黎講，點都要交成績出黎，等多d人認同。咁佢地會點谷？



...

G-Ma

P.1-P.2 --  yes
P.3-P.4 --  1 Chinese teacher + 1 NET/ABC/Chinese
P.5-P.4 -- 1 class teacher only

原帖由 elizatyy 於 08-8-26 22:39 發表


雙班主任... 1 Chinese teacher + 1 NET?

G-Ma

見家長係用中文, 所以唔駛擔心.

學校比較關心家長投放幾多時間比小朋友, 同埋家長是否認同學校既教學理念.

G-Ma

hi brbaby2007,

我囡囡n1-k2上半學期都係讀救世軍幼兒園, 到k2下半學期我就轉咗佢去讀國際幼稚園(無中文讀).  因為係救世軍學到既英文我自己覺得應該唔夠應付sm既入學面試.  雖然我一直都有比囡囡星期六再去讀外籍老師教既英文興趣班, 但一個星期得一堂, 所學到既真係好有限.  轉咗去國際幼稚園, 囡囡既英文係2-3個月內已經提升好多, 所以好順利考到入sm.

近年sm既收生標準愈來愈高, 唔只要英文好, 中文都要好, 所以如果真係想入既話, 真係要好好安排一下, 最好係一間有外籍老師既幼稚園會好d.

原帖由 brbaby2007 於 09-2-26 01:47 發表
G_MA & 其他sm既家長

我想問.... 我幫囡囡報左救世軍幼兒園, 課程會比較淺, 英文亦都唔會太注重...

但我未大肚時已經想第日囡囡入sm (因為同事囝囝讀緊, 覺得佢好乖巧好懂性語言又叻, 深深俾呢間吸住左...)

咁我 ...

G-Ma

我囡囡今年已經三年級, 佢面試既時候, 中文只係考配對詞語, 同埋讀一d簡單既生字, 好似 "船", "家"...咁.  不過我聽到其他家長話有d小朋友英文好native既都無收or waiting list, 可能係因為中文無咁好, 所以感覺學校嚴咗.  

因為我囡囡面試都有好幾年, 我地面試既內容可能已經唔update啦, 都係等新入學家長比意見會好d.

原帖由 PinguLinusLee 於 09-2-26 16:19 發表
G-MA,

想問問中文好是要怎樣好? 聽寫講讀都要嗎?  還是口語要講普通話?

G-Ma

揀救世軍係因為佢地係返全日 (可以返8am-6pm), 咁可以放工先去接佢都唔遲.  

其實亦唔駛一開始就讀國際幼稚園, 因為國際幼稚園通常無中文學, 所以前期可以係普通幼稚園讀兩年, 學返一d中文先再轉都ok.

其實讀普通國際幼稚園(唔係英基果d, 係黃埔都有好幾間普通d既 or 祟真國際) 學費都係大概 $4xxx-$5xxx左右,  如果你出去上外藉老師playgroup 每小時起碼要 $200, 一星期上三堂, 每個月都要$2400, 再加埋救世軍既學費, 其實都差不多要$4xxx (不過宜家有學卷, 好似會平$1000), 但係係國際幼稚園小朋友係就日日有外籍老師教, 學到既一定會比上playgroup 多, 而且同學之間都會用英文溝通, 成效會大好多.  

不過宜家言之尚早, 你囡囡應該仲好細個, 你可以到時睇佢英文能力再諗對策都唔遲, 唔駛太擔心.

原帖由 brbaby2007 於 09-2-26 16:23 發表
原來g-ma以前囡囡都係讀救世軍........
我都想幫囡囡報國際學校, 不過實在太遠了.... 經濟又唔許可.... 好frustrated......

如果我可以搵到一o的playgroup係一個星期上幾日, 等佢有機會接觸外國人, 唔知 ...

G-Ma

近呢兩年都難考咗, 我有幾個朋友既仔女都係WAITING LIST, 我都相信再過多兩年就更難, 因為SM只得80個位, 真係好少, 聽聞有兄弟姊妹讀緊都唔一定收, 準備充足D唔駛到時心驚驚.

原帖由 sara 於 09-2-27 10:02 發表
我個女就調番轉,n1時讀青衣一間全英文既幼兒園,跟著讀左一間勁多中文既幼稚園,而家既英文都叫ok,but中文就一直落後......而且表達自己時中時英,好似唔係太暢順!
我諗或者都要為母語打好底先,所以我會俾個個細仔讀中 ...

G-Ma

HI SARA,

幫亞囡考小學真係一個好難忘既經歷, 自己讀書考試都未有咁緊張, 等待消息果段時間真係食唔安坐唔落, 到收到通知話收咗, 當時既心情仲開心過中六合彩.

呢個經歷真係唔係幾好受, 好彩SM係一條龍, 唔駛煩中學, 唔係真係命都短幾年.

你仔仔雖然係細仔, 不過有姐姐係到讀點都著數D既, 起碼對學校理念, 運作都好清楚, 弟弟既歸屬感都會好過其他小朋友.

原帖由 sara 於 09-2-28 22:48 發表
PinguLinusLee,
我個女係讀宏福幼兒園，係d印巴藉老師教既!反而那時我個女唔太出聲! 之後讀一間大部分時間中文教學既幼稚園,but反而佢就好似開竅咁,識得講野&問野.......
有時覺得讀邊間幼稚園和考到邊間小學未必有好 ...

[ 本帖最後由 G-Ma 於 09-3-1 02:03 編輯 ]