IN 完協恩既家長 ~ 請進!!

Lily0406

各位你地好啊!
我是上星期六in 9:30 的, 好幾日都無上來,所以差 D 錯過了這個Topic 呢!!
我個女都係麻麻地, 問佢 的士在那裡行, 她總是指著個海,因為佢好鐘意游水,  

最後拿了糖又沒有講多謝,
聽天由命啦!

召藥師

我個女今日都in左喇~
同大家囡囡係上個星期in o既野一樣。
不過我個女一見到老師就有d驚，初初唔識應對，個老師又鬼咁細聲咬耳仔咁，佢又聽唔清楚問佢邊個帶佢黎in(答左'妹妹' )，好彩之後一見到d交通玩具就雙眼放光，又主動同老師講d玩具(飛機係天空度飛、船係海度行等)，數數目一d都唔難，我見佢都係頂多數到2。最後攞糖又唔識主動講多謝(細細個已平時日日都教佢都係唔主動講 )，七百幾人爭60個位，有佢份都偷笑lo，一切都係平常心算。

p.s.今日好多小朋友都係著到去飲咁，我同個女都係著d 普通d o既衫褲，我諗咁樣個小朋友會冇咁緊張，個老師見咁多靚靚小妹妹，見番個樸素d o既可能會有印象d。

monkey妹

召藥師 寫道:
p.s.今日好多小朋友都係著到去飲咁

     個個都穿裙仔仲要粉紅色   我個囡無穿裙仔唔知會唔會考唔到呢?

召藥師

monkey妹 寫道:
[quote]
召藥師 寫道:
p.s.今日好多小朋友都係著到去飲咁

     個個都穿裙仔仲要粉紅色   我個囡無穿裙仔唔知會唔會考唔到呢? [/quote]

係好多都著白色裙，再搭黑色或粉紅色披肩/外套。

LILY媽咪

monkey妹

召藥師 寫道:
[quote]
monkey妹 寫道:
[quote]
召藥師 寫道:
p.s.今日好多小朋友都係著到去飲咁

     個個都穿裙仔仲要粉紅色   我個囡無穿裙仔唔知會唔會考唔到呢? [/quote]

係好多都著白色裙，再搭黑色或粉紅色披肩/外套。[/quote]
我係上個禮拜六in !見到多數穿粉紅色囉! 唔通女仔一定要穿粉紅色衫!  

召藥師

[quote]
LILY媽咪 寫道:

lulucns

Hi,

我個囡都是剛剛in完回來, haha, 機會一半咋, 因老師問佢一樣佢最唔懂得的船, 佢連果架船都唔識, 其他識果兩樣就抽唔中, 真係天意, 需然佢答錯d問題, 但我覺得佢好好笑. 數數目就啱d唔啱d, 好攪鬼. 大家唔使咁緊張啦, 自然d小朋友開心就乜都得了.

衣著-我都係比囡囡穿牛仔裙喎, 去面試, 又唔係去飲, 唔使咁跨張呀.

Ah-Faye

我囡囡都係今日in完...
不過我諗都係凍過水la...
因為佢淨係掛住玩table上d玩具,都唔係好留心
老師問問題 :
所以佢有d答o岩,有d又問非所答
隨緣la...

joviemum

又係個句, 名校見識過就算啦, 雖然我好喜歡呢間學校, 我囡晨咁早俾我整醒, 未定神都答到大部份問題都算係咁啦, 老師有d問題都幾即場,問我囡你點黎學校ga? 行路?, 巴士?, 跟著望張form, 哦, 你住粉嶺,係未坐火車黎ga? 阿囡扭轉身望我,乜都點頭 ,其實係爸爸車佢黎,老師又問佢爸爸架車咩色ga?好彩佢又識答, 跟著問佢個圖有風箏同蜜蜂, 佢又係兩樣都唔識 ,要老師幫佢答,問佢有冇玩過風箏?佢又點頭, 查實係乜佢都唔知又未見過 , 我都心中有數啦,好彩佢12月中已有結果, 等我唔駛發咁耐夢

MakeAWish

我和BB去過幾間所謂名幼稚園interview, 發覺現在的幼兒教師的質素並非像我們所期望的那麼好, 而且他們好像並不了解幼兒發展的各個階段所需的不同照顧. 就好像我們到協恩/ 真光interview, 老師說話的速度及語氣, 態度及耐性, 與小朋友的"社交距離"等等, 根本就是在考小一學生.
似乎現在的幼兒工作都期望家長已在家完成整個"幼兒教育", 最後再把小朋友送往該幼稚園作考核及小一派位統計!

ryanhcl

見到大家的小女兒都可以安安定定入座，而我個女一入課室就黏著我隻腳.老師不由他說.就為我預備張椅.小女兒全程都倚靠在我大腿外.我好奇想知.各位家長...點樣可以咁犀利.教到佢一入去就'埋位' 呢?
我女兒...在老師發問:那一樣東西在水中?她在車、船、企鵝、同一樣我忘記了是什麼的東西中...選了企鵝..其實佢都未見過那款帆船.於是我同佢兜..係wow企鵝都在水游. 啊!忘記看看老師個表情tim. 另外、數數目都係臨場失手. 無法子.佢都盡了力! good luck to all!祝願大家都有一個合適之學位.
cheer up!

ryanhcl

其實我都有同感...小朋友方才兩歲.又豈可經歷如此挑戰.要小朋友咁細個就獨立得可以..這個地步.
都有不斷想.這樣interview與'幼兒教育'的本位.是否有d出入.但又好矛盾.自己都選擇加入這一個遊戲...相信大家都想給她/他最好的環境成長

nghoitung

我都覺得係,尤其是老師極無耐性和態度不是太好,好像冇乜愛心! :-|

召藥師

IN阿女個位miss又好nice好有笑容架(room3)，不過就好細聲，好似咬耳仔咁，好彩阿女warm up完坐起度後就好肯答問題，仲反過來一見d圖就話係風箏，又話飛機係天空度飛等,不過阿女就唔係好有笑容。其實小朋友得個兩歲幾，識數數同認唔同事物好花時間教，可能佢地想睇個小朋友本身資質好唔好，家庭教育又好唔好掛......。

其實我想個女讀協恩係想近屋企(5分鐘就到)，家長質素都唔會太差(對小朋友管教都好d)，而且阿女本身又唔係學野差，諗住就算程度深d都應付到。如果佢入唔到，都唔會好失望，因為保良局都收左佢，不過要行20分鐘先到(阿仔讀緊)。講真如果唔係保良局太遠同好多新移民家庭，我就唔會再報協恩，因為讀名校唔知會唔會成日同人比較，學少d野都唔及人就死。

zhazha

經過一輪面試, 我覺得協恩老師是所有包括九龍塘名校中最有耐心和愛心的. 她們不僅不是機械性地問問題, 而是因人而異. 亦不像收幾佰人的學校, 老師的笑容似是特別奢侈. 她們亦是精英制. 無論收與否, 我都很感激她們及吳校長.
祝福每一位小朋友和家長.

monkey妹

[quote]
ryanhcl 寫道:
其實我都有同感...小朋友方才兩歲.又豈可經歷如此挑戰.要小朋友咁細個就獨立得可以..這個地步.
都有不斷想.這樣interview與'幼兒教育'的本位.是否有d出入.但又好矛盾.自己都選擇加入這一個遊戲...相信大家都想給她/他最好的環境成長

samllshop

其實毎個小朋友有佢特別的個性, 有d比較依賴, 有d比較獨位, 有d比較自我, 所以有時未必係經過特別訓練.

就係因為唔同小朋友有佢哋自己的性格, 作為家長就應該因應自己小朋友的個性去為佢哋選擇合適的學校.

momolies

[quote]
zhazha 寫道:

經過一輪面試, 我覺得協恩老師是所有包括九龍塘名校中最有耐心和愛心的. 她們不僅不是機械性地問問題, 而是因人而異. 亦不像收幾佰人的學校, 老師的笑容似是特別奢侈. 她們亦是精英制. 無論收與否, 我都很感激她們及吳校長.
祝福每一位小朋友和家長.

[quote]


  agree!

我果日in3號房, 那位老師好好啊, 一入去佢即刻有方法引我囡囡入坐, 而且令囡囡講好多野, 平時如果係見到陌生人既話, 要十分鐘左右warmup, 那天完全唔使!而且老師幾有耐性, 囡囡唔識答, 都慢慢引導佢答!

其實協恩係我既唯一選擇咁制, 因為若然唔係呢間, 家人唔讚成囡囡坐車返學, 只可讀屋企下面的幼稚園 , 所以希望5d知道結果, 得唔得都好, 唔使成日心掛掛.